MATTHEW 13:19 - Hakcipta - Biatah Bidayuh

¹⁹ Ngara adi dingah agah pasar munki Tapa mritah pak dŭh mirati-i agi keya ka bine adi rabu di aran. Siarap mandŭg ka sirapas anŭ adi dog purun darŭm ngara.

MATTHEW 13:19 ပူးပေါင်းရင်းမြစ်များ

PITAS 1:7

An biyŭn pinyibijak, nŭŭh dŭh siŭn dŭh an diŭ stabi ka taru di TUHAN. Daya adi budo bawa dŭh biyŭn stabi di pinyibijak ka abah-i birajar.

PITAS 17:16

Daya adi budo saat duit adŭ ngga biranja sikura-i, sabab ayŭh dŭh pitar.

EZEKIEL 31:18

“Tŭngŭn kayuh anŭ inŭh raja Egypt ngga sopŭrŭg rayat-i. Mating tŭngŭn kayuh di Eden bigatung buang ramus mun anŭ. Pak madin, mun tŭngŭn tŭngŭn kayuh Eden, ayŭh re mūn ka ong daya adi mbŭh kabŭs ka sua ngga ngara adi dŭh puan Tapa ngga ngara adi dog siŭ darŭm perang. Aku mbŭh minyu,” nang TUHAN Raja.

MATTHEW 12:26

Simŭnŭ gŭh kambŭi ndi tibaran biperang ngga tibaran adi bŭkŭn darŭm pritah Shetan, rati-i ayŭh mbŭh pape jadi bagŭ tibaran ka re rikas rubuh!

MATTHEW 13:20

Bine adi rabu di tana pibatuh rati-i ngara adi rasu ngga sanang asŭng-i trima agah anŭ kan ngara dingah-i.

MATTHEW 13:38

ŭmŭh inŭh ong; bine adi kana inŭh bara daya adi Tapa mbŭh mien; uduh inŭh daya adi dog dapu Siarap;

MATTHEW 4:23

Jesus panu di ndi tarun tana Galilee, ngajar di ramin ramin simayang-Jahudi, nyuse Agah Kana pasar dŭm dŭh tui Tapa re mritah, ka pibua bagŭ daya adi naman barang masam andam ka udar.

MATTHEW 5:37

Nang ‘Yŭh’ bait ‘Dŭh’, amai rabis so anŭ adi angān nang taŭn-i mandŭg so Siarap.

MARK 4:15

Agi kada daya mbŭh keya ka bine adi rabu di aran; darŭm ngara dingah agah Tapa, Shetan mandŭg ka rasu sirapas-i.

LUKE 10:9

Pibua daya adi birandam di kupo anŭ ka nang di ngara, ‘Dŭm dŭh tui Tapa re Mritah.’

LUKE 9:2

Komŭnŭ Ayŭh pait ngara da piagah pasar munki Tapa mritah, buang pibua daya adi birandam,

JOHN 18:38

“Kayuh ani adi sawŭ anŭ?” Pilate siken. Jadi Pilate pari ruah ka sapa ka nang di bara daya, “Aku dŭh tungang dapŭd sarah daya ati adi yŭn-I patut dog ukum.

JOHN 8:43

Mani angān dŭh mirati kayuh adi nang Ku? Angān mun anŭ sabab angān dŭh tan dingah ajar Ku.

PINGANDAI 17:32

Kan ngara dingah Paul minyu pasar pinyimakat so kabŭs, kada ngara napat ayŭh, pak adi bŭkŭn nang, “Kieh raan dingah kuu minyu pasar kayuh ati dinge.”

PINGANDAI 18:15

Pak amai-i kayuh karit pasar bang bang piminyu ka dŭn dŭn ka pasar ukum-adat ngan, adŭp ngan patut ngatur-i. Aku dŭh re jadi akim ngan di kayuh mun ati!”

PINGANDAI 20:25

“Aku mbŭh bigaur ngga sopŭrŭg ngan, nyuse Pinyipritah Tapa. Ka madin aku puan angān dŭh re tia kiris aku.

PINGANDAI 28:23

Jadi ngara miratak andu adi ngga ngara bisa bidapŭd ngga Paul, ka bagŭ ngara mandŭg ka yŭn-i rŭŭ. So isan isan ndŭg singarŭm ayŭh nakit kidaan rati ajar-i pasar Pinyipritah Tapa, ka ngga situngang-i an bada ngara sabah di Jesus, pakai ayat ayat so Ukum-adat Moses samŭn so surat surat bara nabi.

ROME 1:28

Sabab ngara abah ngaku Tapa, Tapa mbŭh tandah ngara ka darŭm pikir adi arap, isa ngara ndai kayuh adi ngara dŭh patut ndai.

ROME 14:17

Amai Pinyipritah Tapa dŭh inŭh pasar kayuh adi ata man puan kah kayuh adi ata nok, pak pasar pinŭnggŭn, damai, ka pinyigaŭn so Roh Kudus.

ROME 2:8

Adi bŭkŭn taŭn-i sibut ka tirawan kayuh adi batur, siŭn-i tunda kayuh adi sarah; di ngara Tapa re kiren baji-I.

EPHESUS 3:8

Aku agi siabo sŭ so sianŭ adi sŭ dupan bara daya adi Tapa mbŭh mien; pak Tapa mbŭh raru kana an bada aku taban ka daya adi dŭh bangsa Jahudi Agah Kana pasar berkat Kristus adi raru tŭrŭp-i,

2 THESSALONICA 2:12

Pinŭbŭn-i, sopŭrŭg adi dŭh sabah di agah adi sawŭ anŭ, ka adi pimunos adŭp-i ngga dosa, re dog nunggu.

HEBREW 2:1

Anŭ inŭh sabab ata dŭh siŭn dŭh an rabis tagap bidigŭng di ajar ajar anŭ adi ata ko dingah, isa ata dŭh manyap.

1 JOHN 3:12

Ata dŭh siŭn mun Cain; ayŭh dog dapu Siarap ka mbŭh siŭ sude adŭp-i Abel. Mani Cain siŭ ayŭh? Sabab kayuh adi adŭp-i ndai agi sarah, ka kayuh adi sude-i ndai agi batur.

1 JOHN 5:18

Ata puan mating anak Tapa re babŭ an ndai dosa, amai Anak Tapa jaga ngara, ka sianŭ adi Arap dŭh re tungang kandam ngara.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.