MATTHEW 16:19 - Hakcipta - Biatah Bidayuh

¹⁹ Aku re nggen di kuu kusi Ong Bauh Tapa; kayuh adi kuu nagah di ong re dog nagah di shorga, ka kayuh adi kuu nyibandar di ong re dog nyibandar di shorga.”

MATTHEW 16:19 ပူးပေါင်းရင်းမြစ်များ

ISAIAH 22:22

Aku re nggen di ayŭh sukup kuasa di ribo raja, adi sesang David. Ayŭh re biyŭn kusi pritah; kayuh adi ayŭh kuka, mating daya bisa tŭŭp, ka kayuh adi ayŭh tŭŭp, mating daya bisa kuka.

MATTHEW 18:18

“Puan meh, kayuh adi angān nagah di ong re dog nagah di shorga, ka kayuh adi angān nyibandar di ong re dog nyibandar di shorga.

JOHN 20:23

Kambŭi angān apun dosa daya, dosa ngara dog apun; kambŭi angān dŭh apun dosa daya, dosa ngara dŭh dog apun.”

PINGANDAI 15:7

Ripas ngara ko tui birundeng pasar kayuh anŭ Peter mijog ka nang, “Bara dingan ku, angān puan dawŭ-i Tapa mbŭh mien aku so dupan ngan da nyuse Agah Kana di daya adi dŭh bangsa Jahudi, isa ngara dingah ka bisa sabah.

2 CORINTH 2:10

Kan angān apun sarah daya, aku apun gŭh ayŭh. Amai kan aku apun, kambŭi agi re ku apun, aku apun di sirung jawin Kristus sabab angān,

1 THESSALONICA 4:8

Jadi meh, asi asi adi tirawan ajar ati dŭh-i tirawan manusia, pak Tapa, adi nggen di angān Roh Kudus-I.

PINANDŬNG 1:18

Aku ati adi udip! Aku ko kabŭs, pak madin aku ati udip adu adu. Aku biyŭn kuasa di tunduh pinyikabŭs ka di tunduh ong daya adi mbŭh kabŭs.

PINANDŬNG 11:6

Ngara biyŭn kuasa ngga tŭŭp rangit isa di tika ngara piagah agah so Tapa andu dŭh ujen. Ngara biyŭn gŭh kuasa di tunduh atak atak piin, da-i marui jadi deya. Ngara biyŭn gŭh kuasa ngga ari taban nanyam pinyiraan adŭp ngara barang masam susah-bās ka ong.

PINANDŬNG 3:7

“Nuris ka malaikat eklisia di Philadelphia: “Ati inŭh agah so sianŭ adi kudus ka adi sawŭ. Ayŭh biyŭn kusi adi dog dapu David, ka kan Ayŭh kuka tiban, mating daya dapŭd tŭŭp-i, ka kan Ayŭh tŭŭp-i, mating daya dapŭd kuka-i.

PINANDŬNG 9:1

Kan malaikat adi numbor rimŭh mambak jangi trompet, aku kiris ndi bitang adi ko rabu so rangit ka ong. Bitang anŭ dog nggen kusi yŭn rasan ong.