MATTHEW 17:12 - Hakcipta - Biatah Bidayuh

¹² Pak Aku kidaan di angān, Elijah mbŭh mandŭg ka daya dŭh natŭng ayŭh pak ndai di tunduh-i nanyam suka asŭng ngara. Simŭnŭ gŭh ngara re pijera Anak Manusia.”

MATTHEW 17:12 ပူးပေါင်းရင်းမြစ်များ

MATTHEW 11:2

Kan John Pembaptisa, darŭm jer, dingah pasar kayuh adi Kristus ndai, ayŭh pait kada murid-i ka yŭn-I.

MATTHEW 16:21

So andu anŭ meh Jesus piguru kidaan ngga tarang di bara murid-I, “Aku dŭh siŭn dŭh di ka Jerusalem ka kinyam pinyusah bās so bara nyamba bangsa Jahudi, pingubak imam, ka bara gurū Ukum-adat Jahudi. Aku re dog ukum kabŭs, pak taruh andu ripas anŭ Aku re dog pakat udip bauh.”

MATTHEW 17:11

“Elijah taŭn sawŭ mandŭg diŭ,” nam Jesus, “ka ayŭh re bada sopŭrŭg kayuh dog sidia.

MATTHEW 17:13

Ka-i meh murid murid anŭ mirati Ayŭh minyu ngga ngara pasar John Pembaptisa.

MATTHEW 17:22

Kan sopŭrŭg murid mbŭh samah mandŭg tikuruk di Galilee, Jesus nang di ngara, “Anak Manusia mbŭh re dog nyerah ka tangan ngara

MATTHEW 17:9

Darŭm ngara mūn darŭd, Jesus pesan ngara, “Dŭhnyah kidaan di tadŭ tadŭ daya kayuh adi angān bauh ko kiris ndŭg ka Anak Manusia mbŭh dog pakat so kabŭs.”

MATTHEW 21:32

Amai John Pembaptisa ko mandŭg ka angān, kiren di angān aran adi batur, ka angān dŭh an sabah ayŭh; pak daya pinsuke ngga dayung sundar sabah ayŭh. Adŭp ngan kiris ngara ndai simŭnŭ, dŭh gŭh angān ripas anŭ ngubah pikir ngan ka sabah ayŭh.

MATTHEW 8:20

Jesus nam ayŭh, “Bisirŭh biyŭn rubang, manuk biyŭn sarin, pak Anak Manusia dŭh biyŭn tarun yŭn guring ka rŭŭ-paya.”

LUKE 7:33

John Pembaptisa mandŭg, bipusa ka dŭh nok wain, ka angān nang, ‘Ayŭh dog mŭrŭt umot!’

JOHN 1:11

Ayŭh di ka rais adŭp-I, pak daya rais adŭp-I dŭh trima Ayŭh.

PINGANDAI 2:23

Nanyam ka atur kraja pingandai adŭp-I, Tapa mbŭh natu Jesus dog nyerah ka darŭm tangan ngan; ka angān bada Ayŭh kabŭs dog masak di atuh rigang di tangan daya bidosa.

PINGANDAI 4:10

angān sopŭrŭg patut puan garang, samŭn sopŭrŭg daya Israel, nang daya ati adi mijog digiti di sirung jawin ngan mbŭh bua da kuasa adŭn Jesus Kristus so Nazareth adi angān ko masak di atuh rigang, ka adi Tapa mbŭh pakat so kabŭs.

PINGANDAI 7:52

Agi kah nabi adi dŭh tayung-babuk ngan kisiis? Ngara siŭ bara pinyisung Tapa, adi ko jah-i piagah pimandŭg Urun Tapa adi tŭnggŭn. Madin, angān mbŭh jua ka siŭ Ayŭh.