MATTHEW 28:18 - Hakcipta - Biatah Bidayuh

¹⁸ Jesus tudu ngara ka nang di ngara, “Aku mbŭh dog nggen sopŭrŭg kuasa di shorga ngga di ong.

MATTHEW 28:18 ပူးပေါင်းရင်းမြစ်များ

MAZMUR 89:19

Jah di tika adi keya ka darŭm pŭmŭh, Kaam nang di urun urun Mai adi tŭtŭd, “Aku turung soldadu adi timagah; Aku nggen takta di sianŭ adi Aku mien so dupan bara daya.

MAZMUR 89:27

Aku re bada ayŭh jadi anak pinuai Ku, raja adi siabo bās raja.

PITAS 8:15

Aku turung raja mritah ka turung pimritah ndai ukum-adat adi kana.

MATTHEW 11:27

“Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.

MATTHEW 16:28

Puan meh! Agi kada ngara digiti dŭh re kabŭs sibayuh ngara kiris Anak Manusia mandŭg nimun Raja.”

MATTHEW 26:64

Jesus nam ayŭh, “Adŭp mu mbŭh nang. Pak Aku kidaan di sopŭrŭg ngan: so andu ati angān re kiris Anak Manusia guru tura ka tauh Ayŭh adi Bisa-pŭrŭg ka mandŭg di tunduh abun!”

LUKE 10:22

“Sama Ku mbŭh nggen di Aku sopŭrŭg kayuh. Mating daya puan asi Anak adŭ-i Sama, ka mating daya puan asi Sama adŭ-i Anak samŭn ngara adi yŭn Anak ko kidaan pasar Ayŭh.”

JOHN 13:3

Jesus puan Sama mbŭh nggen di adŭp-I sukup kuasa; Ayŭh puan adŭp-I mandŭg so Tapa ka mbŭh re pari ka Tapa.

JOHN 17:2

Kaam mbŭh nggen kuasa tunduh sopŭrŭg bangsa manusia di Ayŭh, isa Ayŭh nggen udip adi sawŭ adi tan adu adu di sopŭrŭg ngara adi Kaam ko nggen di Ayŭh.

JOHN 3:31

Ayŭh adi mandŭg so sambu agi bās dŭ so sopŭrŭg daya. Ayŭh adi mandŭg so ong mbŭh tung ong, ka minyu pasar kayuh ong. Pak Ayŭh adi mandŭg so shorga mbŭh rabis bigatung so adi bŭkŭn.

JOHN 3:35

Sama rindu Anak-I ka mbŭh na sopŭrŭg kayuh di ribo kuasa-I.

PINGANDAI 10:36

Angān puan agah adi-I pait ka daya Israel, Agah Kana pasar damai so ka Jesus Kristus, adi Tuhan sopŭrŭg.

PINGANDAI 2:36

“Sopŭrŭg daya Israel patut puan ngga tatu-i Jesus ati, adi angān masak di atuh rigang, inŭh sianŭ adi Tapa mbŭh bada jadi Tuhan ka Kristus!”

ROME 14:9

Amai Kristus kabŭs ka mbŭh makat udip bauh siŭn-I jadi Tuhan daya adi udip ngga adi kabŭs.

1 CORINTH 15:27

Amai Surat-kudus agi nang, “Tapa na sopŭrŭg kayuh di ribo kaja-I.” Anŭ mbŭh timatŭk dŭh sirati-i Tapa adi na “sopŭrŭg kayuh” sua di ribo Kristus.

COLOSSAE 2:10

ka angān mbŭh dog nggen ngga sipuno-i udip adi sawŭ darŭm angān udip ndi ngga Ayŭh. Ayŭh mbŭh di tunduh sopŭrŭg roh adi bikuasa ngga adi mritah.

HEBREW 1:2

pak di sikasŭn tipuh ati Ayŭh minyu di ata so Anak-I. Ngga Ayŭh inŭh Tapa napa rangit ngga ong, Ayŭh adi Tapa mbŭh mien da dapu sopŭrŭg kayuh di pinŭbŭn-i.

HEBREW 2:8

ka mbŭh bada ngara jadi pinguasa sopŭrŭg kayuh.” Ayat anŭ nang Tapa mbŭh bada manusia jadi “pinguasa sopŭrŭg kayuh”; anŭ inŭh samŭn tadŭ tadŭ kayuh. Pak madin dŭh ata kiris manusia nguasa sopŭrŭg kayuh.

1 PETER 3:22

adi mbŭh di ka shorga ka mbŭh tura ka tauh Tapa, mritah sopŭrŭg malaikat, pinguasa ka pinyibake di rangit.

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”

PINANDŬNG 17:14

Ngara re birawan ngga Anak Biri; pak Anak Biri, ngga bara adi-I ko mien, bara adi sabah, re ngarah ngara, sabab Ayŭh inŭh Tuhan di tunduh sopŭrŭg tuhan ka Raja di tunduh sopŭrŭg raja.”

PINANDŬNG 19:16

Di jipo ambu-I ka di pŭŭh-I agi dog nuris dŭn: “Raja di tunduh sopŭrŭg raja ka Tuhan di tunduh sopŭrŭg tuhan.”