MATTHEW 16:24 - Hakcipta - Biatah Bidayuh

²⁴ Komŭnŭ Jesus nang di bara murid-I, “Kambŭi agi so angān an jadi pinunda Ku, ayŭh dŭh siŭn dŭh an ngarah adŭp-i, gŭrŭng rigang-i, ka tunda Aku.

MATTHEW 16:24 ပူးပေါင်းရင်းမြစ်များ

MATTHEW 10:38

Ngara adi dŭh gŭrŭng rigang-i ka tunda Aku dŭh inŭh tibirang jadi murid Ku.

MATTHEW 27:32

Darŭm ngara aŭn panu ruah, ngara bidapŭd ngga ndi naan daya so Cyrene dŭn Simon, ka bara soldadu takan ayŭh da gŭrŭng rigang Jesus.

MARK 10:21

Jesus tirek ayŭh ngga atin rindu ka nang, “Dŭm ndi kayuh adi kuu patut ndai. Di jua sopŭrŭg kayuh adi kuu biyŭn ka nggen duit anŭ di daya sirata, ka kuu re biyŭn rata di shorga; komŭnŭ ja tunda Aku.”

MARK 15:21

Di aran ngara bidapŭd ngga ndi naan daya dŭn Simon, adi mandŭg ka Kupo so sapa tarun tana rais, ka bara soldadu takan ayŭh da gŭrŭng rigang Jesus. (Simon asar daya Cyrene ka mbŭh sama Alexander ngga Rufus.)

MARK 8:34

Komŭnŭ Jesus bagan bara daya samŭn bara murid-I ka adŭp-I. “Kambŭi agi so angān raan tunda Aku,” Ayŭh nang di ngara, “ayŭh dŭh siŭn dŭh an ngarah adŭp-i, gŭrŭng rigang-i, ka tunda Aku.

LUKE 14:27

Asi asi adi dŭh gŭrŭng rigang-i ka tunda Aku, dŭh bisa jadi murid Ku.

LUKE 23:26

Bara soldadu taban Jesus bu, ka darŭm ngara panu, ngara bidapŭd ngga ndi naan daya so Cyrene dŭn Simon adi mandŭg so sapa tarun tana rais re mŭrŭt kupo. Ngara nakap ayŭh, na rigang di kawin-i, ka bada ayŭh gŭrŭng-i tunda Jesus.

JOHN 19:17

Jesus ruah so kupo, gŭrŭng rigang-I, ka mandŭg ka tarun adi dog kadŭn “Tarun yŭn Tikurok.” (Darŭm piminyu Hebrew, tarun anŭ dog kadŭn “Golgotha.”)

JOHN 21:19

Darŭm-I minyu sakanŭ, Jesus mbŭh kidaan munki pinyikabŭs Peter adi ngga-i re nyibragah Tapa.) Ka Jesus nang di ayŭh, “Tunda Aku!”

JOHN 21:22

Jesus nam ayŭh, “Kambŭi Aku raan ayŭh udip ndŭg ka Aku mandŭg dinge, ani meh anŭ di kuu? Tunda Aku!”

PINGANDAI 14:22

Ngara nagap bara pinunda diginŭ buang ngatat ngara da bijijŭ darŭm pinyabah. Ngara ngajar, “Ata dŭh siŭn dŭh an kinyam bagŭ pinyusah sibayuh ata kinyam Pinyipritah Tapa.”

COLOSSAE 1:24

Madin aku gaŭn sabab jera-birasa ku yŭn ngan, sabab ngga jera-birasa pŭrŭng ku aku turung nyukup jera-birasa Kristus ngga ngarun pŭrŭng-I, eklisia.

1 THESSALONICA 3:3

isa mating so angān ngundur sitagar pinyikisiis anŭ. Adŭp ngan puan pinyikisiis anŭ mbŭh so ka pinyiraan Tapa yŭn ta.

2 TIMOTHY 3:12

Barang naan daya adi raan udip nanyam ka pinyiraan Tapa darŭm udip ndi ngga Kristus Jesus re dog kisiis;

1 PETER 2:21

Tapa bagan angān da ndai simŭnŭ, amai adŭp Kristus ko jera-birasa yŭn ngan, jadi suto danding isa angān tunda.