MATTHEW 12:28 - Hakcipta - Biatah Bidayuh

²⁸ Dŭh-i Beelzebul pak Roh Tapa, inŭh adi nggen di Aku kuasa ngga pibu umot; rati-i Tapa mbŭh piguru mritah di ruang ngan.

MATTHEW 12:28 ပူးပေါင်းရင်းမြစ်များ

DANIEL 2:44

Di jaman bara pimritah anŭ Tapa adi pinguasa di shorga re pijog pritah adi dŭh bisa mungan. Pritah anŭ dŭh bisa dog ngarah, pak re kubo pirabur sopŭrŭg empaya adi bŭkŭn, ka komŭnŭ adŭp-i re mritah adu adu.

DANIEL 7:14

Ayŭh dog nggen kuasa, stabi, kuasa-raja, isa bara daya so barang bangsa, kaum, ngga piminyu bisa bituan di ayŭh. Kuasa-i re tan adu adu, ka pritah-i dŭh re mungan.

MATTHEW 12:18

“Ati inŭh Urun Ku, adi Aku ko mien, adi Aku rindu; di Ayŭh asŭng Ku munos. Aku re pait Roh Ku di Ayŭh, ka Ayŭh re kidaan pinyitŭnggŭn Ku di sopŭrŭg bangsa.

MATTHEW 12:29

“Mating daya tungang mŭrŭt ramin daya bake ka taban bu barang-i kambŭi ayŭh dŭh diŭ muak daya bake anŭ; muko ndai simŭnŭ ka ayŭh tungang gruga ramin-i.

MATTHEW 21:31

Aki ndi so ngara duwŭh adi ndai pinyibada sama-i?” “Adi pinuai,” ngara nam. Jadi Jesus nang di ngara, “Aku kidaan di angān: daya pinsuke ngga dayung sundar re kinyam Pinyipritah Tapa rabis diŭ so angān.

MATTHEW 21:43

Jesus nang dinge, “Puan meh! Hak kinyam Pinyipritah Tapa re dog tambit so angān, ka dog nggen di daya adi piruah buwa nanyam ka pinyiraan Tapa.” [

MATTHEW 4:24

Agah pasar Ayŭh kambang di ndi tarun tarun tana rais Syria, ndŭg ka daya taban ka yŭn-I sinadan adi birandam adi naman barang masam andam ngga pinyusah: daya adi dog mŭrŭt umot, adi nyisŭt, ka adi naman andam ruku. Jesus pibua sopŭrŭg ngara.

MATTHEW 6:33

Pak mbit bat di Pinyipritah Tapa ka ndai pinyiraan-I, ka Ayŭh re nggen di angān sopŭrŭg kayuh anŭ.

MARK 1:15

“Tipuh-i mbŭh mandŭg,” Ayŭh nang, “Dŭm dŭh tui Tapa re mritah. Marik pimudip ngan pari ka Tapa meh angān, ka sabah di Agah Kana ati!”

MARK 11:10

Biberkat inŭh pinyipritah-I adi re mandŭg, pinyipritah Raja David adi babuk ta! Puji ka Tapa!”

MARK 16:17

Ngara adi sabah re dog nggen kuasa ngga ndai pingandai-nginga: ngara re pibu umot ngga adŭn Ku; ngara re minyu piminyu saruh.

LUKE 10:11

‘Dabu kupo ngan adi rakat di kaja ami kieh tapis gŭh pari ka angān. Pak ingat dŭm dŭh tui Tapa re mritah!’

LUKE 11:20

Sibandar-i, Aku pibu umot ngga kuasa Tapa, ka ati mbŭh kiren di angān nang Tapa mbŭh piguru mritah.

LUKE 16:16

“Ukum-adat Moses ka surat bara nabi dog sita ndŭg jaman John Pembaptisa; so nganŭ Agah Kana pasar munki Tapa mritah mbŭh dog kidaan, ka barang naan daya mbŭh birabut an mŭrŭt ka dieh.

LUKE 9:2

Komŭnŭ Ayŭh pait ngara da piagah pasar munki Tapa mritah, buang pibua daya adi birandam,

PINGANDAI 10:38

Angān puan pasar Jesus so Nazareth ka munki Tapa mbŭh ren di tunduh-I Roh Kudus ka kuasa. Ayŭh panu ka barang yŭn, ndai pingandai kana ka pibua sinadan daya adi dog nguasa Siarap, amai Tapa agi ngga Ayŭh.

ROME 14:17

Amai Pinyipritah Tapa dŭh inŭh pasar kayuh adi ata man puan kah kayuh adi ata nok, pak pasar pinŭnggŭn, damai, ka pinyigaŭn so Roh Kudus.

COLOSSAE 1:13

Ayŭh nyiramat ata so kuasa karŭm ka taban ata darŭm siramat ka darŭm pinyipritah Anak-I adi-I rindu;

HEBREW 12:28

Ata patut nggen trima kaseh, sabab ata kambat pritah adi dŭh tungang dog ngugoh. Ja ata nggen trima kaseh ka nyambah Tapa ngga gaya adi pimunos asŭng-I, darŭm stabi ngga taru;

1 JOHN 3:8

Daya adi babŭ bidosa taŭn-i dog dapu Siarap, sabab Siarap taŭn mbŭh bidosa so sibungas-i. Anak Tapa ko nandŭng sitagar kayuh ati, di pirabur kayuh adi Siarap ko ndai.