MATTHEW 15:1 - Hakcipta - Biatah Bidayuh

¹ Komŭnŭ kada daya Pharisee ngga gurū gurū Ukum-adat Jahudi mandŭg so Jerusalem ka siken Ayŭh,

MATTHEW 15:1 ပူးပေါင်းရင်းမြစ်များ

MATTHEW 23:2

“Bara gurū Ukum-adat Jahudi ngga bara daya Pharisee inŭh adi dog nyibandar da jadi bara adi tukang kidaan rati Ukum-adat Moses.

MATTHEW 5:20

Aku kidaan di angān meh garang, nang angān re tungang kinyam Pinyipritah Tapa adŭ-i kambŭi angān rabis tŭtŭd so bara gurū Ukum-adat Jahudi ka bara daya Pharisee darŭm angān ndai pinyiraan Tapa.

MARK 3:22

Agi kada gurū Ukum-adat Jahudi adi mandŭg so Jerusalem nang, “Ayŭh dog mŭrŭt Beelzebul! Pingubak umot inŭh adi nggen di Ayŭh kuasa ngga pibu umot.”

LUKE 5:17

Ndi andu, kan Jesus aŭn ngajar, kada daya Pharisee ka bara gurū Ukum-adat Jahudi mbŭh agi guru diginŭ. Ngara mandŭg so barang kupo di Galilee ngga Judea ka so Jerusalem. Kuasa Tuhan agi ngga Jesus ngga pibua daya birandam.

LUKE 5:21

Bara gurū Ukum-adat Jahudi samŭn bara daya Pharisee piguru nang dupan adŭp-i, “Asi daya ati adi paŭh mbŭh ngujat sakanŭ! Tapa sadi adŭ adi bisa apun dosa!”

LUKE 5:30

Kada daya Pharisee samŭn kada gurū Ukum-adat Jahudi adi so tibaran Pharisee, ngadu di murid murid Jesus. “Mani angān man nok ngga bara pinsuke ka bara daya adi dog tirawan?” ngara siken.

JOHN 1:19

Bara Pinguasa Jahudi di Jerusalem pait kada imam ngga daya daya Levi ka John da siken ayŭh, “Asi kuu?”

PINGANDAI 23:9

Sirais mbŭh jadi makin bana, ka kada so bara gurū Ukum-adat Jahudi adi so tibaran Pharisee mijog buang bana matah: “Kieh dŭh tungang dapŭd sarah daya ati! Manyah-i roh puan kah malaikat sawŭ ko minyu di ayŭh!”

PINGANDAI 25:7

Kan Paul mbŭh mŭrŭt, daya Jahudi adi mandŭg so Jerusalem mijog maning ayŭh, rasu minyu kidaan bagŭ masam pingandai sarah bās adi sŭn ngara nang ko Paul ndai, pak sopŭrŭg-i adi dŭh adŭp ngara tungang natu sawŭ ngga dŭh.