MATTHEW 25:34 - Hakcipta - Biatah Bidayuh

³⁴ Komŭnŭ Raja anŭ re nang di daya tura ka tauh-I, ‘Mandŭg, angān adi ko dog nyiberkat Sama Ku! Mandŭg ka sua kinyam Pinyipritah Tapa adi ko dog sidia yŭn ngan so sibungas ong jadi.

MATTHEW 25:34 ပူးပေါင်းရင်းမြစ်များ

MAZMUR 2:6

“Di Zion, sandah kudus Ku,” Ayŭh nang, “Aku mbŭh piguru raja Ku.”

PITAS 11:17

Kuu ndai kana di adŭp mu kan kuu mandis. Kambŭi kuu gaok, kuu kandam adŭp mu.

ISAIAH 33:22

Sopŭrŭg pingakas di kapar anŭ dŭh biguna; rayar-i dŭh dapŭd dog murai! Ata re sirapas sopŭrŭg pinyikaya bara tibaran soldadu pinganyu, ka kiang-i re raru bagŭ ndŭg ka daya bajang re sua dapŭd utung. Adŭp TUHAN re jadi raja ta; Ayŭh re mritah ata ka grindung ata.

ISAIAH 6:5

Aku nang, “Mating pingarap ku tia! Mŭmbŭh inŭh aku ati, sabab barang bang piminyu adi ruah so baba ku inŭh bidosa, ka aku udip bigaur ngga daya adi barang bang piminyu-i bidosa. Pak ngga batŭh adŭp ku, aku mbŭh kiris Raja, adi TUHAN Bisa-pŭrŭg!”

ISAIAH 9:7

Kuasa raja-I re masang bitambah; pritah-I re ari darŭm damai. Ayŭh re mritah nimun sesang Raja David, sangan kuasa-I di kayuh adi batur ka tŭnggŭn, so madin ndŭg sikasŭn tipuh. TUHAN adi Bisa-pŭrŭg mbŭh natu an ndai sopŭrŭg ati.

DANIEL 9:25

Ngatin ka mirati kayuh ati: so andu pinganang dog nggen bada pari pijog Jerusalem, ndŭg andu pinguru adi Tapa mien mandŭg, ju kari ju sawa re ripuan. Jerusalem re pari dog pijog ngga anak anak aran passar ngga sindung sindung adi tagap, ka re mijog sitian ju kari ju puru sawa, pak anŭ re tipuh susah.

ZEPHANIAH 3:15

TUHAN mbŭh ko ngukum kuu; Ayŭh mbŭh pibu sopŭrŭg pinganyu mu. TUHAN, adi raja Israel, agi ngga kuu; kuu dŭhsah tia taru madin.

MATTHEW 13:35

Ayŭh ndai simŭnŭ ngga-I bada bitŭtŭk kayuh adi nabi ko nang, “Aku re pakai upama kan Aku minyu ngga ngara; Aku re kidaan di ngara kayuh kayuh adi dŭh dog puan so sibungas ong dog napa.”

MATTHEW 19:29

Ka barang naan daya adi tingge ramin arŭn puan kah jurud dari, puan kah jurud dayung, puan kah sama, puan kah sindŭ, puan kah anak, puan kah ŭmŭh sitagar Aku, re trima siratus rupet kayuh adi ko dog tingge, buang trima udip adi sawŭ adi tan adu adu.

MATTHEW 20:23

“Angān re sawŭ nok so makuk Ku,” Jesus nang di ngara, “pak Aku dŭh biyŭn hak re mien asi re guru tura ka tauh Ku ngga tura ka bait Ku. Sama Ku mbŭh natu asi ngara anŭ adi re guru diginŭ.”

MATTHEW 21:5

“Kidaan di Kupo Zion, Tingga, Raja mu mandŭg ka kuu! Ayŭh pirapat adŭp-I ka nunggang kaldi ngga anak kaldi.”

MATTHEW 25:21

‘Pandai kuu, kuu daya-gaji adi kana ka adi tŭtŭd!’ tuan-i nang. ‘Kuu tŭtŭd darŭm mu ngatur kiang adi siit, jadi aku re tijuan kuu da jaga kiang adi rabis bagŭ. Mŭrŭt kamati ka sua gaŭn ngga aku!’

MATTHEW 25:23

‘Pandai kuu, kuu daya-gaji adi kana ka adi tŭtŭd!’ tuan-i nang. ‘Kuu tŭtŭd darŭm mu ngatur kiang adi siit, jadi aku re tijuan kuu da jaga kiang adi rabis bagŭ. Mŭrŭt kamati ka sua gaŭn ngga aku!’

MATTHEW 25:40

Raja anŭ re nam, ‘Aku kidaan di angān, tiap kari angān ndai simŭnŭ di ndi naan so bara pinunda Ku ati adi siabo sŭ darŭm pangkat-i, angān mbŭh ndai-i di Aku!’

MATTHEW 25:41

“Komŭnŭ Ayŭh re nang di ngara adi tura ka bait-I, ‘Bu so Aku angān, angān adi dog pangu Tapa! Bu angān ka apui neraka adi mbŭh dog sidia yŭn Siarap ngga bara malaikat-i!

MATTHEW 27:37

Nyirungan ubak-I ngara na supek papan adi agi turis ngga pinganang adi ngga daya nyarah Ayŭh: “Ati Jesus, Raja daya Jahudi.”

MATTHEW 3:2

“Dŭh tia bidosa pak marik pimudip ngan pari ka Tapa,” ayŭh nang, “sabab dŭm dŭh tui Tapa re mritah!”

MATTHEW 5:19

Jadi meh, asi asi adi nyibireu sirabi ka Pinyipesan adi siabo kurang biguna ka ngajar daya bŭkŭn da ndai simŭnŭ, re jadi siabo kurang biguna di dupan ngara adi kinyam Pinyipritah Tapa. Pak ngara adi sita Ukum-adat ka ngajar daya bŭkŭn da ndai simŭnŭ, re jadi bās di dupan ngara adi kinyam Pinyipritah Tapa.

MARK 10:17

Darŭm Jesus mbŭh pijuu pimanu-I dinge, ndi naan daya bikaduh nyandat Ayŭh, sidikang di sirung jawin-I, ka nang, “Gurū adi kana, ani dŭh siŭn dŭh aku ndai ngga dapŭd udip adi sawŭ adi tan adu adu?”

MARK 10:40

Pak Aku dŭh biyŭn hak re mien asi guru tura ka tauh Ku ngga tura ka bait Ku. Adŭp Tapa inŭh adi re nggen-i di ngara adi yŭn-I mbŭh sidia-i.”

LUKE 11:28

Pak Jesus nam, “Rabis bituah inŭh ngara adi dingah pinganang Tapa ka tunda-i!”

LUKE 11:50

Jadi daya di jaman ati re dog ukum amai tanggong deya sopŭrŭg nabi adi dog siŭ so sibungas ong jadi,

LUKE 12:32

“Dŭhnyah taru, angān tibaran adi siit, amai Sama ngan ngga munos asŭng-I mbŭh nyibandar angān kinyam Pinyipritah-I.

LUKE 19:38

“Tapa nyiberkat raja adi mandŭg ngga adŭn Tuhan! Damai di shorga ngga bragah ka Tapa!”

JOHN 1:49

“Gurū,” Nathanael nam, “Kaam Anak Tapa! Kaam Raja Israel!”

JOHN 12:13

Ngara ndu daan daan kurma ka ruah di ngadā Jesus, buang nyirais nang, “Puji ka Tapa! Tapa nyiberkat Ayŭh adi mandŭg ngga adŭn Tuhan! Tapa nyiberkat Raja Israel!”

JOHN 17:24

“Sama! Kaam mbŭh nggen ngara di Aku, ka Aku raan ngara agi ngga Aku di yŭn Ku rŭŭ, isa ngara bisa kiris bragah Ku, bragah adi Kaam mbŭh nggen di Aku; amai Kaam mbŭh rindu Aku sibayuh ong jadi.

JOHN 19:15

Ngara nam ngga sirŭŭn bana, “Siŭ Ayŭh! Siŭ Ayŭh! Masak Ayŭh di rigang!” Pilate siken ngara, “An kah angān bada aku masak raja ngan di rigang?” Bara pingubak imam nam, “Raja adi kieh biyŭn kaŭs-i Caesar!”

PINGANDAI 15:18

Sakanŭ Tuhan, adi mbŭh pitambus-i ndun jah.’

PINGANDAI 3:26

Ngapŭi Tapa mbŭh mien Urun-I ka pait Ayŭh ka angān diŭ, da nyiberkat angān darŭm-I bada barang naan angān marik so aran pimudip ngan adi ginaka.”

ROME 8:17

Amai ata bara anak-I, ata re dapu berkat adi-I sidia yŭn daya-I, ka ata re dapu gŭh ngga Kristus kayuh adi Tapa mbŭh sidia yŭn-I; amai kambŭi ata sua dapu jera-birasa Kristus, ata gŭh re sua dapu bragah-I.

1 CORINTH 15:50

Kayuh adi aku nang inŭh, bara dingan ku, kayuh adi jadi so isin ngga deya dŭh bisa sua dapu Pinyipritah Tapa, ka kayuh adi bisa kabŭs dŭh bisa dapu kayuh adi dŭh bisa kabŭs.

1 CORINTH 2:9

Pak sunggu mŭnŭ, sak adi nang Surat-kudus, “Kayuh adi bŭn daya kiris puan kah dingah, kayuh adi bŭn daya pikir re jadi, mbŭh tigŭrŭ kayuh adi Tapa sidia yŭn ngara adi rindu Ayŭh.”

1 CORINTH 6:9

Angān tatu puan nang daya adi ginaka dŭh re kinyam Pinyipritah Tapa. Dŭhnyah nyibudo adŭp ngan; daya adi dŭh tatu pimudip-i, puan kah adi nyambah tibudo, puan kah adi tanggah, puan kah adi ndai pingandai kais dupan adŭp-i adi samah dari,

GALATIA 5:21

ngara raru sina, pimabuk, ndai rubi adi sungak, ka bagŭ gŭh pingandai arap adi bŭkŭn adi ngara ndai. Aku bakan angān mun adi mbŭh: daya adi ndai pingandai arap anŭ dŭh re kinyam Pinyipritah Tapa.

EPHESUS 5:5

Angān tatu mbŭh puan nang mating daya adi udip darŭm pingandai kais, pimudip adi dŭh tatu, puan kah tama (amai tama agi keya ka nyambah tibudo) re bisa dapŭd utung-i darŭm Pinyipritah Kristus ngga Tapa.

1 THESSALONICA 2:12

Kieh ngatat angān, kieh nyaduh angān, ka kieh babŭ ngasu angān panu aran pimudip adi pimunos asŭng Tapa. Ayŭh inŭh adi bagan angān da sua kinyam Pinyipritah-I ngga bragah-I.

2 TIMOTHY 2:12

Kambŭi ata bijijŭ ngga atin tŭtŭd, ata gŭh re mritah ngga Ayŭh. Kambŭi ata miman Ayŭh, Ayŭh gŭh re miman ata.

2 TIMOTHY 4:8

Ka madin mbŭh agi kajŭn aku, upah manang udip bamai ngga Tapa, adi Tuhan, arang adi tŭnggŭn, re nggen di aku di Andu anŭ. Dŭh di aku adŭ, pak di sopŭrŭg daya adi kajŭn, ngga pinyirindu, Ayŭh adi re tatŭng.

HEBREW 1:14

Ani bara malaikat? Ngara anŭ roh adi bituan di Tapa, adi-I pait da turung sinadan daya adi re kambat pinyiramat.

HEBREW 11:16

Pak rais adi ngara gruwŭn inŭh rais adi kana dŭ, rais shorga. Ngapŭi Tapa dŭh mangŭh kan ngara ngaku Ayŭh Tapa, sabab Ayŭh mbŭh sidia kupo yŭn ngara.

HEBREW 4:3

Ata adi sabah, meh, mbŭh kambat rŭŭ-paya anŭ adi Tapa ko bijanji an nggen. Sak adi nang-I, “Aku baji ka mbŭh bipayu: ‘Ngara dŭh re mŭrŭt tarun tana anŭ adi yŭn Ku an nggen rŭŭ-paya di ngara!’ ” Ayŭh nang sakanŭ sunggu kraja-I mbŭh kamas so sibungas ong dog napa-I.

HEBREW 9:26

amai te gŭt rati-i Ayŭh mbŭh dŭh siŭn dŭh an siraru kinyam sangsara so sibungas ong dog napa. Sibandar-i, madin di tipuh sopŭrŭg jaman mbŭh sindŭk re mungan, Ayŭh mbŭh mandŭg ndi sidah yŭn adu adu, di nyadis adŭp-I yŭn taran dosa.

JAMES 2:5

Ingat nŭh, angān adi aku rindu! Tapa mbŭh mien daya sirata di ong ati da jadi kaya darŭm pinyabah. Ngara re dapu pinyipritah Tapa nimun adi-I ko bijanji an nggen di ngara adi rindu di Ayŭh.

1 PETER 1:9

sabab angān kambat pinyiramat simangi ngan, adi taŭn pinŭtŭn pinyabah ngan di Ayŭh.

1 PETER 3:9

Dŭhnyah maras arap ngga arap, puan kah maras pangu ngga pangu; pak maras ngga berkat, sabab berkat inŭh adi Tapa bijanji an nggen di angān di andu Ayŭh bagan angān.

PINANDŬNG 13:8

Sopŭrŭg daya adi udip di ong re nyambah dāng anŭ, adŭ-i ngara adi mbŭh dog nuris dŭn-i diŭ so ong dog napa darŭm surat di yŭn dŭn bara daya adi Tapa mbŭh mien dog nuris; ngara inŭh adi dog dapu Anak Biri adi ko dog siŭ.

PINANDŬNG 17:8

Dāng anŭ ko udip dawŭ-i, pak mbŭh dŭh tia udip; ayŭh mbŭh re makat so rasan ong ka re dog pirabur. Bara daya adi udip di ong adi gibayuh dog nuris dŭn-i sibayuh ong dog napa, di surat di yŭn dŭn bara daya adi Tapa mbŭh mien dog nuris, re nginga darŭm ngara kiris dāng anŭ. Dāng anŭ ko udip; dŭh-i re dŭh tia udip, pak-i re pari tatŭng.

PINANDŬNG 19:16

Di jipo ambu-I ka di pŭŭh-I agi dog nuris dŭn: “Raja di tunduh sopŭrŭg raja ka Tuhan di tunduh sopŭrŭg tuhan.”

PINANDŬNG 21:7

Ngara adi manang re dapŭd ati so Aku: Aku re jadi Tapa ngara, ka ngara re jadi bara anak Ku.

PINANDŬNG 5:10

Kaam mbŭh bada ngara jadi raja adi bituan di Tapa nimun bara imam, ka ngara re mritah di ong.”