MATTHEW 11:28 - Hakcipta - Biatah Bidayuh

²⁸ “Mandŭg ka Aku, sopŭrŭg ngan adi mbŭh jera da pinyirabis bat, ka Aku re pirupas angān so bat-i.

MATTHEW 11:28 ပူးပေါင်းရင်းမြစ်များ

JOB 14:1

Ata dog biranak ramah ka dŭh bigaya. Sopŭrŭg kinyam pimudip purok ka adi susah.

JOB 5:7

Adŭp manusia inŭh adi taban pinyusah ka adŭp-i, keya ka bŭtŭp apui adi mikabur so apui.

MAZMUR 116:7

Tanang meh, atin ku, sabab TUHAN mbŭh kana ngga aku.

MAZMUR 32:4

Sandu singarŭm Kaam ngukum aku, TUHAN; pinyibake ku mbŭh abo, mun sipot-abun badŭh bada paras sura.

MAZMUR 38:4

Aku rŭnggŭd darŭm uba dosa ku; dosa ku mbŭh raru bat.

MAZMUR 94:13

Kaam nggen di ngara rŭŭ so tipuh susah ndŭg ka rubang dog kareh ngga mirakap daya adi ginaka.

EKLISIASTIS 1:14

Aku mbŭh kiris bagŭ pingandai daya di ong, ka aku nang, sopŭrŭg-i dŭh biguna. Anŭ mbŭh keya ka tadak sabak.

EKLISIASTIS 1:8

Sopŭrŭg kayuh mating pinŭbŭn-i, dŭh tungang dog kira. Batŭh dŭh puas tingga, kajit dŭh puas dingah.

EKLISIASTIS 4:8

Agi ndi naan daya adi udip sadi. Ayŭh dŭh biyŭn anak, dŭh biyŭn jurud, pak ayŭh marar nyiraja, dŭh puas ngga pinyikaya adi ayŭh mbŭh biyŭn. Yŭn asi ayŭh bandar nyiraja ka bitan adŭp-i so pinyirami? Anŭ gŭh dŭh biyŭn rati, buang pimudip adi sangsara.

ISAIAH 1:4

Mbŭh payah inŭh angān, bangsa adi bidosa, angān daya adi mbŭh rusak ka arap! Dosa ngan mbŭh pirabu angān! Angān mbŭh tirawan TUHAN, adi Tapa kudus Israel, ka mbŭh nyipunok Ayŭh.

ISAIAH 11:10

Andu-i re mandŭg kan raja adi bauh so asar David re jadi tandā yŭn bangsa bangsa. Ngara re tikuruk di kupo-i ka nggen stabi di ayŭh.

ISAIAH 28:12

Ayŭh nggen rŭŭ-paya ngga saduh di sopŭrŭg ngan, pak angān abah dingah Ayŭh.

ISAIAH 61:3

bada nggen di ngara adi ngurid di Zion pinyigaŭn ngga pawŭn, ka dŭh pinyusah, ragu puji, ka dŭh ragu pinyusah. Ngara re keya ka tŭngŭn tŭngŭn kayuh adi adŭp TUHAN mbŭh purun. Sopŭrŭg ngara re ndai kayuh adi batur, ka Tapa re dog muji amai kayuh adi Ayŭh mbŭh ndai.

ISAIAH 66:2

Adŭp Ku napa rangit ngga ong! Aku munos asŭng di ngara adi pirapat adŭp-i ka adi marik pimudip-i pari ka Aku, adi taru ka nundok di Aku.

JEREMIAH 31:25

Aku re piranyah ngara adi kawŭk ka re pibisoh ngga pinguman barang naan adi ramah amai sikirau.

JEREMIAH 35:16

Sesang Jonadab tunda pesan adi-i mbŭh nggen di ngara, pak angān dŭh an tunda pinganang Ku.

JEREMIAH 6:16

TUHAN nang di daya-I, “Mijog di sakap sakap aran ka tingga. Siken diki aran amba adi jah ka diki aran adi siabo kana. Kadŭg-i, ka kuu re udip darŭm damai.” Pak ngara nang, “Dŭh, abah kieh!”

MATTHEW 11:29

Tunda pritah Ku ka trima ajar Ku, amai Aku ati duduh buang tŭkŭn darŭm roh; Aku re piranyah angān.

MATTHEW 23:4

Ngara bada daya kabis pinyirabis adi raru bat, pak adŭp ngara biar ndi trinju dŭh gŭh ngara an pakai ngga turung daya kabis pinyirabis anŭ.

JOHN 6:37

Sopŭrŭg daya adi Sama mbŭh nggen di Aku, re mandŭg ka Aku. Aku dŭh re kasig daya adi mandŭg ka Aku,

JOHN 7:37

Di sikasŭn andu gawai, andu adi rabis biguna darŭm tipuh gawai anŭ, Jesus mijog ka nang ngga sirŭŭn bana, “Asi asi adi badŭh asŭng-i patut mandŭg ka Aku di nok.

PINGANDAI 15:10

Jadi mani meh angān an suba Tapa, na pinyirabis bat di kawin ngara adi sabah, pinyirabis adi adŭp ta bait tayung-babuk ta dŭh tungang kabis?

PINGANDAI 20:35

Aku mbŭh kiren di angān darŭm bagŭ masam kayuh, so ka bandar nyiraja mun ati ata dŭh siŭn dŭh an turung daya adi ramah, buang ingat pinganang Jesus adi nang, ‘Sanang dŭ inŭh daya adi nggen so daya adi kambat.’ ”

GALATIA 5:1

Kristus mbŭh nggen di ata pinyirupas. Mijog tagap meh ka dŭhnyah tandah adŭp ngan jadi urun dinge.

2 THESSALONICA 1:7

Ayŭh re nggen saduh di angān adi dog pijera, ka di kieh ani. Ayŭh re ndai simŭnŭ kan Tuhan Jesus nandŭng so shorga ngga bara malaikat-I adi bikuasa,

HEBREW 4:1

Madin Tapa mbŭh nggen janji-I anŭ di ata, anŭ inŭh ata bisa kambat rŭŭ-paya anŭ adi-I nang. Sabab anŭ ata patut an nakit, isa mating so ata dog dapŭd dŭh patut kambat rŭŭ-paya anŭ.

PINANDŬNG 22:17

Roh Kudus ngga Pingaten Dayung nang, “Mandŭg!” Barang naan adi dingah anŭ dŭh siŭn dŭh gŭh nang, “Mandŭg!” Mandŭg, asi asi adi aus; kambat meh pinganggen ati, piin adi nggen udip, tadŭ tadŭ angān adi raan.