MATTHEW 24:19 - Hakcipta - Biatah Bidayuh

¹⁹ Mbŭh raru payah-i re di tipuh anŭ yŭn bara dayung adi bite ka bara sindŭ adi mira sŭ!

MATTHEW 24:19 ပူးပေါင်းရင်းမြစ်များ

2 SAMUEL 4:4

Sesang Saul adi bŭkŭn inŭh Mephibosheth anak Jonathan. Ayŭh anŭ rimŭh sawa umbur-i di andu sama-i Jonathan ngga Saul dog siŭ. Kan agah pasar pinyikabŭs ngara dog taban so Jezreel, pinyude-i taban ayŭh ngga bu; pak sitagar paŭh bigaut ayŭh rabu so tangan-i, ka ayŭh meh mbŭh bajang.

2 RAJA 15:16

Darŭm Menahem matak so Tirzah, ayŭh pirabur kupo Tappuah, bara daya adi rŭŭ diginŭ, ka samŭn tarun tana adi maning anŭ, sabab kupo anŭ dŭh an nyerah ka ayŭh. Ayŭh nyeja tain sopŭrŭg dayung adi bite.

PUĀS 4:10

Pinyirusag adi nyatŭk daya ku raru bisā; bara sindŭ tanŭk anak ngara yŭn man.

HOSEA 13:16

Samaria dŭh siŭn dŭh dog ukum amai rawan Aku. Daya-i re kabŭs darŭm biperang; anak anak pira re dog pān di tana, ka dayung dayung adi bite re dog nyeja tain-i.”

MATTHEW 21:16

Jadi ngara siken Jesus, “Dingah Mu kah kayuh nang ngara?” “Taŭn Ku dingah,” nam Jesus. “Mating kah angān basa pinganang Surat-kudus ati? ‘Angān mbŭh ngajar anak-anya ngga sipira da jugan puji adi sukup kana.’ ”

MATTHEW 24:18

Daya adi di ŭmŭh dŭh siŭn mari di tambit jipo-i.

MATTHEW 24:20

Bidua ka Tapa mite angān dŭh babak di tipuh madud puan kah di andu Sabbath!

LUKE 21:23

Raru payah-i di tipuh anŭ yŭn bara dayung adi bite ka bara sindŭ adi mira sŭ! Pinyusah bās re mandŭg ka rais ati, ka ukum Tapa re nyatŭk bangsa ati.