MATTHEW 26:41 - Hakcipta - Biatah Bidayuh

⁴¹ Bijaga nŭh ka simayang isa angān dŭh rabu darŭm pinyisuba. Pinyiraan taŭn agi pak pŭrŭng ngan paŭh dŭh sinunuh.”

MATTHEW 26:41 ပူးပေါင်းရင်းမြစ်များ

MAZMUR 119:1

Sanang inŭh ngara adi udip dŭh ndai sarah, adi udip nanyam ka ukum-adat TUHAN.

MAZMUR 119:115

Bu so aku, angān daya bidosa. Aku re tunda pesan Tapa ku.

MAZMUR 119:117

Digŭng aku, ka aku re siramat, ka aku re siraru pirati pesan Mai.

MAZMUR 119:32

Aku re graŭh tunda pesan Mai, sabab Kaam re bada aku rabis mirati.

MATTHEW 24:42

Bijaga meh angān, sabab angān dŭh puan sinde Tuhan ngan re mandŭg.

MATTHEW 25:13

Ka Jesus nang, “Bijaga meh garang, amai angān dŭh puan andu-i bait kah jam-i.

MATTHEW 26:38

ka-I nang di ngara, “Pinyusah Ku raru bat-i, batang re kabŭs nyam Ku da-i. Kajŭn digiti angān buang bijaga ngga Aku.”

MATTHEW 6:13

Dŭhnyah tandah kieh ramah darŭm pinyabah di tika kieh dog pisuba, pak grindung kieh so Siarap.’ [Amai Kaam inŭh Raja adi bikuasa adi dapu bragah ndŭg situi tui. Amen.]

MARK 14:38

Ayŭh nang di ngara, “Bijaga nŭh ka simayang isa angān dŭh rabu darŭm pinyisuba. Pinyiraan taŭn agi pak pŭrŭng ngan paŭh dŭh sinunuh.”

LUKE 11:4

Apun dosa ami, nimun kieh apun sarah daya di kieh. Ka dŭhnyah tandah kieh ramah darŭm pinyabah di tika kieh dog pisuba.’ ”

LUKE 21:36

Bijaga meh ka ari simayang isa angān bake buang siramat darŭm nura sopŭrŭg kayuh anŭ adi re tambus; ka angān meh re dapŭd mijog di sirung jawin Anak Manusia.”

LUKE 22:40

Kan Ayŭh mbŭh ndŭg nŭ, Ayŭh nang di ngara, “Simayang isa angān dŭh rabu darŭm pinyisuba.”

LUKE 22:46

Ayŭh nang di ngara, “Mani angān bŭŭs? Makat ka simayang isa angān dŭh rabu darŭm pinyisuba.”

LUKE 8:13

Bine adi rabu di tarun pibatuh, rati-i ngara adi dingah agah anŭ ka kambat-i ngga gaŭn. Pak dŭh-i mŭrŭt tŭrŭp darŭm atin ngara; ngara sabah nyitiro adŭ ka kan pinyisuba mandŭg, ngara dŭh tia sabah agah anŭ.

ROME 8:3

Kayuh adi Ukum-adat dŭh tungang ndai, sabab manusia ramah darŭm tibiat-i, Tapa mbŭh ndai. Ayŭh nunggu dosa darŭm tibiat manusia darŭm-I pait Anak adŭp-I, adi mandŭg ngga tibiat adi brimun ngga tibiat ta adi bidosa, yŭn ngarah dosa.

1 CORINTH 10:13

Angān dog suba mun daya bŭkŭn gŭh. Pak Tapa ingat janji-I, ka dŭh-I re bada angān dog suba rabis so tungang angān trima. Di tika angān dog suba, Ayŭh re nggen di angān pinyibake ngga rawan-i, buang ngga pirupas adŭp ngan.

1 CORINTH 16:13

Bijaga meh, mijog tagap darŭm pinyabah, dŭhnyah taru pak bada adŭp ngan bake.

1 CORINTH 9:27

Aku pirates adŭp ku isa aku tungang nguasa adŭp ku. Aku ndai simŭnŭ siŭn aku dŭh dog kinabah kan aku ko piagah Agah Kana di daya bŭkŭn.

GALATIA 5:24

Ka sinadan daya adi mbŭh tung Kristus Jesus mbŭh siŭ tibiat pŭrŭng ngara samŭn sopŭrŭg pinyiripong ngga pinyiraan-i.

EPHESUS 6:18

Ndai sopŭrŭg anŭ ngga simayang, mite turung so Tapa. Simayang di tadŭ nga-i, ngga kuasa Roh Kudus. Sabab anŭ angān an ari sidia ka dŭhnyah arah. Siraru simayang yŭn sopŭrŭg daya adi Tapa mbŭh mien.

1 PETER 4:7

Pinŭbŭn sopŭrŭg kayuh mbŭh sindŭk. Angān dŭh siŭn dŭh an jaga adŭp ngan so pinyiripong adi sarah buang ari bijaga, siŭn angān tungang simayang.

1 PETER 5:8

An ari sidia, ka bijaga! Pinganyu ngan, Siarap, bijaruh mun singah ngŭr, jiroh daya an-i man.

2 PETER 2:9

Ngapŭi Tuhan puan munki Ayŭh re nyiramat daya adi nurut pinyiraan Tapa so pisuba ngara ka munki re nguruk bara adi ginaka di ribo ukum yŭn Andu Bisara,

PINANDŬNG 16:15

“Dingah! Aku ati mandŭg mun pinaku! Sanang inŭh daya adi burah ka jaga piraka-i, isa ayŭh dŭh panu sitagor ka mangŭh di sirung jawin daya bagŭ!”

PINANDŬNG 3:10

Sabab kuu mbŭh dingah pinyipesan Ku ngga mu jadi tŭtŭd, Aku re kingat gŭh kuu di tika pinyusah adi re mandŭg ka ong adi ngga sopŭrŭg daya di ong dog suba.