MATTHEW 27:31 - Hakcipta - Biatah Bidayuh

³¹ Kan ngara muko pimangŭh napat Ayŭh, ngara kadi jipo-ambu anŭ ka pari kasŭk piraka adŭp-I di Ayŭh. Komŭnŭ ngara taban Ayŭh ruah yŭn dog masak di rigang.

MATTHEW 27:31 ပူးပေါင်းရင်းမြစ်များ

1 RAJA 21:10

Bada duwŭh taruh naan daya adi arap nyarah ayŭh amai mbŭh mangu Tapa ngga raja. Komŭnŭ taban ayŭh ka sapa kupo ka manjan ayŭh ngga batuh ndŭg kabŭs.”

1 RAJA 21:13

Duwŭh naan daya adi arap anŭ nyarah ayŭh di sirung jawin daya bagŭ, nang ayŭh mbŭh mangu Tapa ngga raja, ka ayŭh meh dog taban ka sapa kupo ka dog manjan ngga batuh ndŭg kabŭs.

ISAIAH 53:7

“Ayŭh dog pijera, pak ayŭh nyijŭn-i ngga atin rapat; ayŭh dŭh piruah ndi bang pinganang. Mun anak biri re dog simareh, mun biri re dog gumbak buruh-i, ayŭh dŭh nang ani ani.

PINYIKIANG 15:35

Komŭnŭ TUHAN nang di Moses, “Daya anŭ dŭh siŭn dŭh dog ukum kabŭs; sopŭrŭg daya Israel siŭn manjan ayŭh ngga batŭh ndŭg kabŭs di sapa tarun yŭn bibari.”

MATTHEW 20:19

ka komŭnŭ nyerah Ayŭh ka tangan daya adi dŭh bangsa Jahudi, adi re napat Ayŭh, madŭs Ayŭh, ka masak Ayŭh di atuh rigang; pak taruh andu ripas anŭ Ayŭh re dog pakat udip bauh.”

MATTHEW 21:39

Jadi ngara nakap ayŭh, taran ayŭh ka sapa teya anggor, ka siŭ ayŭh.

MATTHEW 26:2

“Ripas duwŭh andu te, angān puan nang-i mbŭh Gawai Paska, ka Anak Manusia re dog nyerah yŭn dog masak di rigang.”

MARK 15:20

Kan ngara muko napat Ayŭh, ngara kadi jipo-ambu adi bēng anŭ ka pari kasŭk piraka adŭp-I. Komŭnŭ ngara taban Ayŭh ruah yŭn masak di rigang.

JOHN 19:16

Komŭnŭ Pilate nyerah Jesus ka darŭm tangan ngara yŭn dog masak di rigang. Ngara tambit Jesus.

JOHN 19:27

Komŭnŭ Ayŭh nang di murid anŭ, “Ayŭh sindŭ mu.” So nganŭ murid anŭ taban ayŭh da rŭŭ di ramin adŭp-i.

PINGANDAI 7:58

ka batak ayŭh ka sapa kupo, ka manjan ayŭh ngga batuh. Bara saksi na jipo ngara di sindŭk kaja ndi naan dari bujang dŭn Saul.

HEBREW 13:12

Sabab anŭ meh Jesus kabŭs di sapa kupo, siŭn-I pibisig daya-I so dosa ngga deya adŭp-I.