MATTHEW 16:23 - Hakcipta - Biatah Bidayuh

²³ Jesus bigiring ka nang di Peter, “Bu so Aku, Shetan! Kuu ati baka di aran Ku, sabab pikir-kira mu anŭ dŭh-i mandŭg so Tapa, pak so tibiat manusia.”

MATTHEW 16:23 ပူးပေါင်းရင်းမြစ်များ

TIBIRIK 3:17

Ka Ayŭh nang di dari anŭ, “Kuu mbŭh dingah pinganang sawŭn mu ka mbŭh man buwa adi Aku ko kijaman kuu man. Sabab kayuh adi kuu mbŭh ndai, tana re dog pangu. Kuu re bandar nyiraja nyiran adŭp mu sitŭkŭd umbur mu.

2 SAMUEL 19:22

Pak David nang di Abishai ngga di jurud-i Joab, “Dŭhsah sua nang ani ani. Angān re ndai pinyusah di aku kah? Aku inŭh raja Israel madin, ka mating daya Israel re dog ukum kabŭs andu ati.”

1 KRONIKEL 21:1

Shetan raan mito daya Israel, jadi ayŭh bada David ndai pikir-i an ndai pimirang.

ISAIAH 8:14

Sabab Aku raru kudus Aku mbŭh keya ka batuh adi daya sikak; Aku keya ka jarat adi re nakap daya pritah Judah ngga daya pritah Israel samŭn daya Jerusalem.

MATTHEW 16:22

Peter tarik Ayŭh ka bŭngŭn ka nyara Ayŭh. “Tuhan, mite Tapa pijo kayuh anŭ so Kaam!” ayŭh nang. “Kayuh anŭ dŭh patut jadi di tunduh Kaam!”

MATTHEW 18:7

Mbŭh raru payah inŭh ong ati amai agi dieh kayuh adi bada daya bidosa! Kayuh ati taŭn re siraru agi, pak mbŭh raru payah-i di sianŭ adi nimbur-i!

MATTHEW 4:10

Ka Jesus nam, “Bu, Shetan! Surat-kudus nang, ‘Nyambah Tuhan adi Tapa mu ka bituan di Ayŭh adŭ!’ ”

MARK 8:33

Pak Jesus bigiring, kimat bara murid-I, ka nyara Peter. “Bu so Aku, Shetan,” Ayŭh nang. “Pikir-kira mu dŭh mandŭg so Tapa pak so manusia!”

LUKE 4:8

Jesus nam, “Surat-kudus nang, ‘Nyambah Tuhan adi Tapa mu ka bituan di Ayŭh adŭ!’ ”

JOHN 6:70

Jesus nam, “Aku ko mien angān adi simŭng-duwŭh naan, dŭh kah? Pak ndi so angān mbŭh umot!”

ROME 14:13

Ngapŭi meh, ja ata dŭh tia nyarah dingan ta. Sipatut-i angān natu adŭp ngan dŭh ndai kayuh adi bada dingan ngan sikak puan kah rabu darŭm dosa.

ROME 14:21

Kayuh adi batur ndai ngan inŭh dŭhnyah man dagin, dŭhnyah nok wain, ka dŭhnyah ndai kayuh adi bada dingan ngan adi samah sabah rabu.

PHILIPPI 3:19

Pinŭbŭn pimudip daya adi mun anŭ taŭn-i di neraka, sabab tapa ngara inŭh pŭrŭng adŭp ngara. Ngara mingangŭn di kayuh adi ngara patut mangŭh ngarun, buang bipikir di kayuh ong adŭ.

COLOSSAE 3:2

Bada pikir ngan di kayuh adi di shorga, dŭh di kayuh adi di ong.