MATTHEW 18:9 - Hakcipta - Biatah Bidayuh

⁹ Ka kambŭi batŭh ngan bada angān bidosa, tuket-i ka taran! Kana dŭ inŭh angān udip ngga Tapa kambet, so angān ngga duwŭh batŭh ngan dog taran ka darŭm apui neraka.

MATTHEW 18:9 ပူးပေါင်းရင်းမြစ်များ

MATTHEW 16:26

Re agi kah utung ngan kambŭi angān dapu ndi ong ong pak kinanyap udip adi sawŭ adi tan adu adu? Manŭn dŭh! Mating kayuh bisa ngan ngga nyambi udip adi sawŭ anŭ.

MATTHEW 18:8

“Kambŭi tangan puan kah kaja ngan bada angān bidosa, kapŭg-i ka taran! Kana dŭ inŭh angān udip ngga Tapa kipang puan kah bajang, so angān ngga tangan kaja ngan anŭ dog taran ka darŭm apui neraka.

MATTHEW 19:17

“Mani kuu siken Aku pasar kayuh adi kana?” nam Jesus. “Agi Ndi naan adŭ adi kana. Sita Pinyipesan Tapa kambŭi kuu raan dapŭd udip adi sawŭ adi tan adu adu.”

MATTHEW 5:22

Pak madin Aku kidaan di angān: kambŭi angān baji di jurud ngan, angān re dog bisara; kambŭi angān nang di jurud ngan ‘Kuu dŭh biguna!’ angān re dog taban ka Kunsil, ka kambŭi angān nang jurud ngan sibudo adi dŭh biguna, angān re dog taran ka apui neraka.

MATTHEW 5:29

Jadi kambŭi batŭh tauh ngan bada angān bidosa, tuket-i ka taran! Kana dŭ inŭh angān kambet so ndi pŭrŭng ganan ngan dog taran ka darŭm apui neraka.

MARK 9:47

Ka kambŭi batŭh ngan bada angān bidosa, tuket-i! Mbŭh kana dŭ inŭh angān kinyam Ong Bauh Tapa kambet so angān biyŭn soduwŭh-i ka dog taran ka darŭm neraka.

PINGANDAI 14:22

Ngara nagap bara pinunda diginŭ buang ngatat ngara da bijijŭ darŭm pinyabah. Ngara ngajar, “Ata dŭh siŭn dŭh an kinyam bagŭ pinyusah sibayuh ata kinyam Pinyipritah Tapa.”

HEBREW 4:11

Ja meh ata, garang, ngga sibisa bisa ta gruwŭn rŭŭ-paya anŭ, isa mating so ata dŭh dapŭd kambat-i mun ngara sitagar kurang pinyabah.

PINANDŬNG 21:27

Pak mating kayuh adi sembar re bisa mŭrŭt ka darŭm kupo anŭ; dŭh gŭh daya adi ndai kayuh adi taban mangŭh puan kah daya pingadong re bisa mŭrŭt ka darŭm-i. Kaŭs-i ngara, adi dog nuris dŭn-i di surat Anak Biri di yŭn dŭn bara daya adi Tapa mbŭh mien dog nuris, bisa mŭrŭt kamanŭ. Surat anŭ inŭh surat dŭn bara Daya adi dog dapu Tapa.