MATTHEW 15:11 - Hakcipta - Biatah Bidayuh

¹¹ Dŭh-i kayuh adi mŭrŭt baba adi kinais daya; pak kayuh adi ruah so baba, anŭ inŭh adi kinais daya.”

MATTHEW 15:11 ပူးပေါင်းရင်းမြစ်များ

MAZMUR 10:7

Pinganang ngara puno ngga pangu, kadong, ka tatang; ngara rikas piruah pinganang tiru, ka pinganang adi arap.

MAZMUR 12:2

Sopŭrŭg ngara kadong dingan-i; ngara nipu dingan ngga pinganang nganju.

ISAIAH 37:23

Asi sŭn mu nang adi kuu ngamun ka napat? Kuu mbŭh dŭh biradat di Aku, adi Tapa kudus Israel.

MATTHEW 15:10

Komŭnŭ Jesus bagan bara daya bagŭ ka adŭp-I ka nang di ngara, “Dingah ka mirati meh!

MATTHEW 15:12

Komŭnŭ bara murid tudu Ayŭh ka nang, “Puan Mai, bara Pharisee naman pinganang Mai anŭ?”

MARK 7:15

Mating kayuh adi so ka sapa adi mŭrŭt daya bisa kinais daya. Pak kayuh adi ruah so daya inŭh adi kinais daya.” [

ROME 14:14

Sabab aku mbŭh ndi ngga Tuhan Jesus, aku tatu puan nang mating pinguman sawŭ kais; pak kambŭi angān sabah nang agi pinguman kais, pinguman anŭ taŭn-i mbŭh kais di angān.

ROME 14:17

Amai Pinyipritah Tapa dŭh inŭh pasar kayuh adi ata man puan kah kayuh adi ata nok, pak pasar pinŭnggŭn, damai, ka pinyigaŭn so Roh Kudus.

ROME 14:20

Dŭhnyah sitagar pinguman ngan, angān pirusak kayuh adi Tapa ko ndai. Sopŭrŭg pinguman bisa dog man, pak-i sarah inŭh nŭŭh man kayuh adi bada daya bŭkŭn rabu darŭm dosa.

1 TIMOTHY 4:3

Ngara anŭ ngajar nang daya banan sawan sarah; ngara gŭh ngajar nang agi kada pinguman adi dŭh siŭn daya man. Pak Tapa napa pinguman anŭ yŭn dog man bara adi sabah adi mbŭh puan ajar adi sawŭ, ripas ko nggen dua trima kaseh.

TITUS 1:15

Sopŭrŭg kayuh bisig di daya adi bisig; pak mating kayuh bisig di daya adi mbŭh sembar buang dŭh sabah, amai pikir ngga pikir-kira atin ngara mbŭh dog nyembar.

HEBREW 13:9

Dŭhnyah bada barang masam ajar adi saruh taban angān miriseu so aran adi batur. Kana dŭ inŭh ata dog nyibake ngga pinyirasi-mandis Tapa, ka dŭh so tunda atur pasar pinguman; ngara adi tunda atur anŭ bŭn-i dapŭd utung so dieh.

2 PETER 2:18

Ngara piruah piminyu sambuh ka sipadin, ka pakai pinyiripong pŭrŭng ngga kudog daya adi aŭn suba an pirupas adŭp-i so bara daya adi udip darŭm sarah.