MATTHEW 19:14 - Hakcipta - Biatah Bidayuh

¹⁴ Jesus nang, “Bada bara anak-sŭ anŭ mandŭg ka Aku ka dŭhnyah kijaman ngara, sabab daya adi keya ka ngara inŭh adi kinyam Pinyipritah Tapa.”

MATTHEW 19:14 ပူးပေါင်းရင်းမြစ်များ

TIBIRIK 21:4

ka kan Isaac mbŭh mai andu umbur-i, Abraham nyunat ayŭh, nanyam ka pesan Tapa.

MATTHEW 11:25

Di tika anŭ Jesus nang, “Sama, Kaam adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar-pandai kayuh adi Kaam sukan so ngara adi bijak buang pitar-pandai.

MATTHEW 18:3

ka nang, “Puan meh! Kambŭi angān dŭh ngubah adŭp ngan ka jadi mun anak-sŭ, angān dŭh re kinyam Pinyipritah Tapa.

MATTHEW 19:15

Ayŭh na tangan-I di tunduh ubak bara anak-sŭ anŭ ka nyiberkat ngara, ka komŭnŭ Ayŭh bu.

MATTHEW 5:10

Sanang inŭh ngara adi dog kisiis sabab ngara ndai pinyiraan Tapa; ngara inŭh adi kinyam Pinyipritah Tapa.

MATTHEW 5:3

“Sanang inŭh ngara adi puan adŭp-i biguna di Tapa; ngara inŭh adi kinyam Pinyipritah Tapa!

MARK 10:14

Kan Jesus kiris, Ayŭh tuas ka nang di bara murid-I, “Bada bara anak-sŭ anŭ mandŭg ka Aku, ka dŭhnyah kijaman ngara, sabab daya adi keya ka ngara inŭh adi kinyam Pinyipritah Tapa.

MARK 10:15

Ingat nŭh! Asi asi adi dŭh kambat Pinyipritah Tapa mun anak-sŭ, dŭh-i re dapŭd kinyam-i.”

1 CORINTH 14:20

Dŭhnyah bipikir mun anak daya, bara dingan ku. Angān patut keya ka anak-anya jeja ka kayuh adi arap, pak jadi daya tuuh darŭm pikir ngan.

AKIM 13:7

Pak ayŭh agi kidaan di aku nang aku re bite ka re biranak ndi anak dari. Ayŭh kidaan di aku bada dŭhnyah nok tadŭ tadŭ wain puan kah nok nok adi bisā puan kah man pinguman adi dog nagah daya man, amai anak anŭ re dog nitah ka TUHAN jadi daya Nazir sitŭkŭd umbur-i”.

1 SAMUEL 1:11

Hannah bipayu nang, “O TUHAN adi Bisa-pŭrŭg, tingga aku ati adi urun Mai! Tingga pinyusah ku ka ingat aku! Dŭhnyah kambŭt aku! Kambŭi Kaam nggen anak dari di aku, aku bijanji aku re nitah ayŭh ka Kaam sitŭkŭd umbur-i ka ayŭh re bŭn kapŭg ubok-i.”

1 SAMUEL 1:22

Pak saba anŭ Hannah dŭh sua. Ayŭh kidaan di banŭh-i, “Kan anak ta ati mbŭh dŭh tia nyisuh, aku re taban ayŭh ka ramin TUHAN, di yŭn-i re rŭŭ sitŭkŭd umbur-i.”

1 SAMUEL 1:24

Kan anak anŭ mbŭh dŭh tia nyisuh, Hannah taban-i ngga di ka Shiloh, samŭn ndi pŭrŭng dari sapi adi gi-taruh sawa umbur-i, simŭng kilogram tibaduk, ngga ndi bŭrŭh-kurit puno ngga wain. Ayŭh taban Samuel, adi gibabŭ sŭ, di ka ramin TUHAN di Shiloh.

1 SAMUEL 2:18

Sitadŭn tipuh anŭ, Samuel pijuu bituan di TUHAN, nēn efod adi dog ndai so banang linen.