MATTHEW 23:15 - Hakcipta - Biatah Bidayuh

¹⁵ “Mbŭh raru paya inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān birayar mutas rawŭt ka tambus barang rais ramŭn an pibŭrŭt ndi naan daya ka darŭm adat ngan; ka kan angān mbŭh dapŭd, angān bada ayŭh piduwŭh kari arap mun adŭp ngan yŭn patut dog taran ka apui neraka!

MATTHEW 23:15 ပူးပေါင်းရင်းမြစ်များ

ESTHER 8:17

Di barang kupo ngga utung rais, di tadŭ yŭn pinganang ukum anŭ dog basa, bara daya Jahudi mbit primisi ka bigawai ngga gaŭn. Bagŭ daya bŭkŭn jadi daya bangsa Jahudi, sabab ngara mbŭh taru daya bangsa anŭ.

MATTHEW 23:13

“Mbŭh raru payah inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān nagah daya kinyam Pinyipritah Tapa. Dŭh-i angān abah kinyam Pinyipritah Tapa adŭ, pak angān nagah daya adi gruwŭn an kinyam-i. [

MATTHEW 3:7

Kan John kiris bagŭ daya Pharisee ka daya Sadducee mandŭg ka yŭn-i an kambat baptisa, ayŭh nang di ngara, “Angān jippŭh, asi kidaan di angān nang angān bisa bu mangān ukum adi Tapa re pait?

MATTHEW 5:22

Pak madin Aku kidaan di angān: kambŭi angān baji di jurud ngan, angān re dog bisara; kambŭi angān nang di jurud ngan ‘Kuu dŭh biguna!’ angān re dog taban ka Kunsil, ka kambŭi angān nang jurud ngan sibudo adi dŭh biguna, angān re dog taran ka apui neraka.

MATTHEW 5:29

Jadi kambŭi batŭh tauh ngan bada angān bidosa, tuket-i ka taran! Kana dŭ inŭh angān kambet so ndi pŭrŭng ganan ngan dog taran ka darŭm apui neraka.

JOHN 8:44

Angān inŭh bara anak sama ngan, Siarap; angān raan tunda pinyiraan-i. So sibungas-i ayŭh taŭn mbŭh pinyiŭ ka bŭn adŭ tura ka pinyawŭ, sabab mating pinyawŭ darŭm ayŭh. Kan ayŭh kadong, anŭ mbŭh taŭn tibiat adŭp-i, sabab ayŭh pingadong ka raja pingadong.

PINGANDAI 13:10

ka nang, “Kuu anak Siarap! Kuu pinganyu sopŭrŭg kayuh adi kana. Kuu mbŭh puno ngga barang masam akar adi arap, ka mbŭh siraru suba an marik kayuh adi sawŭ pasar Tuhan da jadi kayuh kadong!

PINGANDAI 13:43

Ka kan daya mbŭh ruah so ramin simayang-Jahudi, Paul ngga Barnabas dog tunda bara daya Jahudi samŭn bara daya adi dŭh bangsa Jahudi adi mbŭh mŭrŭt adat Jahudi. Ngara duwŭh minyu ngga ngara ka ngatat ngara da adu adu udip darŭm pinyirasi-mandis Tapa.

PINGANDAI 14:19

Kada daya Jahudi mandŭg so Antioch di Pisidia ka so Iconium; ka kan ko mujuk bara daya da tunda adŭp-i, ngara manjan Paul ngga batuh ka batak ayŭh ka sapa kupo, pikir ayŭh mbŭh kabŭs.

PINGANDAI 14:2

Pak daya Jahudi adi dŭh sabah ngasut daya adi dŭh bangsa Jahudi da tiru di bara adi sabah.

PINGANDAI 17:13

Pak kan bara daya Jahudi di Thessalonica dingah dinge Paul agi nyuse pinganang Tapa di Berea, ngara di kamanŭ ka ngasut buang nguga bara daya.

PINGANDAI 2:10

so Phrygia ka so Pamphylia, so Egypt ka so tarun tana Libya sindŭk Cyrene. Agi kada so ata mandŭg so Rome,

PINGANDAI 6:5

Ndi tibaran anŭ mbŭh situju ngga pinganang bara pinyuruh. Jadi ngara mien Stephen, daya adi tagap darŭm pinyabah ka brisi ngga Roh Kudus, ka Philip, Prochorus, Nicanor, Timon, Parmenas, ka Nicolaus adi dŭh daya Jahudi pak mbŭh mŭrŭt adat Jahudi.

GALATIA 4:17

Ngara anŭ mbŭh raru an tarik angān da tura ka parad adŭp-i, pak pinŭtŭn ngara dŭh kana. Kayuh adi raan ngara inŭh nyibarai angān so aku, isa angān bidingan ngga adŭp-i.

GALATIA 6:12

Daya adi suba an takan angān da bisunat taŭn-i mbŭh daya adi raan mirawa buang mingangŭn pasar kayuh adi tungang dog kiris. Ngara ndai simŭnŭ ngga-i mangān adŭp-i dog kisiis sitagar rigang Kristus.

EPHESUS 2:3

Sibandar-i sopŭrŭg ata mbŭh mun ngara, udip nunda ka tibiat ta manusia, ndai barang masam kayuh nanyam ka pinyiraan pŭrŭng ngga pikir-kira ta. Nunda tibiat ong ta ati, mun barang naan daya bŭkŭn gŭh, ata mbŭh taŭn re kinyam baji Tapa.