MATTHEW 18:31 - Hakcipta - Biatah Bidayuh

³¹ Kan daya-gaji adi bŭkŭn kiris kayuh adi mbŭh jadi, ngara mbŭh raru susah ka di ka yŭn raja ka kidaan sopŭrŭg kayuh anŭ di ayŭh.

MATTHEW 18:31 ပူးပေါင်းရင်းမြစ်များ

TIBIRIK 37:2

ka ati inŭh dundan rawang Jacob. Joseph, bujang dari adi simŭng ju sawa, sua kingat biri ka kambing ayō bara jurud-i adi bara anak dari Bilhah ngga Zilpah, dayung nyikŭn sama-i. Ayŭh agi ngadu di sama-i tadŭ tadŭ pingandai arap adi bara jurud-i ndai.

MAZMUR 119:136

Randang batŭh ku aman mun piin sungi, sabab daya dŭh tunda ukum-adat Mai.

MAZMUR 119:158

Kan aku tingga ngara adi dŭh tŭtŭd, aku mbŭh raru tiru, amai ngara dŭh sita pesan Mai.

JEREMIAH 9:1

Kasi ka ubak ku keya ka prigi adi puno ngga piin, ka batŭh ku keya ka sumbur adi mirasit piin-i, isa aku bisa sien sandu ngga singarŭm yŭn daya ku adi mbŭh dog siŭ.

MATTHEW 14:9

Raja mbŭh raru susah, pak sabab janji adi-i mbŭh ndai di sirung jawin bara pingabang ayŭh nggen ukum nyibandar pimite-i.

MATTHEW 18:28

“Komŭnŭ daya-gaji anŭ ruah ka bidapŭd ngga daya-gaji adi bŭkŭn adi birutang nisŭ duit di ayŭh. Ayŭh nakap ayŭh ka piguru nyiap ayŭh. ‘Bayar kayuh adi kuu ko nginjam so aku!’ ayŭh nang.

MATTHEW 18:30

Ayŭh dŭh piduri, pak bada ayŭh dog jer ndŭg ka ayŭh muko bayar utang-i.

MATTHEW 18:32

Jadi ayŭh bagan daya-gaji anŭ da mŭrŭt. ‘Kuu urun adi dŭh biguna!’ ayŭh nang. ‘Aku apun kuu ka kambŭt sopŭrŭg utang mu, amai kuu mite aku ndai simŭnŭ.

MARK 3:5

Jesus tuas buang-I tingga ngara bait tauh-I, pak masi di ngara, sabab ngara paŭh baking buang sarah. Jadi Ayŭh nang di daya anŭ, “Ton tangan mu.” Ayŭh ton tangan-i, ka-i pari bua.

LUKE 14:21

Daya-gaji anŭ pari ka kidaan sopŭrŭg kayuh anŭ di tuan-i. Tuan ramin buang-i baji nang di daya gaji-i, ‘Rikas matak ka barang aran ka sakap sakap aran di kupo, ka taban kamati daya adi sirata, adi kipang, adi karak, ka adi bajang.’

LUKE 19:41

Ayŭh mbŭh sindŭk Jerusalem, ka kan Ayŭh kiris-i, Ayŭh muās-i

ROME 12:15

Gaŭn ngga ngara adi gaŭn, muās ngga ngara adi muās.

2 CORINTH 11:21

Dasa aku ngaku kieh mbŭh raru pinakut re ndai simŭnŭ! Pak kambŭi daya an mingangŭn pasar kayuh, aku an gŭh. Aku minyu mun daya budo.

HEBREW 13:17

Tŭtŭd ngga bara pinguru ngan ka nurut pritah ngara. Ngara dŭh masah jaga simangi ngan, amai ngara mbŭh dapu tanggong kraja ngara di sirung jawin Tapa. Kambŭi angān tŭtŭd ngga ngara, ngara re ndai kraja ngara ngga atin gaŭn; kambŭi dŭh, ngara re ndai-i ngga atin susah, ka-i dŭh re jadi utung di angān.

HEBREW 13:3

Ingat ngara adi darŭm jer, keya ka adŭp ngan agi ngga ngara darŭm jer. Ingat ngara adi sangsara, keya ka adŭp ngan agi sangsara mun ngara.