MATTHEW 23:23 - Hakcipta - Biatah Bidayuh

²³ “Mbŭh raru payah inŭh angān, bara gurū Ukum-adat, ka angān bara daya Pharisee! Angān pingadong! Angān jugan ka Tapa ndi utung darŭm simŭng so rapah rapah, mun silaseh, adar manis, ka jintan, pak angān dŭh tunda ajar adi biguna darŭm Ukum-adat, mun pinyitŭnggŭn ka pinyirasi ngga atin-tŭnggŭn. Kayuh kayuh ati angān patut ndai, buang dŭhnyah kambŭt adi bŭkŭn.

MATTHEW 23:23 ပူးပေါင်းရင်းမြစ်များ

PITAS 21:3

Ndai kayuh adi batur ka tŭnggŭn; anŭ pimunos asŭng TUHAN rabis so sadis adi kuu jugan ka Ayŭh.

ISAIAH 28:25

Kan ayŭh mbŭh sidia tana-i, ayŭh nabur ruwang rapah mun adar manis ka jintan. Ayŭh purun bada bijari gandom ngga jeri, ka di bŭngŭn ŭmŭh-i ayŭh purun ruwang kayuh bŭkŭn.

JEREMIAH 22:3

“Aku, adi TUHAN, pesan angān bada ndai kayuh adi tŭnggŭn ka batur. Grindung daya adi dog nipu so sianŭ adi nipu ayŭh. Dŭhnyah ida ida bait kinanyuh daya tami, anak tumang, bait dayung uban; ka dŭhnyah siŭ daya adi dŭh sarah di tarun yŭn adi kudus ati.

HOSEA 6:6

Aku raan pinyirindu ngan adi dŭh bisa birubah, dŭh-i sadis dāng ngan. Aku raan dŭ daya Ku puan Aku so sadis badang adi dog jugan ka Aku.

LEVITICUS 27:30

Ndi utung so simŭng so sopŭrŭg buwa tana, bait gandom puan kah buwa kayuh, mbŭh TUHAN dapu.

MICAH 6:8

Dŭh, TUHAN mbŭh kidaan di ata kayuh adi kana. Kayuh adi-I mite ata ndai inŭh ati: ndai kayuh adi batur, kiren pinyirindu adi dŭh bisa birubah, ka pirapat adŭp buang udip ndi ngga Tapa.

MATTHEW 12:7

Surat-kudus nang, ‘Atin mandis inŭh Aku raan, dŭh-i sadis dāng.’ Kambŭi angān sawŭ puan rati kayuh anŭ, angān dŭh nyarah daya adi dŭh sarah;

MATTHEW 23:13

“Mbŭh raru payah inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān nagah daya kinyam Pinyipritah Tapa. Dŭh-i angān abah kinyam Pinyipritah Tapa adŭ, pak angān nagah daya adi gruwŭn an kinyam-i. [

MATTHEW 9:13

Di tingga ka jiroh rati pinganang Surat-kudus adi nang: ‘Atin mandis inŭh adi Aku raan, dŭh-i sadis dāng.’ Aku dŭh mandŭg di bagan daya adi nang adŭp-i kana, pak di bagan ngara adi dog tirawan.”

LUKE 11:42

“Mbŭh payah inŭh angān daya Pharisee! Angān jugan ka Tapa ndi utung darŭm simŭng so rapah rapah, mun silaseh, adar manis, jintan ka rapah rapah adi bŭkŭn, pak angān dŭh rada pinyitŭnggŭn ngga pinyirindu yŭn Tapa. Kayuh anŭ angān patut ndai, buang dŭh kambŭt adi bŭkŭn.

LUKE 18:12

Aku bipusa piduwŭh kari darŭm ndi minggu, ka aku jugan ka Kaam ndi utung darŭm simŭng so pinyidapŭd ku.’

1 SAMUEL 15:22

Samuel nang, “Aki ndi TUHAN raan: nurut pinganang TUHAN kah pinganggen ngga sadis? Kana dŭ nurut pinganang-I so nŭŭh jugan biri adi gamu ka Ayŭh.