MATTHEW 18:28 - Hakcipta - Biatah Bidayuh

²⁸ “Komŭnŭ daya-gaji anŭ ruah ka bidapŭd ngga daya-gaji adi bŭkŭn adi birutang nisŭ duit di ayŭh. Ayŭh nakap ayŭh ka piguru nyiap ayŭh. ‘Bayar kayuh adi kuu ko nginjam so aku!’ ayŭh nang.

MATTHEW 18:28 ပူးပေါင်းရင်းမြစ်များ

NEHEMIAH 10:31

Kambŭi daya tami taban gandom bait tadŭ tadŭ kayuh adi bŭkŭn an-i jua di kieh di andu Sabbath puan kah di tadŭ tadŭ andu kudus adi bŭkŭn, kieh dŭh re miris-i so ngara. Barang sawa adi ju kieh re dŭh nyipurun di teya, ka kieh re kinating sopŭrŭg utang.

NEHEMIAH 5:7

ka ndai pikir an rikas ndai kayuh. Aku nyarah bara pinguru ngga bara pinurung rayat ka nang di ngara, “Angān kinanyuh dingan ngan adi samah daya Jahudi!” Aku bagan bara daya bagŭ bada mandŭg tikuruk yŭn ngatur har anŭ

PITAS 28:3

Pinguasa adi kinanyuh daya sirata mbŭh keya ka ujen adi bangat pirusak pimuruh.

ISAIAH 58:3

Daya nang, “Re ngga mani ata bipusa kambŭi TUHAN dŭh kiris? Re ngga mani ata dŭh man kambŭi Ayŭh dŭh mbit piduri?” TUHAN nang di ngara, “Di tika angān bipusa, angān mbit bat di har adŭp ngan ka kinanyuh daya adi nyiraja yŭn ngan.

EZEKIEL 45:9

TUHAN Raja nang, “Angān mbŭh tui bidosa, angān pimritah Israel! Pirŭŭ pinyiganas ngga kraja ngan adi kinanyuh daya. Ndai kayuh adi batur ka tŭnggŭn. Angān dŭh siŭn tia pibu daya Ku so tarun tana ngara. Aku, adi TUHAN Raja, mbŭh kidaan di angān.

MATTHEW 18:27

Raja masi di ayŭh, apun ayŭh ka kambŭt utang-i ka pirupas ayŭh.

MATTHEW 18:29

Daya-gaji anŭ sidikang ka mite masi so ayŭh, ‘Sabar ngga aku, ka aku re bayar pari!’

MATTHEW 20:2

Ayŭh situju re nggen gaji ngara nanyam adi biasa, anŭ inŭh ndi kiping duit pirak ndi andu, ka bada ngara matak di nyiraja di teya anggor-i.

MARK 14:5

Ayŭh patut dog jua ngga rega rabis so taruh ratus kiping duit pirak, ka duit anŭ nŭŭh nggen di daya sirata!” Ka ngara bandar ngamun ayŭh.

MARK 6:37

“Adŭp ngan nggen kayuh man di ngara,” Jesus nam. Ngara siken, “Agi kah sirati-i pinganang Mai anŭ bada kieh pakai duwŭh ratus kiping duit pirak ngga miris ruti yŭn ngara?”

LUKE 10:35

Andu anŭ ndi ayŭh taban duwŭh kiping duit pirak ka nggen-i di sianŭ adi dapu ramin nupang anŭ. ‘Nakit sita daya ati,’ ayŭh nang, ‘ka kambŭi duit ati dŭh sadang, aku re bayar kuu dinge kan aku pari kadŭg aran ati.’ ”

LUKE 7:41

“Agi duwŭh naan daya birutang duit di ndi naan daya adi yŭn daya nginjam duit. Ndi naan nginjam rimŭh ratus kiping duit pirak, ka sianŭ ndi nginjam rimŭh puru.

JOHN 6:7

Philip nam, “Duwŭh ratus kiping duit pirak, dŭh-i re dang ngga miris ruti yŭn bara daya ati, sunggu bait kani barang naan kambat nisŭ.”

DITRONOMI 15:2

Simuti inŭh kayuh siŭn dog ndai. Barang naan so angān adi mbŭh nginjam duit di tadŭ tadŭ dingan ngan an kinating utang anŭ; angān dŭh siŭn nageh duit anŭ, amai adŭp TUHAN inŭh adi mbŭh kadŭn ka kinating utang anŭ.