MATTHEW 27:4 - Hakcipta - Biatah Bidayuh

⁴ “Aku mbŭh bidosa jua daya adi dŭh sarah da dog ukum kabŭs!” ayŭh nang. “Re ami ngga mani?” ngara nam. “Anŭ mbŭh har adŭp mu!”

MATTHEW 27:4 ပူးပေါင်းရင်းမြစ်များ

1 RAJA 21:27

Kan Elijah muko minyu, Ahab nyiratak piraka-i, pirukos-i, ka kasŭk banang guni. Ayŭh abah man, ka bŭŭs nēn banang guni, ka panu susah buang bipito.

2 RAJA 24:4

ka rabis-i sabab sopŭrŭg daya adi dŭh sarah adi-i ko siŭ. TUHAN dŭh dapŭd apun Manasseh amai sarah-i anŭ.

JOB 13:4

Angān kadong aku ngga nutu adŭp ngan dŭh puan ani ani; angān keya ka Doktor adi dŭh tungang pibua daya.

MAZMUR 94:21

adi bipekat rawan daya adi kana ka nggen ukum kabŭs di daya adi dŭh sarah.

PINYIRUAH 12:31

Di ngarŭm anŭ gŭh raja bagan Moses ngga Aaron ka nang, “Bu so ti angān ngga bara daya Israel ngan! Bu so rais ati; bu di nyambah TUHAN, nimun adi ko angān mite.

PINYIRUAH 9:27

Raja bagan Moses ngga Aaron ka nang, “Kari ati aku mbŭh bidosa; TUHAN inŭh adi batur, ka daya daya ku samŭn adŭp ku inŭh adi sarah.

PITAS 12:8

Kambŭi kuu pitar, kuu re dapŭd puji; kambŭi kuu budo, daya re ngamun kuu.

JEREMIAH 26:15

Pak ingat ati: kambŭi angān siŭ aku, angān ngga bara daya adi rŭŭ darŭm kupo ati re bidosa amai siŭ daya adi dŭh sarah, sabab TUHAN inŭh adi pait aku bada nggen di angān pinyibakan anŭ.”

JONAH 1:14

Jadi ngara nyirais bagan mite turung so TUHAN, “O TUHAN, kieh bidua, dŭhnyah ngukum kieh ngga pinyikabŭs sitagar kieh siŭ daya ati! Kaam, O TUHAN, inŭh adi dapu tanggong di sopŭrŭg kayuh ati; kayuh ati inŭh pingandai adŭp Mai.”

MATTHEW 27:19

Darŭm Pilate guru ngatur bisara, sawŭn-i pait pinganang ka ayŭh: “Dŭhnyah kuu sua ida ida di tunduh daya adi dŭh bidosa anŭ, sabab singumi aku agi nyipŭmŭh arap pasar Ayŭh.”

MATTHEW 27:54

Kan pingubak soldadu ngga bara soldadu-i adi nguan jaga Jesus kiris tana-bigugoh ka sopŭrŭg kayuh adi jadi, ngara mbŭh taru ka nang, “Ayŭh sawŭ Anak Tapa!”

LUKE 23:22

Pilate nang dinge, adi pitaruh saba, di ngara, “Pak ani sarah-I? Aku dŭh tungang dapŭd sarah-I adi bisa bada Ayŭh patut dog ukum kabŭs! Aku re bada Ayŭh dog madŭs ka komŭnŭ pirupas ayŭh.”

LUKE 23:41

Jata ukum taŭn patut, sabab ata kambat baras pingandai adŭp ta; pak Ayŭh, mating-I ndai sarah.”

LUKE 23:47

Pingubak soldadu kiris kayuh adi mbŭh jadi, ayŭh muji Tapa, “Tŭk sawŭ daya ati dŭh biyŭn sarah!”

JOHN 19:7

Bara daya bagŭ nam, “Nanyam ka ukum-adat ami Ayŭh patut dog siŭ, sabab Ayŭh nang adŭp-I Anak Tapa.”

PINGANDAI 13:28

Sunggu ngara dŭh biyŭn aran re nggen ukum kabŭs di Ayŭh, ngara mite Pilate nggen di Ayŭh ukum kabŭs.

ROME 3:19

Madin ata puan nang sopŭrŭg kayuh darŭm Ukum-adat taŭn mbŭh yŭn daya adi udip di ribo Ukum-adat, siŭn sopŭrŭg daya dŭh bisa nang ani ani ngga nutu sarah-i, ka yŭn sopŭrŭg daya dog taban bisara di sirung jawin Tapa.

1 TIMOTHY 4:2

Ajar adi mun anŭ mbŭh dog pikambang bara pingadong, adi dŭh piduri pikir-kira atin-i adi kana.

TITUS 1:16

Ngara nang adŭp-i puan Tapa, pak urah ngara dŭh ngaku. Ngara mbŭh raru arap buang dŭh dingah pinganang Tapa; dŭh nugu ndai pingandai kana.

HEBREW 7:26

Jesus meh, Imam Bās adi ata biguna. Ayŭh kudus; Ayŭh dŭh biyŭn sarah puan kah dosa; Ayŭh mbŭh dog nyidŭrŭ so bara adi bidosa ka mbŭh dog paad ka yŭn adi rabis bigatung so rangit.

1 PETER 1:19

pak-i sadis Kristus adi brega, adi keya ka anak biri adi mating takar kais puan kah tadŭ mun arap-i.

1 JOHN 3:12

Ata dŭh siŭn mun Cain; ayŭh dog dapu Siarap ka mbŭh siŭ sude adŭp-i Abel. Mani Cain siŭ ayŭh? Sabab kayuh adi adŭp-i ndai agi sarah, ka kayuh adi sude-i ndai agi batur.

PINANDŬNG 11:10

Bara daya di ong re gaŭn sabab pinyikabŭs ngara duwŭh ati. Ngara re bigawai ka pait buwa-tangan ka dingan ngara, sabab kayuh adi mbŭh jadi di tunduh duwŭh naan nabi anŭ adi ko mito rayat manusia.

1 SAMUEL 15:24

“Sawŭ, aku mbŭh bidosa,” Saul nam. “Aku mbŭh nyibireu pesan TUHAN samŭn atur adat-I. Aku taru daya ku ka mbŭh ndai kayuh adi ngara raan.

1 SAMUEL 15:30

“Aku mbŭh bidosa,” Saul nam. “Pak piji ka kiren stabi di aku di sirung jawin bara pinguru daya ku ka di sirung jawin sopŭrŭg Israel. Pari ngga aku isa aku dapŭd nyambah TUHAN adi Tapa mai.”

1 SAMUEL 19:5

Ayŭh ruban asŭng di andu ayŭh siŭ Goliath, ka TUHAN nggen pimanang bās di Israel. Kan kaam kiris-i, adŭp mai munos asŭng. Mani, meh, kaam raan ida ida ngga daya adi dŭh sarah ka siŭ David ngga dŭh biyŭn pada?”