MATTHEW 13:11 - Hakcipta - Biatah Bidayuh

¹¹ Jesus nam, “Kuasa ngga puan rusia pasar munki Tapa mritah mbŭh dog nggen di angān, pak dŭh di ngara.

MATTHEW 13:11 ပူးပေါင်းရင်းမြစ်များ

MAZMUR 25:14

TUHAN inŭh jerā ngara adi tunda pinganang-I ka Ayŭh natu simanya-I ngga ngara.

ISAIAH 29:10

TUHAN mbŭh bada kuu nundu, mbŭh re an bŭŭs rŭrŭ. Bara nabi patut jadi batŭh yŭn bara daya, pak Tapa mbŭh nutu batŭh ngara.

ISAIAH 29:11

Rati sopŭrŭg kayuh adi dog kiris keya ka darŭm pŭmŭh re dog sukan so kuu; anŭ re keya ka surat-barun adi mbŭh dog matis. Kambŭi kuu taban-i ka yŭn daya adi pandai basa ka bada ayŭh basa-i yŭn mu, ayŭh re nang ayŭh dŭh dapŭd sabab-i dog matis.

ISAIAH 35:8

Re agi aran raya diginŭ, dog kadŭn “Aran Pinyikudus”. Mating daya bidosa re an panu kadŭg aran anŭ; mating daya budo re kinanyap daya adi panu kadŭg-i.

MATTHEW 13:10

Komŭnŭ bara murid tudu Jesus ka siken Ayŭh, “Mani Kaam pakai upama kan Kaam minyu ngga bara daya?”

MATTHEW 16:17

“Bituah inŭh kuu, Simon anak John!” Jesus nam. “Pinyidapŭd mu anŭ dŭh-i so adŭp mu, pak mbŭh adŭp Sama Ku adi di shorga nggen di kuu.

MATTHEW 19:11

Jesus nam, “Ajar ati dŭh-i yŭn barang naan daya, pak yŭn ngara adi yŭn Tapa ko nggen-i adŭ.

MATTHEW 20:23

“Angān re sawŭ nok so makuk Ku,” Jesus nang di ngara, “pak Aku dŭh biyŭn hak re mien asi re guru tura ka tauh Ku ngga tura ka bait Ku. Sama Ku mbŭh natu asi ngara anŭ adi re guru diginŭ.”

MARK 10:40

Pak Aku dŭh biyŭn hak re mien asi guru tura ka tauh Ku ngga tura ka bait Ku. Adŭp Tapa inŭh adi re nggen-i di ngara adi yŭn-I mbŭh sidia-i.”

MARK 4:11

“Angān dog nggen kuasa ngga mirati rusia pasar munki Tapa mritah,” Jesus nam ngara. “Pak ngara adi bŭkŭn, adi dŭh so tibaran ngan, dingah sopŭrŭg kayuh pakai upama,

LUKE 8:10

Ayŭh nam, “Angān mbŭh dog nggen kuasa ngga mirati munki Tapa mritah, pak di ngara adi bŭkŭn pinyipuan anŭ mandŭg so ka upama, isa ngara bisa tingga pak dŭh kiris, dingah pak dŭh mirati.”

JOHN 6:65

Ka-I nang dinge, “Anŭ inŭh sabab Aku kidaan di angān, mating daya tungang mandŭg ka Aku kambŭi dŭh so pinyibada Sama.”

JOHN 7:17

Asi asi adi raan ndai pinyiraan Tapa re puan so ki kayuh adi Aku ngajar mandŭg, so Tapa kah so kuasa adŭp Ku.

PINGANDAI 16:14

Ndi so ngara adi dingah kieh inŭh Lydia so Thyatira, adi tukang jua banang adi bēng. Ayŭh inŭh dayung adi nyambah Tapa, ka Tuhan mbŭh kuka atin-i da dingah buang sabah kayuh adi Paul nang.

ROME 11:25

Agi kayuh adi sawŭ adi dog sukan, bara dingan ku, adi aku raan angān puan, amai-i re bada angān dŭh pikir adŭp ngan bijak. Anŭ inŭh pinyibaking daya Israel dŭh-i re tan adu adu, pak kaŭs-i re tan ndŭg andu adi ngga sukup kiang daya adi dŭh bangsa Jahudi mandŭg ka Tapa.

ROME 16:25

Ja ata nggen bragah ka Tapa! Ayŭh tungang bada angān mijog tagap darŭm pinyabah ngan, nanyam ka Agah Kana adi aku nyuse pasar Jesus Kristus, ka nanyam ka pinandŭng atur-pinyiraan Tapa adi ko dog sukan bisawa sawa adi mbŭh ripas.

1 CORINTH 13:2

Agi bait kani aku pinganggen ngga nyuse agah so Tapa, ka puan sopŭrŭg kayuh ka mirati sopŭrŭg kayuh adi bisukan; agi bait kani aku pinyabah bās adi ngga mindah darŭd, pak kambŭi aku dŭh biyŭn pinyirindu, aku ati au-tarun.

1 CORINTH 15:51

Dingah meh rusia ati: dŭh sopŭrŭg ta re kabŭs, pak kan sikasŭn trompet dog mambak, sopŭrŭg ta re bitukar darŭm ndi kidap batŭh. Amai kan trompet anŭ dog mambak, daya adi kabŭs re dog pakat, dŭh re tia kabŭs, ka ata sopŭrŭg re bitukar.

1 CORINTH 2:14

Asi asi adi dŭh biyŭn Roh Kudus dŭh bisa kambat pinganggen adi mandŭg so Roh Tapa. Daya adi mun anŭ dŭh-i mirati pinganggen anŭ, ka taŭn re nang-i kayuh au-tarun, sabab guna pinganggen anŭ adŭ-i dog puan so ka gaya roh.

1 CORINTH 2:7

Pinyibijak adi aku piagah inŭh pinyibijak Tapa adi dog sukan so manusia, pak adi-I ko mien yŭn bragah ta diŭ so ong dog napa.

1 CORINTH 4:1

Angān patut nyirundeng kieh keya ka bara urun Kristus, adi dog tijuan da jaga atur-pinyiraan Tapa adi gibayuh ong puan.

1 CORINTH 4:7

Asi bada angān rabis kana so daya bŭkŭn? Dŭh kah Tapa ko nggen di angān sopŭrŭg kayuh adi angān biguna? Mani meh angān mingangŭn, mun ani kayuh adi angān biyŭn dŭh pinganggen?

EPHESUS 1:18

Aku mite pikir ngan tikuka yŭn kiris jawa-I, isa angān adi-I mbŭh mien puan ani anŭ adi angān harap, munki masam grua berkat adi-I mbŭh bijanji an nggen di daya-I,

EPHESUS 1:9

Tapa mbŭh pijadi kayuh nanyam tujuan-I, ka mbŭh kiren di ata atur pinyiraan-I adi-I mbŭh natu an ngamas so ka Kristus.

EPHESUS 5:32

Agi rusia bās dog pinandŭng di pinganang Surat-kudus anŭ, adi aku mirati nang pasar Kristus ngga eklisia.

EPHESUS 6:19

Simayang gŭh yŭn aku, isa Tapa nggen di aku ajar adi patut kan aku minyu, isa aku pagan minyu ka kidaan di daya rusia Agah Kana.

COLOSSAE 2:2

Aku ndai simŭnŭ ngga ngatat ngara ka isa-i ngara jadi ndi darŭm pinyirindu. Simŭnŭ gŭh angān ngga ngara bisa batur batur puan ka mirati buang natŭng rusia Tapa, adi taŭn mbŭh adŭp Kristus.

1 TIMOTHY 3:16

Mating daya tungang miman munki masam bās-i rusia adat ta: Ayŭh mandŭg darŭm gayŭn manusia, mbŭh Roh Kudus kiren nang pimunos asŭng Tapa, ka dog kiris bara malaikat. Ayŭh dog nyuse di barang bangsa, ka ndi ong ong mbŭh sabah di Ayŭh, ka Ayŭh mbŭh dog pakat ka shorga.

1 TIMOTHY 3:9

ngara patut bidigŭng tagap ngga pikir-kira atin adi bisig di ajar pinyabah Kristen adi Tapa mbŭh kiren.

JAMES 1:5

Pak kambŭi agi so angān dŭh biyŭn pinyibijak, ayŭh patut bidua ka Tapa, adi an nggen-i di ayŭh; sabab Tapa inŭh adi an nggen ngga siabo asŭng-I di sopŭrŭg daya.

1 JOHN 2:20

Pak angān mbŭh trima Roh Kudus adi Kristus ko ren di tunduh ngan; ngapŭi sopŭrŭg ngan puan ajar adi sawŭ.

1 JOHN 2:27

Pak mun angān, Kristus ko ren Roh-I di angān. Sitŭkŭd Roh-I babŭ darŭm angān, angān dŭh biguna di daya da ngajar angān. Amai Roh-I ngajar angān pasar sopŭrŭg kayuh, ka kayuh adi-I ngajar agi sawŭ, dŭh kayuh kadong. Tunda meh garang ajar Roh anŭ, ka bijijŭ darŭm udip ndi ngga Kristus.