Kaam trima daya adi gaŭn ndai kayuh adi batur, ngara adi ingat adŭp-i udip nanyam ka pinyiraan Mai. Kaam baji di kieh, pak kieh babŭ ndai dosa. Pŭn ka Kaam mbŭh raru baji pak kieh ngandŭ ndai sarah so jaman jah.
Mary mbit sitangah lita inyo wangi adi mbar rega-i adi dog ndai so ndi masam kayuh adi buuh ramak dagŭn-i, ka susen-i di kaja Jesus. Ayŭh ngutos kaja Jesus ngga ubok-i. Ka ramin mbŭh puno ngga dagŭn wangi anŭ.
Di andu Minggu anŭ, kan-i mbŭh karŭm, bara murid Jesus tikuruk di ndi ramin buang sopŭrŭg tiban mbŭh birabŭt, sabab ngara taru bara Pinguasa Jahudi. Jesus mandŭg ka mijog di ruang ngara ka nang, “Damai ka angān.”
Ka madin meh, bara dingan ku, harap angān bua sanang! Gruwŭn aran pimudip adi sukup kana; tunda pinganang ku ati; udip darŭm ndi itong ngga dingan ngan; udip darŭm damai. Ka Tapa pinyirindu ngga damai re agi ngga angān.
Dingah! Mun tibaran anŭ adi dog dapu Shetan, piminyu kadong-i adi nang adŭp-i bangsa Jahudi pak sibandar-i dŭh, Aku re bada ngara sidikang di kaja mu. Sopŭrŭg ngara re puan nang Aku rindu kuu.