MATTHEW 13:23 - Hakcipta - Biatah Bidayuh

²³ Ka bine adi dog nabur di tana mandis rati-i ngara adi dingah agah anŭ ka mirati-i: ngara buān, kada-i mbŭh siratus bagŭ-i, adi bŭkŭn nŭm puru, ka adi bŭkŭn taruh puru.”

MATTHEW 13:23 ပူးပေါင်းရင်းမြစ်များ

EZEKIEL 18:31

Pasan sopŭrŭg arap adi angān mbŭh ndai, ka bada pikir ngga atin ngan jadi bauh. Mani angān daya Israel raan kabŭs?

EZEKIEL 36:26

Aku re nggen di angān atin adi bauh ka pikir adi bauh. Aku re tambit atin tangek ngan adi mun batuh so angān ka nggen di angān atin adi nundok.

MATTHEW 12:33

“An dapŭd buwa adi kana angān dŭh siŭn dŭh biyŭn tŭngŭn adi kana; kambŭi biyŭn tŭngŭn adi arap angān re dapŭd buwa adi arap. Tŭngŭn pimuruh dapŭd dog natŭng so buwa-i.

MATTHEW 13:8

Pak kada bine rabu di tana mandis, ka ayŭh piruah bagŭ buwa: kada-i biyŭn siratus rupet, adi bŭkŭn nŭm puru, ka adi bŭkŭn taruh puru.”

MATTHEW 3:10

Kapak mbŭh dog sidia ngga tabŭng tŭngŭn kayuh di uat-i; barang tŭngŭn kayuh adi dŭh buān buwa adi kana re dog tabŭng ka dog taran ka darŭm apui.

MATTHEW 3:8

Ndai pingandai adi kiren adŭp ngan mbŭh dŭh tia bidosa adi kiren angān mbŭh marik pimudip ngan pari ka Tapa.

MARK 10:15

Ingat nŭh! Asi asi adi dŭh kambat Pinyipritah Tapa mun anak-sŭ, dŭh-i re dapŭd kinyam-i.”

MARK 4:20

Pak adi bŭkŭn mbŭh keya ka bine adi dog nabur di tana adi mandis. Ngara dingah agah anŭ, trima-i, ka buān bagŭ buwa: agi taruh puru rupet, agi nŭm puru, ka agi adi siratus.”

LUKE 13:9

Jadi kambŭi-i buān sawa bauh, kana; kambŭi dŭh, kaam bisa tabŭng-i.’ ”

LUKE 8:15

Bine adi rabu di tana adi mandis, rati-i ngara adi dingah agah anŭ ka nyikŭn-i darŭm atin adi kana ka nundok; ngara bijijŭ ndŭg ka ngara buān buwa.”

LUKE 8:8

Ka kada bine rabu di tana mandis; ayŭh timbu ka pijadi siratus rupet bagŭ buwa-i.” Ka Jesus nang, “Dingah, garang, kambŭi angān biyŭn kajit!”

JOHN 15:16

Angān dŭh mien Aku; Aku mien angān ka tijuan angān da panu ka pijadi bagŭ buwa, buwa adi tan adu adu. Ka Sama meh re nggen di angān tadŭ kayuh adi angān mite ngga adŭn Ku.

JOHN 8:47

Ayŭh adi mandŭg so Tapa dingah pinganang Tapa. Pak angān dŭh so Tapa, ka anŭ inŭh sabab angān dŭh an dingah pinganang Tapa.”

PINGANDAI 16:14

Ndi so ngara adi dingah kieh inŭh Lydia so Thyatira, adi tukang jua banang adi bēng. Ayŭh inŭh dayung adi nyambah Tapa, ka Tuhan mbŭh kuka atin-i da dingah buang sabah kayuh adi Paul nang.

PINGANDAI 17:11

Daya diginŭ agi mirati dŭ so daya di Thessalonica. Ngara suka dingah agah pasar Jesus, ka barang andu ngara birajar pinganang Surat-kudus an puan sawŭ ngga dŭh kayuh adi Paul nang.

2 CORINTH 9:10

Ka Tapa adi nggen bine di daya adi tukang purun ka pinguman yŭn man, re nggen gŭh di angān sopŭrŭg bine adi angān biguna ka bada-i timbu ka piruah bagŭ buwa yŭn ngatŭm so ka atin ngan adi dŭh sibut.

PHILIPPI 1:11

Pimudip ngan re brisi ngga pingandai kana adi Jesus Kristus sadi adŭ bisa nggen, yŭn bragah ngga puji ka Tapa.

PHILIPPI 4:17

Dŭh-i aku gruwŭn pinganggen; sibandar-i, aku raan kiris berkat so pingandai kana ngan dŭ dŭ bitambah yŭn guna adŭp ngan.

COLOSSAE 1:10

Amai simŭnŭ inŭh meh, angān re bisa udip nanyam ka pinyiraan Tuhan, siraru ndai kayuh adi pimunos asŭng-I. Angān re buān buwa darŭm sopŭrŭg pingandai kana, buang bitambah darŭm pinyipuan ngan pasar Tapa.

COLOSSAE 1:6

Agah Kana anŭ babŭ taban berkat buang mbŭh kambang ka barang yŭn di ong, nimun-i mbŭh kambang di dupan angān piguru so andu angān muran dingah pasar pinyirasi-mandis Tapa ka puan ani sibandar-i.

1 THESSALONICA 4:1

Sikasŭn-i, bara dingan, angān muko birajar so kieh simuki patut udip ngga pimunos asŭng Tapa. Sawŭ, anŭ taŭn mbŭh aran pimudip ngan. Ka madin kieh mite buang ngatat angān, ngga adŭn Tuhan Jesus, ndai rabis so adi mbŭh.

2 THESSALONICA 2:10

buang pakai barang masam tipu di tunduh ngara adi re rarap. Ngara re rarap sabab ngara dŭh kambat bait rindu di agah adi sawŭ so Tapa adi so ngara bisa dog nyiramat.

HEBREW 4:2

Amai ata mbŭh dingah Agah Kana anŭ, mun ngara gŭh. Ngara dingah agah anŭ, pak-i dŭh biguna yŭn ngara, sabab kan ngara dingah-i, ngara dŭh kambat-i ngga pinyabah.

HEBREW 6:7

Tapa nyiberkat tana adi nyŭp piin ujen adi ari rabu dieh ka adi bada kayuh timbu yŭn guna daya adi ngatŭm-i.

HEBREW 8:10

Pak madin, ati inŭh simanya adi re Ku ndai ngga daya Israel di tipuh adi re mandŭg, nang Tuhan: Aku re na ukum-adat Ku di pikir ngara ka nuris-i darŭm atin ngara. Aku re jadi Tapa ngara, ka ngara re jadi daya Ku.

2 PETER 3:18

Angān patut bitambah kambang darŭm pinyirasi-mandis Tapa ka darŭm pinyipuan pasar Tuhan ngga Pinyikudip ta Jesus Kristus. Di Ayŭh inŭh bragah, madin ngga ndŭg situi tui! Amen.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.