MATTHEW 24:31 - Hakcipta - Biatah Bidayuh

³¹ Trompet bās re jawŭn, ka Ayŭh re pait bara malaikat-I ka pat sikuh ong, ka ngara re nguruk daya adi-I ko mien so ong, so tŭbŭn ndi ndŭg tŭbŭn andi.

MATTHEW 24:31 ပူးပေါင်းရင်းမြစ်များ

MAZMUR 22:27

Sopŭrŭg bangsa re ingat TUHAN. So barang yŭn di ong ngara re pari ka Ayŭh; sopŭrŭg bangsa re nyambah Ayŭh.

MAZMUR 67:7

Tapa mbŭh nyiberkat ata; isa-i sopŭrŭg daya di barang yŭn stabi di Ayŭh.

MAZMUR 81:3

Mambak trompet yŭn gawai di tika anak buran ngga di tika buran turak.

PINYIRUAH 19:16

Isan isan andu adi taruh agi dudū ngga kijat, abun adi tabar tatŭng di tibung darŭd, ka jawŭn trompet adi raru bana dog dingah. Sopŭrŭg daya di bari kimŭtŭr taru.

ISAIAH 11:12

TUHAN re pijog binira-tandā ngga kiren di bangsa bangsa nang adŭp-I nguruk dinge daya Israel ngga daya Judah adi mbŭh papar sasah di barang yŭn di ong ka taban ngara pari.

ISAIAH 13:5

Ngara mandŭg so rais rais adi jo di bŭngŭn ong. Darŭm baji-I TUHAN re pirabur ndi ong ong.

ISAIAH 27:13

Kan andu anŭ mbŭh mandŭg, trompet re dog mambak ngga bagan sopŭrŭg daya Israel adi dog taran ka Assyria ngga Egypt. Ngara re mandŭg ka nyambah TUHAN di Jerusalem, di sandah kudus-I.

ISAIAH 42:10

Nang ragu bauh ka TUHAN; muji meh Ayŭh, sopŭrŭg ong! Muji Ayŭh, angān adi birayar di rawŭt; muji Ayŭh, sopŭrŭg dāng di rawŭt! Biragu meh sopŭrŭg ngan adi rŭŭ di rais rais adi jo!

ISAIAH 43:6

Aku re kidaan di rais di utara bada pirupas ngara ka rais di siratan bada dŭh bitan ngara. Tandah daya Ku mari so rais rais adi jo, so barang parad di ong.

ISAIAH 45:22

“Marik pimudip ngan pari ka Aku madin, angān daya di ndi ong ong, isa angān dog nyiramat! Ripas so Aku, mating adi bŭkŭn.

ISAIAH 49:18

Tingga bait tauh mu kayuh adi mbŭh jadi! Daya mu piguru tikuruk; ngara mbŭh aŭn mari! Siragi Aku ati Tapa adi udip, kuu re sanang asŭng di daya mu, nimun pingaten dayung sanang di batuh batuh brega-i.

ISAIAH 60:4

Tingga kayuh adi jadi maning kuu: Daya mu mbŭh tikuruk re mari! Anak anak dari mu re mandŭg so rais adi jo; Anak anak dayung mu re dog kabis mun anak-sŭ.

DANIEL 7:2

ngarŭm anŭ: Sabak poh so barang yŭn ka maka tunduh rawŭt.

ZECHARIAH 14:5

Kuu re bu kadŭg dau adi mire sandah anŭ nyinuwŭh. Kuu re bu mun tayung-babuk mu di tika tana bigugoh di jaman Uzziah jadi raja di Judah. TUHAN Tapa re mandŭg ngga sopŭrŭg malaikat-I.

ZECHARIAH 2:6

TUHAN nang di daya-I, “Aku bada angān papar sasah di barang yŭn. Pak madin, angān daya adi dog taran ka rais tami, bu so Babylonia ka pari ka Jerusalem.

ZECHARIAH 6:5

Ayŭh nam, “Ati inŭh pat sabak; sabak ati bauh mandŭg so yŭn TUHAN adi nguasa sopŭrŭg kayuh di ong.”

ZECHARIAH 9:10

TUHAN nang, “Aku re kadi krita krita kuda so Israel ka kadi kuda kuda so Jerusalem; bawŭh adi dog pakai di tika perang re dog pirusak. Raja ngan re ndai damai di dupan bangsa bangsa; bayah pritah-i so rawŭt ndi ndŭg rawŭt andi, so Yang Euphrates ndŭg bŭngŭn ong.”

ZECHARIAH 9:14

TUHAN re pinandŭng adŭp-I di daya-I; Ayŭh re nimbak reja panah-I keya ka kijat. TUHAN Raja re mambak trompet; Ayŭh masang darŭm sabak ribut so siratan.

MATTHEW 13:41

Anak Manusia re pait bara malaikat-I da kadi so dupan daya adi-I ko mien sinadan adi bada daya bidosa samŭn adi ndai kayuh arap,

MATTHEW 24:22

Pak Tapa muko pisigŭt tipuh-i; kambŭi dŭh, mating manusia dŭm. Amai sitagar daya adi-I ko mien, Tapa sunggu mŭnŭ re pisigŭt tipuh anŭ.

MATTHEW 24:24

Amai bara Kristus kadong ka bara nabi kadong re timbur; ngara re ndai pingandai-nginga ka pingandai-saruh ngga nipu ndŭg ka bara daya adi Tapa mbŭh mien ani, kambŭi tungang.

MATTHEW 24:32

“Birajar meh so tŭngŭn ara. Kan daan daan-i jadi barŭm buang dŭdŭt ka piguru prisok, angān puan tipuh paras mbŭh sindŭk.

MATTHEW 25:31

“Di tipuh anŭ, kan Anak Manusia mandŭg nimun Raja, ka sopŭrŭg malaikat ngga Ayŭh, Ayŭh re guru di takta-I adi bragah,

MATTHEW 28:18

Jesus tudu ngara ka nang di ngara, “Aku mbŭh dog nggen sopŭrŭg kuasa di shorga ngga di ong.

MARK 13:27

Ayŭh re pait bara malaikat ka pat sikuh ong da nguruk bara daya adi Tapa mbŭh mien so ong, so tŭbŭn ndi ndŭg tŭbŭn andi.

LUKE 24:47

Ka ngga adŭn-I, agah pasar daya patut marik pimudip-i pari ka Tapa siŭn dapŭd pingapun dosa, dŭh siŭn dŭh dog nyuse di sopŭrŭg bangsa, piguru so Jerusalem.

JOHN 11:52

Dŭh yŭn bangsa anŭ adŭ, pak ngga bada sopŭrŭg daya adi Tapa mbŭh mien adi papar sasah dog nguruk da jadi ndi.

ROME 10:18

Pak aku siken: Sawŭ kah ngara gibayuh dingah agah anŭ? Mbŭh ngara dingah, amai sak adi dog nang darŭm Surat-kudus: “Jawŭn sirŭŭn ngara mbŭh tambus ka barang yŭn di ong; pinganang ngara mbŭh ndŭg bŭngŭn ong.”

EPHESUS 1:10

Kayuh adi Tapa an ndai anŭ, adi-I re ngamas di tipuh adi adŭp-I mien, inŭh nguruk sopŭrŭg anŭ adi-I ko napa, bait-i darŭm shorga, bait-i darŭm ong, ngga Kristus adi jadi ubak.

DITRONOMI 30:4

Sunggu kambŭi angān papar sasah jeh ndŭg bŭngŭn ong, TUHAN adi Tapa ngan re nguruk angān ka taban angān ngga pari,

DITRONOMI 4:32

“Pari ingat kayuh adi jah, jaman adi ngga angān gibayuh dog biranak, ndŭg ka jaman Tapa napa manusia di ong. Di ndi ong ong, mbŭh kah kayuh adi raru grua mun ati jadi? Mbŭh kah daya dingah kayuh adi mun ati?

1 THESSALONICA 4:16

Re agi dog dingah pinganang so pingubak malaikat darŭm sirais, jawŭn trompet Tapa, ka adŭp Tuhan re mūn so shorga. Ngara adi mbŭh kabŭs adi sabah di Kristus re diŭ makat udip bauh;

2 THESSALONICA 2:1

Pasar pimandŭg Tuhan ta Jesus Kristus, ka adŭp ta adi dog nguruk siŭn agi samah ngga Ayŭh: Aku mite angān, adi bara dingan ku,

HEBREW 12:19

ka yŭn dingah jawŭn trompet, ka dingah sak jawŭn sirŭŭn. Kan daya dingah sirŭŭn anŭ, ngara bandar mite adŭp-i dŭh tia dingah-i,

PINANDŬNG 1:20

Ati inŭh rati adi bisukan yŭn ju bitang adi kuu kiris di tangan tauh Ku, samŭn yŭn ju rika-mas prita anŭ: ju bitang inŭh rati-i ju malaikat eklisia, ka ju rika prita inŭh rati-i ju eklisia.

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”

PINANDŬNG 7:1

Ripas anŭ aku kiris pat naan malaikat mijog di pat sikuh ong, bitan pat sabak isa-i dŭh poh di ong, di rawŭt puan kah maka tadŭ tadŭ tŭngŭn kayuh.

PINANDŬNG 8:2

Ka aku kiris malaikat adi ju naan anŭ mijog di sirung jawin Tapa, ka ngara dog nggen ju trompet.