Di tika adi ngga jugan sadis ripas kumbeng Nabi Elijah di ka mija-sambah ka bidua, “O TUHAN adi Tapa Abraham, Isaac, ngga Jacob, kiren madin adŭp Mai sawŭ Tapa Israel ka aku ati urun Mai adi ndai simuti so ka pesan Mai.
Tapa Abraham, Isaac, ka Jacob, adi Tapa tayung-babuk ta, mbŭh nggen bragah di Urun-I Jesus. Pak angān mbŭh nyerah Ayŭh ka darŭm tangan ngara adi bikuasa, ka tirawan Ayŭh di sirung jawin Pilate, kan ayŭh mbŭh natu an pirupas Ayŭh.