MATTHEW 18:16 - Hakcipta - Biatah Bidayuh

¹⁶ Pak kambŭi ayŭh abah dingah pinganang mu, taban ndi puan kah duwŭh naan daya bŭkŭn, isa ‘sopŭrŭg itong bisa dog natu taksi so baba duwŭh puan kah taruh naan saksi,’ sak adi nang Surat-kudus.

MATTHEW 18:16 ပူးပေါင်းရင်းမြစ်များ

1 RAJA 21:13

Duwŭh naan daya adi arap anŭ nyarah ayŭh di sirung jawin daya bagŭ, nang ayŭh mbŭh mangu Tapa ngga raja, ka ayŭh meh dog taban ka sapa kupo ka dog manjan ngga batuh ndŭg kabŭs.

PINYIKIANG 35:30

“Ngara adi dog dapŭd sarah amai ko siŭ daya ka dog nggen ukum kabŭs adŭ-i so ka taksi duwŭh naan puan kah bagŭ saksi; taksi so ndi naan saksi dŭh-i sadang ngga nyarah yŭn re nggen ukum kabŭs.

JOHN 8:17

Mbŭh agi dog nuris darŭm Ukum-adat ngan: taksi so duwŭh naan daya agi batur.

2 CORINTH 13:1

Ati inŭh adi pitaruh saba aku re munan angān. “Tiap pinganang ngga nyarah daya dŭh siŭn dŭh an dog natu duwŭh puan kah taruh naan saksi” sak adi nang Surat-kudus.

DITRONOMI 17:6

Pak sunggu mŭnŭ, ngara bisa dog ukum kabŭs adŭ-i kambŭi agi duwŭh puan kah rabis daya bisaksi rawan ngara. Ngara dŭh siŭn dog ukum kabŭs kambŭi ndi naan adŭ saksi.

DITRONOMI 19:15

“Ndi naan saksi dŭh-i sadang ngga natu daya sawŭ sarah; an sikurang kurang-i duwŭh naan saksi adi bisa natu daya sawŭ sarah.

1 TIMOTHY 5:19

Dŭhnyah dingah pinganang daya adi nyarah nyamba eklisia kambŭi-i dŭh so duwŭh puan kah taruh naan saksi.

HEBREW 10:28

Daya adi nyibireu Ukum-adat Moses dog ukum kabŭs; mating apun di ngara kan dog dapŭd sarah so pinganang duwŭh puan kah taruh naan saksi.

PINANDŬNG 11:3

Aku re pait duwŭh naan saksi ku adi nēn piraka guni; ngara re piagah agah so Tapa sitŭkŭd 1,260 andu anŭ.”