MATTHEW 18:13 - Hakcipta - Biatah Bidayuh

¹³ Kan ayŭh mbŭh dapŭd-i, Aku kidaan di angān, ayŭh rabis gaŭn di ndi biri anŭ so di biri adi prii puru-prii adi dŭh manyap.

MATTHEW 18:13 ပူးပေါင်းရင်းမြစ်များ

MAZMUR 147:11

pak Ayŭh rindu ngara adi stabi di Ayŭh, ngara adi sabah di pinyirindu-I adi dŭh bisa birubah.

ISAIAH 53:11

Ripas pimudip sangsara, ayŭh re pari gaŭn; ayŭh re puan nang sangsara-i dŭh kayuh adi dŭh biyŭn rati. Urun Ku adi tŭtŭd, adi yŭn asŭng Ku munos, re gŭrŭng ukum daya bagŭ sabab ayŭh Aku re apun ngara.

ISAIAH 62:5

Keya ka dari adi mara tambit dayung tibŭn ndu sawŭn, Ayŭh adi napa kuu re sawŭn kuu. Keya ka pingaten dari angan pingaten dayung-i, simŭnŭ gŭh Tapa re angan kuu.

EZEKIEL 34:4

Angān bŭn kingat ngara adi ramah, pibua ngara adi mandam, marut ngara adi tawan, taban pari ngara adi miriseu, bait jiroh ngara adi manyap. Tibarik angān gaok ngga ngara.

MICAH 7:18

Mating tapa bŭkŭn mun Kaam, O TUHAN. Kaam apun dosa daya Mai adi babŭ udip. Kaam dŭh adu adu baji, pak Kaam raan dŭ kiren pinyirindu Mai adi dŭh bisa birubah.

ZEPHANIAH 3:17

TUHAN adi Tapa mu agi ngga kuu; kuasa-I nggen pimanang di kuu. TUHAN re pawŭn ka gaŭn sabab kuu. ka ngga pinyirindu-I Ayŭh re nggen udip bauh di kuu. Ayŭh re biragu ka gaŭn sabab kuu,

MATTHEW 18:12

“Ani di pikir ngan, re daya ndai adi biyŭn siratus biri ka ndi so-i mbŭh manyap? Ayŭh re tingge anŭ adi prii puru-prii man di bŭngŭn sandah ka matak di jiroh anŭ adi manyap.

MATTHEW 18:14

Simŭnŭ gŭh Sama ngan adi di shorga dŭh raan tadŭ tadŭ so anak-sŭ ati manyap.

1 CORINTH 13:6

pinyirindu dŭh-i angan kayuh adi arap, pak angan kayuh adi batur.

JAMES 2:13

Amai Tapa dŭh re kiren masi kan Ayŭh nggen bisara di daya adi bŭn masi; pak daya adi masi dŭh re dog ukum Tapa.