MATTHEW 22:13 - Hakcipta - Biatah Bidayuh

¹³ Nganŭ raja kidaan di daya daya gaji-i, ‘Mŭŭng ayŭh, kaja tangan-i, ka taran ayŭh ka sapa ka yŭn karŭm. Diginŭ ayŭh re sien buang sangsara.’ ”

MATTHEW 22:13 ပူးပေါင်းရင်းမြစ်များ

MAZMUR 112:10

Daya ginaka kiris ati ka baji; ngara nyitŭrŭng darŭm tiru ka miyap; pingarap ngara mbŭh mating ndŭg situi tui.

MAZMUR 37:12

Adi ginaka bipekat an rawan daya adi kana ka nyitŭrŭng ngara ngga atin tiru.

ISAIAH 52:1

Jerusalem, pari bake ka bās dinge! Kupo adi kudus, kibarui adŭp mu ngga piraka mu adi sangŭn! Daya tami adi ko pirusag kupo kudus mu re dŭh tia mŭrŭt kuu dinge.

DANIEL 3:20

Ka ayŭh mritah daya daya adi siabo bake so bara tibaran soldadu-i bada mŭŭng ngara adi taruh naan anŭ ka taran ngara ka darŭm buwang apui.

MATTHEW 12:29

“Mating daya tungang mŭrŭt ramin daya bake ka taban bu barang-i kambŭi ayŭh dŭh diŭ muak daya bake anŭ; muko ndai simŭnŭ ka ayŭh tungang gruga ramin-i.

MATTHEW 13:30

Tandah gandom ngga uduh samah timbu ndŭg tipuh ngatŭm. Nganŭ aku re kidaan di bara adi tukang ngatŭm da dimbut uduh diŭ, mŭŭng-i ka badang-i, ka komŭnŭ di nguruk gandom ka na-i di panggau ku.’ ”

MATTHEW 13:42

ka ngara re taran ngara ka darŭm buwang apui, di yŭn ngara re sien buang sangsara.

MATTHEW 13:50

Ka ngara adi arap ngara re taran ka darŭm buwang apui, di yŭn ngara re sien buang sangsara.

MATTHEW 24:51

Tuan anŭ re nŭtŭb ayŭh ka bada ayŭh kinyam nasip daya pingadong. Diginŭ ayŭh re sien buang sangsara.

MATTHEW 25:30

Mun siati, daya-gaji adi dŭh biguna; taran ayŭh ka yŭn karŭm di sapa; diginŭ ayŭh re sien buang sangsara.’

MATTHEW 8:12

Pak ngara adi patut kinyam Pinyipritah Tapa re dog taran ka yŭn karŭm, di yŭn ngara re sien buang sangsara.”

LUKE 13:28

Di tika kuu kiris Abraham, Isaac, ka Jacob, samŭn bara nabi darŭm Ong Bauh Tapa, kuu re sien buang sangsara sabab adŭp mu mbŭh dog taran ka sapa!

JOHN 21:18

Aku kidaan di kuu kayuh adi sawŭ: di Andu kuu gibabŭ mara kuu taŭn sidia an panu kamaki maki mu raan; pak kan kuu mbŭh minyamba, kuu re ton tangan mu, ka daya bŭkŭn re mŭŭng kuu, ka taban kuu ka tarun adi dŭh kuu raan.” (

PINGANDAI 21:11

Ayŭh mandŭg tudu kieh, tambit abŭt kupong Paul, mŭŭng kaja tangan adŭp-i ngga abŭt kupong anŭ, ka nang, “Ati inŭh kayuh adi Roh Kudus nang: Daya adi dapu abŭt kupong ati re dog mŭŭng daya Jahudi mun ati di Jerusalem, ka ngara re nyerah ayŭh ka tangan daya adi dŭh bangsa Jahudi.”

PINGANDAI 7:54

Kan bara daya Kunsil dingah pinganang Stephen, ngara mbŭh raru triyŭn buang baji di ayŭh.

2 THESSALONICA 1:9

Ngara re sangsara darŭm dog ukum ngga ukum ruro, dog nyibarai so yŭn Tuhan ka so bragah kuasa-I,

2 PETER 2:17

Ngara anŭ agi keya ka anak atak piin adi badŭh, mun abun adi dog poh sabak ribut; Tapa mbŭh sidia tarun yŭn ngara di darŭm karŭm pipet.

2 PETER 2:4

Tapa dŭh tandah tadŭ tadŭ malaikat adi bidosa, pak taran ngara ka darŭm neraka, di yŭn ngara dog muak darŭm karŭm, kajŭn Andu Bisara.

JUDE 1:13

Ngara mbŭh keya ka girumbang bās di rawŭt, ngga pingandai adi mangŭh nŭŭh ngarun kiren adŭp-i ngga bude-i. Keya ka bitang bitang di rangit, adi Tapa mbŭh sidia yŭn-i ruro di yŭn siabo karŭm.

JUDE 1:6

Ingat bara malaikat adi dŭh bijijŭ darŭm kuasa ngara, ndŭg ka tagan yŭn pinyirŭŭ ngara: ngara dog muak darŭm karŭm di rasan ong ngga parik basi ruro, di yŭn Tapa kurung ngara yŭn dog nunggu di Andu Bisara.

PINANDŬNG 21:27

Pak mating kayuh adi sembar re bisa mŭrŭt ka darŭm kupo anŭ; dŭh gŭh daya adi ndai kayuh adi taban mangŭh puan kah daya pingadong re bisa mŭrŭt ka darŭm-i. Kaŭs-i ngara, adi dog nuris dŭn-i di surat Anak Biri di yŭn dŭn bara daya adi Tapa mbŭh mien dog nuris, bisa mŭrŭt kamanŭ. Surat anŭ inŭh surat dŭn bara Daya adi dog dapu Tapa.