MATTHEW 19:9 - Hakcipta - Biatah Bidayuh

⁹ Aku kidaan di angān, daya adi taran sawŭn-i ngga tadŭ mun sabab-i pak dŭh sabab sawŭn-i tanggah, mbŭh tanggah kambŭi ayŭh sawan ngga dayung bŭkŭn.”

MATTHEW 19:9 ပူးပေါင်းရင်းမြစ်များ

TIBIRIK 20:3

Ndi ngarŭm Tapa pinandŭng adŭp-I di ayŭh darŭm pŭmŭh ka nang, “Kuu re kabŭs, amai kuu mbŭh tambit dayung ati, adi mbŭh banan.”

2 KRONIKEL 21:11

Ayŭh pijog tarun yŭn bisambah adat karŭm di tarun tana darŭd rais Judea ka taban daya Judah ngga daya Jerusalem bidosa rawan TUHAN.

JEREMIAH 3:1

TUHAN nang, “Kambŭi daya taran sawŭn-i, ka ayŭh bu ka jadi sawŭn daya bŭkŭn, daya anŭ dŭh siŭn tambit ayŭh pari, amai pingandai anŭ re nyembar ndi tarun tana rais anŭ. Pak, Israel, kuu muko biyŭn bagŭ ambai, ka madin kuu raan pari ka Aku!

JEREMIAH 3:8

Judah gŭh kiris Aku taran Israel ka pibu ayŭh sabab ayŭh mbŭh tagan Aku ka mbŭh jadi dayung sundar. Pak Judah, jurud Israel adi dŭh tŭtŭd, dŭh taru. Ayŭh gŭh jadi dayung sundar

EZEKIEL 16:15

“Pak kuu nyiraba pinyiramus mu ngga dŭn timagah mu; kuu bŭŭs ngga barang naan daya adi mandŭg ka yŭn mu.

EZEKIEL 16:29

Kuu dayung sundar gŭh yŭn daya Babylonia, bangsa bara daya dagang anŭ, pak ngara dŭh gŭh tungang muas pinyiraan pŭrŭng mu.”

EZEKIEL 16:8

“Darŭm Aku panu murah, Aku rada tipuh-i mbŭh mandŭg adi ngga mu biawang. Aku nutu pŭrŭng ganan mu adi babŭ dah dah ngga jipo-tunduh Ku ka bijanji an awang kuu. Sawŭ, Aku ndai simanya sawan ngga kuu, ka kuu jadi jaku.” Anŭ inŭh kayuh adi TUHAN Raja nang.

MATTHEW 19:10

Bara murid-I nang di Ayŭh, “Kambŭi simŭnŭ inŭh kayuh di dari ngga di sawŭn-i, mbŭh kana dŭ inŭh nŭŭh dŭhsah sawan.”

MATTHEW 19:8

Jesus nam, “Moses nggen di angān pinyibandar da taran sawŭn ngan sabab angān mbar dog ngajar. Pak dŭh-i simŭnŭ di sibungas ong dog napa.

MATTHEW 5:32

Pak madin Aku kidaan: kambŭi daya taran sawŭn-i ngga tadŭ mun sabab-i pak dŭh sabab sawŭn-i tanggah, daya anŭ dapu tanggong di tanggah-i kambŭi ayŭh banan dinge; ka sianŭ adi sawan ngga ayŭh mbŭh tanggah gŭh.

LUKE 16:18

“Daya adi taran sawŭn-i ka sawan ngga dayung bŭkŭn mbŭh tanggah; ka ayŭh adi sawan ngga sianŭ adi ko dog taran banŭh-i mbŭh tanggah.

1 CORINTH 5:1

Mbŭh agi dog kidaan nang pingandai kais agi timbur di ruang ngan, adi rabis arap so adi daya adi dŭh puan Tapa ko ndai. Aku dog kidaan nang ndi naan daya agi bŭŭs ngga sindŭ tiri-i!

1 CORINTH 7:39

Dayung adi banan taŭn-i darŭm abŭt sawan siragi banŭh-i udip; pak kambŭi banŭh-i kabŭs, ayŭh bisa banan ngga tadŭ dari ayŭh raan, atas dari anŭ Kristen.

1 CORINTH 7:4

Sawŭn dŭh-i tuan di pŭrŭng adŭp-i, pak banŭh inŭh; simŭnŭ gŭh banŭh dŭh-i tuan di pŭrŭng adŭp-i, pak sawŭn inŭh.