MATTHEW 25:6 - Hakcipta - Biatah Bidayuh

⁶ “Kan-i mbŭh sitŭrŭp ngarŭm, sirŭŭn agi dog dingah, ‘Pingaten dari mandŭg! Ja meh di kambat ayŭh!’

MATTHEW 25:6 ပူးပေါင်းရင်းမြစ်များ

MAZMUR 96:13

kan TUHAN mandŭg di mritah ong. Ayŭh re mritah daya ong ngga pinyitŭnggŭn ka ngga patut.

MAZMUR 98:9

sabab Ayŭh mandŭg di mritah ong. Ayŭh re mritah bara daya ong ngga pinyitŭnggŭn ka ngga patut.

ISAIAH 25:9

Kan anŭ mbŭh jadi, barang naan re nang, “Ayŭh Tapa ta! Ata mbŭh na pinyabah ta di Ayŭh, ka Ayŭh mbŭh nyiramat ata. Ayŭh TUHAN! Ata mbŭh na pinyabah ta di Ayŭh, ka madin ata mbŭh gaŭn pawŭn sabab Ayŭh mbŭh nyiramat ata.”

AMOS 4:12

“Ngapŭi meh, daya Israel, Aku re ngukum angān. Ka sabab Aku re ngukum angān, sidia meh adŭp ngan!

MATTHEW 24:31

Trompet bās re jawŭn, ka Ayŭh re pait bara malaikat-I ka pat sikuh ong, ka ngara re nguruk daya adi-I ko mien so ong, so tŭbŭn ndi ndŭg tŭbŭn andi.

MATTHEW 24:44

Ngapŭi meh, angān dŭh siŭn dŭh gŭh an ari sidia, sabab Anak Manusia re mandŭg di jam adi angān dŭh puan Ayŭh mandŭg.

MATTHEW 25:1

“Di tipuh anŭ, kan Anak Manusia mandŭg darŭm kuasa-I, kayuh agi keya ka di upama ati: Agi ndi sidah, simŭng naan dayung bujang taban prita ngga ruah re di kambat pingaten dari.

MATTHEW 25:31

“Di tipuh anŭ, kan Anak Manusia mandŭg nimun Raja, ka sopŭrŭg malaikat ngga Ayŭh, Ayŭh re guru di takta-I adi bragah,

MATTHEW 25:5

Pingaten dari rambat mandŭg, jadi bara dayung anŭ nundu ka rasu bŭŭs.

MATTHEW 25:7

Simŭng naan dayung anŭ priguwang makat ka ngatur prita ngara.

LUKE 12:20

Pak Tapa nang di ayŭh, ‘Kuu budo! Ngarŭm ati simangi mu re tingge kuu; ka asi meh re dapu kayuh kayuh anŭ adi kuu ko nyikŭn yŭn adŭp mu?’ ”

LUKE 12:46

komŭnŭ tuan anŭ mari di andu ka di jam daya-gaji anŭ dŭh puan ayŭh mandŭg. Tuan anŭ re nŭtŭb ayŭh, ka bada ayŭh kinyam nasip daya adi dŭh an dingah pinganang Tapa.

1 THESSALONICA 4:16

Re agi dog dingah pinganang so pingubak malaikat darŭm sirais, jawŭn trompet Tapa, ka adŭp Tuhan re mūn so shorga. Ngara adi mbŭh kabŭs adi sabah di Kristus re diŭ makat udip bauh;

2 PETER 3:10

Pak Andu Tuhan re mandŭg mun pinaku. Di Andu anŭ rangit re miyap ngga sak jawŭn adi raru bana, kayuh kayuh di rangit re dog sigot ka dog pirabur, ka ong ngga sopŭrŭg isi-i re mating tia.

PINANDŬNG 16:15

“Dingah! Aku ati mandŭg mun pinaku! Sanang inŭh daya adi burah ka jaga piraka-i, isa ayŭh dŭh panu sitagor ka mangŭh di sirung jawin daya bagŭ!”