MATTHEW 19:6 - Hakcipta - Biatah Bidayuh

⁶ Jadi ngara dŭh re tia duwŭh, pak ndi. Mating daya siŭn nyibarai, meh, kayuh adi Tapa ko tubu.”

MATTHEW 19:6 ပူးပေါင်းရင်းမြစ်များ

PITAS 2:17

adi dŭh tŭtŭd di banŭh adŭp-i ka mbŭh kambŭt payu sawan-i.

MALACHI 2:14

Angān siken mani Ayŭh dŭh tia trima-i. Anŭ mbŭh sabab Ayŭh puan angān mbŭh dŭh tia tŭtŭd di dayung adi angān tambit ndu sawŭn di tipuh angān gibabŭ mara. Ayŭh anŭ apid ngan, ka angān mbŭh miranggar janji adi angān mbŭh ndai ngga ayŭh, pŭn ka angān bijanji di sirung jawin Tapa nang adŭp ngan an tŭtŭd di ayŭh.

MALACHI 2:16

“Aku tiru di kayuh adi dŭn bisare,” nang TUHAN adi Tapa Israel. “Aku raru dŭh suka kan ndi naan so angān ndai kayuh adi sipŭ mun anŭ di tunduh sawŭn ngan. Ingat meh, dŭhnyah angān miranggar janji ngan adi nang adŭp ngan an tŭtŭd di sawŭn ngan.”

MATTHEW 19:5

Ka Tapa nang, ‘Amai sabab anŭ inŭh, dari re tingge sindŭ sama-i ka bisindi ngga sawŭn-i, ka ngara duwŭh re jadi ndi.’

MATTHEW 19:7

Bara daya Pharisee siken Ayŭh, “Mani meh, garang, Moses nggen ukum-adat adi nyibandar dari taran sawŭn-i atas ayŭh nuris surat sare?”

MARK 10:9

Daya dŭh siŭn nyibarai, meh, daya adi Tapa mbŭh tubu.”

ROME 7:2

Dayung adi banan, ndu ta suto, dog ngabŭt ukum-adat di banŭh-i; anŭ inŭh sawŭ di ayŭh siragi banŭh-i udip. Kambŭi banŭh-i kabŭs, ayŭh rupas so ukum adi ngabŭt ayŭh di banŭh-i.

EPHESUS 5:28

Bara dari patut rindu sawŭn-i nimun-i rindu pŭrŭng ganan adŭp-i. Dari adi rindu sawŭn-i rindu adŭp-i.(

HEBREW 13:4

Sopŭrŭg daya an stabi di banan sawan, ka banŭh bait sawŭn dŭh siŭn dŭh an tŭtŭd ngga dingan-i. Tapa re ngukum daya adi udip darŭm sarah ka daya adi tanggah.