MATTHEW 21:41 - Hakcipta - Biatah Bidayuh

⁴¹ “Ayŭh manŭn re siŭ bara adi ginaka anŭ,” ngara nam, “ka nyewa teya anggor anŭ di pinyewa teya adi bŭkŭn, adi re nggen jangi utung so buwa buwa adi dog sun di tipuh sun buwa.”

MATTHEW 21:41 ပူးပေါင်းရင်းမြစ်များ

MAZMUR 2:9

Kuu re pirandŭk ngara pakai sikud basi; kuu re pirandŭk ngara bada asur keya ka priok tana.’ ”

ISAIAH 65:15

Daya Ku adi Aku mbŭh mien re pakai dŭn ngan ndu pangu. Aku, adi TUHAN Raja, re siŭ angān. Pak Aku re nggen dŭn adi bauh di ngara adi nundok di Aku.

DANIEL 9:26

Ka di tibŭn tipuh anŭ pinguru adi Tapa mien re dog siŭ sunggu ayŭh dŭh sarah. Kupo ngga Ramin TUHAN re dog nyirubuh bara soldadu pimritah adi bikuasa. Pinŭbŭn anŭ re keya ka uba, taban perang ngga pinyirusag adi Tapa mbŭh sidia.

ZECHARIAH 12:12

Barang rawang di tarun tana rais anŭ re ngurid sadi adŭp-i: rawang sesang David, rawang sesang Nathan, rawang sesang Levi, rawang sesang Shimei, ka sopŭrŭg rawang adi bŭkŭn. Barang rawang re ngurid sadi adŭp-i, ka dari di barang rawang re ngurid dŭh bigaur ngga dayung.

ZECHARIAH 13:8

ka di ndi tarun tana rais ati duwŭh-utung so taruh daya re kabŭs.

MATTHEW 21:34

Kan-i mbŭh tika adi ngga daya sun buwa anggor, ayŭh pait urun urun-i ka yŭn bara pinyewa teya an kambat jangi utung so buwa buwa adi dog sun.

MATTHEW 21:40

“Jadi kan daya adi dapu teya anggor anŭ mandŭg, ani re-i ndai di bara pinyewa teya anŭ?” Jesus siken.

MATTHEW 21:43

Jesus nang dinge, “Puan meh! Hak kinyam Pinyipritah Tapa re dog tambit so angān, ka dog nggen di daya adi piruah buwa nanyam ka pinyiraan Tapa.” [

MATTHEW 3:12

Ayŭh biyŭn tapan di tangan-I ngga napan ka nyidŭrŭ gandom so aping. Ayŭh re nguruk gandom adi bisig ka darŭm panggau, pak aping Ayŭh re badang di apui adi dŭh bisa pura.”

LUKE 20:16

“Ayŭh re mandŭg ka siŭ ngara, ka nyewa teya anggor anŭ ka daya bŭkŭn.” Kan bara daya dingah kayuh anŭ, ngara nang, “Kayuh adi mun ati dŭh siŭn jadi!”

PINGANDAI 15:7

Ripas ngara ko tui birundeng pasar kayuh anŭ Peter mijog ka nang, “Bara dingan ku, angān puan dawŭ-i Tapa mbŭh mien aku so dupan ngan da nyuse Agah Kana di daya adi dŭh bangsa Jahudi, isa ngara dingah ka bisa sabah.

PINGANDAI 18:6

Kan ngara natang ayŭh buang nang kayuh arap pasar ayŭh, ayŭh ngambar kadi dabu so piraka-i ngga matah ka nang di ngara, “Kambŭi angān manyap, adŭp ngan tanggong adŭp ngan! Aku dŭh re tanggong. So madin aku re di ka daya adi dŭh bangsa Jahudi.”

PINGANDAI 28:28

Ka ngga kubo pinganang-i, Paul nang: “Angān dŭh siŭn dŭh an puan nang agah pasar pinyiramat adi Tapa mbŭh nggen, madin mbŭh dog piagah di dupan daya adi dŭh bangsa Jahudi. Ngara re kambat-i.” [

PINGANDAI 28:8

Sama Publius guring, sungoh buang naman taki bideya. Paul mŭrŭt birit-i, bidua, na tangan-i di tunduh ayŭh, ka pibua ayŭh.

1 THESSALONICA 2:16

Ngara suba nagah kieh nyuse agah Tapa di daya adi dŭh bangsa Jahudi, agah adi taŭn bisa nyiramat ngara. Darŭm ndai simŭnŭ, ngara mbŭh nyukup sopŭrŭg dosa adi ngara mbŭh siraru ndai tian ti. Ka pinŭbŭn-i madin, baji Tapa mbŭh mandŭg re nyatŭk ngara!

HEBREW 12:25

Ingat meh garang, dŭhnyah abah dingah sianŭ adi minyu. Daya adi abah dingah pinganang sianŭ adi mandŭg ka ong di piagah agah so Tapa, dŭh tungang nyiramat adŭp-i. Ata rabis dŭh tungang nyiramat adŭp ta kambŭi ata nyipunok Ayŭh adi minyu so shorga!

HEBREW 2:3

Simuki meh garang ata re bisa mangān ukum kambŭi ata dŭh piduri pinyiramat bās anŭ? Adŭp Tuhan mbŭh piagah pinyiramat anŭ, ka ngara adi dingah Ayŭh mbŭh kiren di ata kayuh anŭ agi sawŭ.