MATTHEW 13:38 - Hakcipta - Biatah Bidayuh

³⁸ ŭmŭh inŭh ong; bine adi kana inŭh bara daya adi Tapa mbŭh mien; uduh inŭh daya adi dog dapu Siarap;

MATTHEW 13:38 ပူးပေါင်းရင်းမြစ်များ

TIBIRIK 3:15

Aku re bada kuu ngga dayung anŭ tiru di dingan ngan; bara sesang-i ngga tung jamu re jadi pinganyu. Anak sukuh-i re mŭmŭs ubak mu ka kuu re kuut tiga ngara.”

MAZMUR 22:30

Turap turap bauh re bituan di Ayŭh; ngara re minyu pasar TUHAN di turap bauh adi re.

ISAIAH 53:10

TUHAN nang, “Anŭ mbŭh so pinyiraan Ku inŭh ayŭh sangsara; pinyikabŭs-i inŭh sadis ngga apun dosa. Ngapŭi ayŭh re kiris bara sesang-i; ayŭh re tui udip, ka so ayŭh Aku re dapŭd pinŭtŭn Ku.

HOSEA 2:23

Aku re pijog daya Ku di tarun tana anŭ ka bada ngara mujur. Aku re masi di ngara adi dog kadŭn ‘Dŭh-dog-masi’, ka di ngara adi dog kadŭn “Dŭh daya Ku” Aku re nang, “Angān daya Ku,” ka ngara re nam, “Kaam inŭh Tapa ami.”

MATTHEW 13:19

Ngara adi dingah agah pasar munki Tapa mritah pak dŭh mirati-i agi keya ka bine adi rabu di aran. Siarap mandŭg ka sirapas anŭ adi dog purun darŭm ngara.

MATTHEW 24:14

Ka Agah Kana pasar munki Tapa mritah re dog nyuse di barang yŭn di ndi ong ong yŭn sopŭrŭg bangsa daya; ripas anŭ ka sikasŭn ong mandŭg.

MATTHEW 5:37

Nang ‘Yŭh’ bait ‘Dŭh’, amai rabis so anŭ adi angān nang taŭn-i mandŭg so Siarap.

MATTHEW 8:12

Pak ngara adi patut kinyam Pinyipritah Tapa re dog taran ka yŭn karŭm, di yŭn ngara re sien buang sangsara.”

LUKE 24:47

Ka ngga adŭn-I, agah pasar daya patut marik pimudip-i pari ka Tapa siŭn dapŭd pingapun dosa, dŭh siŭn dŭh dog nyuse di sopŭrŭg bangsa, piguru so Jerusalem.

JOHN 12:24

Aku kidaan di angān kayuh adi sawŭ: ndi sirah ruwang gandom babŭ ruwang gandom kambŭi-i dŭh rabu ka tana ka kabŭs. Pak kambŭi-i kabŭs, ayŭh buān bagŭ buwa.

JOHN 8:44

Angān inŭh bara anak sama ngan, Siarap; angān raan tunda pinyiraan-i. So sibungas-i ayŭh taŭn mbŭh pinyiŭ ka bŭn adŭ tura ka pinyawŭ, sabab mating pinyawŭ darŭm ayŭh. Kan ayŭh kadong, anŭ mbŭh taŭn tibiat adŭp-i, sabab ayŭh pingadong ka raja pingadong.

PINGANDAI 13:10

ka nang, “Kuu anak Siarap! Kuu pinganyu sopŭrŭg kayuh adi kana. Kuu mbŭh puno ngga barang masam akar adi arap, ka mbŭh siraru suba an marik kayuh adi sawŭ pasar Tuhan da jadi kayuh kadong!

ROME 10:18

Pak aku siken: Sawŭ kah ngara gibayuh dingah agah anŭ? Mbŭh ngara dingah, amai sak adi dog nang darŭm Surat-kudus: “Jawŭn sirŭŭn ngara mbŭh tambus ka barang yŭn di ong; pinganang ngara mbŭh ndŭg bŭngŭn ong.”

ROME 16:26

Pak madin atur-pinyiraan Tapa mbŭh dog kiren so surat bara nabi; buang so pinyipesan Tapa adi udip adu adu ayŭh mbŭh dog kidaan di sopŭrŭg bangsa, isa sopŭrŭg bisa sabah ka tunda pinganang Tapa.

ROME 8:17

Amai ata bara anak-I, ata re dapu berkat adi-I sidia yŭn daya-I, ka ata re dapu gŭh ngga Kristus kayuh adi Tapa mbŭh sidia yŭn-I; amai kambŭi ata sua dapu jera-birasa Kristus, ata gŭh re sua dapu bragah-I.

COLOSSAE 1:6

Agah Kana anŭ babŭ taban berkat buang mbŭh kambang ka barang yŭn di ong, nimun-i mbŭh kambang di dupan angān piguru so andu angān muran dingah pasar pinyirasi-mandis Tapa ka puan ani sibandar-i.

JAMES 1:18

So ka pinyiraan adŭp-I Ayŭh mbŭh napa ata ngga pinganang-I adi sawŭ, isa ata bisa jadi numbor ndi di dupan sopŭrŭg adi-I ko napa.

JAMES 2:5

Ingat nŭh, angān adi aku rindu! Tapa mbŭh mien daya sirata di ong ati da jadi kaya darŭm pinyabah. Ngara re dapu pinyipritah Tapa nimun adi-I ko bijanji an nggen di ngara adi rindu di Ayŭh.

1 PETER 1:23

Amai so ka pinganang Tapa adi udip ka adi tan adu adu angān mbŭh dog biranak bauh, dŭh so manusia, pak so Sama adi udip adu adu.

1 JOHN 3:2

Angān adi aku rindu, madin ata mbŭh bara anak Tapa, pak gibayuh ata puan ani re ta jadi. Pak ata puan nang kan Kristus nandŭng, ata re mun Ayŭh, sabab ata re kiris munki Ayŭh sibandar-i.

PINANDŬNG 14:6

Komŭnŭ aku kiris malaikat adi bŭkŭn mikabur bigatung di rangit, taban Agah Kana adi tan adu adu re-i piagah ka manusia di ong, ka barang bangsa, tibaran-asar, piminyu, ka rais.