Nabi Elisha mbŭh bana birandam, ka darŭm ayŭh mbŭh sindŭk re kabŭs Raja Jehoash so Israel di munan ayŭh. “Sama ku, sama ku!” ayŭh nang buang-i sien. “Kaam inŭh pingibān adi raru bake yŭn Israel!”
Elisha kiris-i ka nyirais bagan Elijah, “Sama ku, sama ku! Pingibān Israel adi bake! Kaam mbŭh mating!” Ka ayŭh mbŭh dŭh tia kiris Elijah dinge. Ngga atin susah, Elisha nyiratak jipo-i nyinuwŭh.
TUHAN Bisa-pŭrŭg nang di bara imam, “Anak stabi di sama-i, ka urun stabi di tuan-i. Aku ati Sama ngan, mani angān dŭh stabi di Aku? Aku ati Tuan ngan, mani angān dŭh taru di Aku? Angān ngamun Aku, pak angān siken, ‘Munki kieh ngamun Kaam?’
Amai sunggu angān biyŭn bait kani simŭng ribu naan gurū darŭm pimudip Kristen ngan, angān biyŭn ndi sama adŭ. Amai darŭm pimudip ngan adi ndi ngga Kristus Jesus, aku mbŭh jadi sama ngan darŭm aku taban Agah Kana ka angān.
Tingga, munki masam bās-i pinyirindu Tapa di ata! Pinyirindu-I raru bās ndŭg ka ata mbŭh dog kadŭn anak Tapa. Anŭ taŭn-i sawŭ, ngapŭi ong dŭh puan ata, sabab-i dŭh puan Tapa.