MATTHEW 24:42 - Hakcipta - Biatah Bidayuh

⁴² Bijaga meh angān, sabab angān dŭh puan sinde Tuhan ngan re mandŭg.

MATTHEW 24:42 ပူးပေါင်းရင်းမြစ်များ

MATTHEW 24:36

“Mating daya puan sinde andu anŭ ngga jam-i mandŭg; bara malaikat di shorga puan kah Anak dŭh gŭh puan sinde; Kaŭs Sama adŭ puan.

MATTHEW 24:43

Kambŭi daya adi dapu ramin puan sinde pinaku re mandŭg, angān puan ayŭh re bijaga ndi ngarŭm ngarŭm dŭh an bada pinaku mŭrŭt ramin-i.

MATTHEW 24:44

Ngapŭi meh, angān dŭh siŭn dŭh gŭh an ari sidia, sabab Anak Manusia re mandŭg di jam adi angān dŭh puan Ayŭh mandŭg.

MATTHEW 25:10

Jadi ngara adi budo di ka kade di miris inyo; ka atan ngara di, pingaten dari mandŭg. Ngara adi rimŭh naan adi mbŭh sidia di ngga ayŭh ka gawai sawan, ka tiban meh dog tŭŭp.

MATTHEW 25:13

Ka Jesus nang, “Bijaga meh garang, amai angān dŭh puan andu-i bait kah jam-i.

LUKE 21:34

“Jaga adŭp ngan! Dŭhnyah bada adŭp ngan sayŭp da gawai, da birunok, ka da atin ngingen di pimudip ong, te andu anŭ gŭgŭh mandŭg ka angān

LUKE 21:36

Bijaga meh ka ari simayang isa angān bake buang siramat darŭm nura sopŭrŭg kayuh anŭ adi re tambus; ka angān meh re dapŭd mijog di sirung jawin Anak Manusia.”

ROME 13:11

Angān dŭh siŭn dŭh an ndai simŭnŭ, sabab angān puan tika-i mbŭh mandŭg adi ngga angān patut burah so bŭŭs. Amai tika adi ngga ata dog nyiramat madin mbŭh sindŭk. Dawŭ-i jo, darŭm tipuh adi ngga ata sibungas sabah.

1 CORINTH 16:13

Bijaga meh, mijog tagap darŭm pinyabah, dŭhnyah taru pak bada adŭp ngan bake.

1 THESSALONICA 5:6

Jadi meh, ata patut dŭh bŭŭs mun ngara adi bŭkŭn; ata patut bijaga buang bada pimudip ta tirase.

1 PETER 4:7

Pinŭbŭn sopŭrŭg kayuh mbŭh sindŭk. Angān dŭh siŭn dŭh an jaga adŭp ngan so pinyiripong adi sarah buang ari bijaga, siŭn angān tungang simayang.

1 PETER 5:8

An ari sidia, ka bijaga! Pinganyu ngan, Siarap, bijaruh mun singah ngŭr, jiroh daya an-i man.

PINANDŬNG 16:15

“Dingah! Aku ati mandŭg mun pinaku! Sanang inŭh daya adi burah ka jaga piraka-i, isa ayŭh dŭh panu sitagor ka mangŭh di sirung jawin daya bagŭ!”