MATTHEW 24:29 - Hakcipta - Biatah Bidayuh

²⁹ “Dŭh tui ripas pinyusah di tipuh anŭ, batŭh andu re marui jadi karŭm, buran re dŭh tia nyekar, bitang bitang re rabu so rangit, ka kuasa di rangit re bigugoh.

MATTHEW 24:29 ပူးပေါင်းရင်းမြစ်များ

EKLISIASTIS 12:2

Anŭ inŭh tika jawa batŭh andu, buran, ka bitang, kabur di piningga mu, ka kruman re adu adu nyayung kuu.

ISAIAH 13:10

Barang bitang ngga barang uruk bitang re dŭh tia nyekar, batŭh andu re karŭm kan-i makat, ka buran re dŭh biyŭn jawa-i.

ISAIAH 24:23

Buran re karŭm, ka batŭh andu re dŭh tia nyekar, amai TUHAN Bisa-pŭrŭg re jadi raja. Ayŭh re mritah Jerusalem ngga Sandah Zion, ka bara pinguru daya re kiris bragah-I.

ISAIAH 34:4

Batŭh andu, buran, ka bitang bitang re asur jadi dabu. Rangit re miyap mun surat-barun dog marun, ka bitang bitang re rabu mun dawŭn ruruh so tŭngŭn anggor bait tŭngŭn ara.

JOEL 2:10

Ong bigugoh darŭm ngara masang; rangit bigagar. Batŭh andu ngga buran jadi karŭm, ka dudu bitang mbŭh dŭh tia nyekar.

JOEL 3:15

Batŭh andu ngga buran mbŭh karŭm, ka dudu bitang mbŭh dŭh tia nyekar.

AMOS 5:20

Andu TUHAN re karŭm, dŭh-i jawa. Andu anŭ re nyabūk, mating kakab jawa dieh.

AMOS 8:9

Tika-i re mandŭg adi ngga Aku bada batŭh andu mūn ngga arong kumbeng ka ong jadi karŭm di tipuh sandu. Aku, TUHAN Raja, mbŭh minyu.

MATTHEW 24:21

Amai pinyusah di tika anŭ re rabis payah so adi mbŭh, ngitong so sibungas ong jadi ndŭg andu ati. Ka mating re tia mun anŭ dinge.

MATTHEW 24:8

Sopŭrŭg kayuh ati re keya ka sibungas andam dayung re biranak.

2 PETER 3:10

Pak Andu Tuhan re mandŭg mun pinaku. Di Andu anŭ rangit re miyap ngga sak jawŭn adi raru bana, kayuh kayuh di rangit re dog sigot ka dog pirabur, ka ong ngga sopŭrŭg isi-i re mating tia.

PINANDŬNG 8:12

Komŭnŭ malaikat adi numbor pat mambak trompet-i. Ndi utung darŭm taruh so batŭh andu, buran, bitang bitang dog maka, ka rasu manyap ndi utung darŭm taruh so jawa-i; ndi utung darŭm taruh so sandu ngga singarŭm manyap gŭh jawa-i.