MATTHEW 3:12 - Hakcipta - Biatah Bidayuh

¹² Ayŭh biyŭn tapan di tangan-I ngga napan ka nyidŭrŭ gandom so aping. Ayŭh re nguruk gandom adi bisig ka darŭm panggau, pak aping Ayŭh re badang di apui adi dŭh bisa pura.”

MATTHEW 3:12 ပူးပေါင်းရင်းမြစ်များ

JOB 21:18

ka poh ngara keya ka siriyang dog poh sabah, puan kah keya ka dabu dog poh sabak ribut?

MAZMUR 1:4

Pak bara daya arap manŭn dŭh keya ka anŭ; ngara keya ka aping adi dog poh sabak.

MAZMUR 35:5

Isa-i ngara keya ka siriyang dog poh sabak darŭm malaikat TUHAN tadak ngara!

ISAIAH 1:31

Mun siriyang sau bada sirah bŭtŭp apui, simŭnŭ gŭh daya bikuasa re rabur bada pingandai arap adŭp ngara, ka mating daya re dapŭd pirŭŭ pinyirusag anŭ.

ISAIAH 17:13

Bangsa bangsa masang mun girumbang nyarab, pak Tapa nang ngara ka ngara ngundur, mun adi dog poh sabak di bŭngŭn sandah, mun siriyang darŭm sabak biriyung.

ISAIAH 27:4

Aku dŭh tia baji di teya anggor anŭ. Kambŭi agi tŭngŭn reja ngga bakah pireja dieh, Aku bisa kubo badang-i.

ISAIAH 28:28

Ayŭh dŭh adu adu ngiik gandom ndŭg ka ga-i rusak, ka ayŭh puan munki ngiik pakai krita adi main tarik di tunduh ruwang pak dŭh pirusak ga-i.

ISAIAH 30:24

Sapi ngga kaldi adi majak tana ŭmŭh ngan re man pinguman adi siabo kana.

ISAIAH 41:16

Angān re napan sopŭrŭg-i. ka sabak re taban-i ngga bu, ka-i re mingare bada sabak ribut. Komŭnŭ angān re gaŭn amai Aku ati Tapa ngan; angān re muji Aku, Tapa kudus Israel.

ISAIAH 5:24

Jadi madin, nimun siriyang ngga kupai adi badŭh sanang dog badang di apui, uat ngan re madam ka rarak ngan re pisŭk ka ruruh, sabab angān mbŭh tirawan kayuh adi TUHAN Bisa-pŭrŭg adi Tapa kudus Israel, mbŭh ngajar di ata.

ISAIAH 66:24

“Darŭm ngara mari, ngara re kiris tadang tadang ngara adi ko rawan matah Aku. Ŭrŭd adi man ngara re dŭh bisa kabŭs, ka apui adi badang ngara re dŭh bisa pura. Di batŭh sopŭrŭg bangsa manusia, kayuh adi mun anŭ inŭh kayuh adi tikŭnŭd daya kiris.”

JEREMIAH 15:7

Di barang kupo di tarun tana ati Aku taran angān di sabak mun siriyang. Aku pirabur angān, daya Ku Aku siŭ anak anak ngan sabab angān dŭh pirŭŭ pimudip arap ngan.

JEREMIAH 17:27

Pak ngara dŭh siŭn dŭh nundok di Aku ka sita andu Sabbath bada jadi andu adi kudus. Ngara dŭh siŭn kabis tadŭ tadŭ kayuh mŭrŭt ruah tiban tiban-bās Jerusalem di andu anŭ, amai kambŭi ngara ndai simŭnŭ, Aku re badang tiban tiban Jerusalem. Apui re man istana di Jerusalem, ka mating daya re tungang mura-i.”

JEREMIAH 4:11

Tika-i re mandŭg kan daya Jerusalem re dog kidaan nang sabak paras so tarun tana-pajam mbŭh poh ka parad ngara. Dŭh-i sabak adi kaŭs-i tungang poh aping.

JEREMIAH 51:2

Aku re pait daya tami bada pirabur Babylonia mun sabak poh siriyang. Kan andu pinyirusag anŭ mbŭh mandŭg, ngara re nyerang so barang parad ka tingge rais anŭ dŭh biyŭn ani ani dieh.

JEREMIAH 7:20

Ngapŭi Aku, adi TUHAN Raja, re bada bisā baji Ku nyatŭk Ramin TUHAN ati. Aku re bada-i nyatŭk manusia ngga dāng dāng, samŭn tŭngŭn tŭngŭn kayuh ngga pimuruh. Baji Ku re mun apui adi dŭh daya tungang mura.

HOSEA 13:3

Ngapŭi ngara re miyap mun abun isan isan, mun sipot-abun adi miyap awar isan isan. Ngara re mun aping adi dog poh sabak so tarun yŭn ngiik, mun asuh so sirumbong asuh.

AMOS 9:9

“Aku re mritah, ka kusok daya Israel mun gandom di ayag. Aku re ngayag ngara di dupan bangsa bangsa ngga kadi sopŭrŭg adi dŭh biguna.

MALACHI 4:1

TUHAN Bisa-pŭrŭg nang, “Andu re mandŭg adi ngga sopŭrŭg daya adi sambuh ngga adi arap re dog badang keya ka siriyang dog badang. Di andu anŭ ngara re abo dog badang, ndŭg ka mating ani ani dŭm so ngara.

MATTHEW 13:30

Tandah gandom ngga uduh samah timbu ndŭg tipuh ngatŭm. Nganŭ aku re kidaan di bara adi tukang ngatŭm da dimbut uduh diŭ, mŭŭng-i ka badang-i, ka komŭnŭ di nguruk gandom ka na-i di panggau ku.’ ”

MATTHEW 13:41

Anak Manusia re pait bara malaikat-I da kadi so dupan daya adi-I ko mien sinadan adi bada daya bidosa samŭn adi ndai kayuh arap,

MATTHEW 13:42

ka ngara re taran ngara ka darŭm buwang apui, di yŭn ngara re sien buang sangsara.

MATTHEW 13:43

Komŭnŭ bara daya adi ndai pinyiraan Tapa re nyirinyak mun batŭh andu darŭm Ong Bauh Tapa, adi Sama ngara. Dingah meh garang, kambŭi angān biyŭn kajit!

LUKE 3:16

Jadi John nang di sopŭrŭg ngara, “Aku baptisa angān ngga piin, pak Ayŭh adi rabis bās so aku re mandŭg. Bŭŭng kasut-I bina, dŭh aku pus re kuka. Ayŭh re baptisa angān ngga Roh Kudus ka ngga apui.

LUKE 3:17

Ayŭh biyŭn tapan di tangan-I. Ayŭh re nguruk gandom adi bisig darŭm panggau; pak aping, Ayŭh re badang di apui adi dŭh bisa pura.”

JOHN 15:2

Barang daan adi darŭm Aku adi dŭh buān Ayŭh japa, ka barang daan adi buān buwa Ayŭh pibisig isa-i buān rabis bagŭ buwa.