MATTHEW 11:21 - Hakcipta - Biatah Bidayuh

²¹ “Mbŭh raru payah-i re di kuu, Chorazin! Mbŭh raru payah-i gŭh di kuu, Bethsaida! Kambŭi pingandai-nginga adi ko dog ndai di kuu dog ndai di Tyre ngga Sidon, mbŭh tui daya diginŭ pakai banang guni buang ngabu apŭk di adŭp-i, ngga kiren adŭp-i mbŭh marik pimudip-i pari ka Tapa!

MATTHEW 11:21 ပူးပေါင်းရင်းမြစ်များ

JOB 42:6

Ngapŭi aku mangŭh ngarun sopŭrŭg kayuh adi aku mbŭh nang ka ngga atin nyesar aku ngabu dabu ngga apŭk di adŭp ku.

JEREMIAH 13:27

Ayŭh mbŭh kiris kuu ndai kayuh adi-I tiru. Ayŭh mbŭh kiris kuu tadak tapa tapa adat karŭm di sandah ka di ŭmŭh, mun ndi naan daya ripong di sawŭn rasū-i bait mun dari kuda adi mingaras tadak dayung kuda. Daya di Jerusalem, mŭmbŭh inŭh angān! Sinde meh angān re jadi bisig?

JOEL 3:4

“Ani anŭ suba ngan ndai di Aku, Tyre, Sidon, ngga ndi tarun tana Philistia? Angān suba an maras dendam kah? Kambŭi anŭ kayuh raan ngan, Aku bisa rikas bayar angān!

AMOS 1:9

TUHAN nang, “Daya Tyre mbŭh pari pari bidosa, ka sabab anŭ Aku re sawŭ ngukum ngara. Ngara taban ngga bu sopŭrŭg daya so ndi bangsa jadi daya adi dog taran di tarun tana Edom, ka dŭh sita pekat-damai adi ngara mbŭh ndai.

MATTHEW 11:22

Puan meh! Di Andu Bisara Tapa re masi dŭ di daya di Tyre ngga di Sidon so di angān!

MATTHEW 15:21

Jesus bu so nŭ ka matak ka tarun tana sindŭk kupo kupo Tyre ngga Sidon.

MATTHEW 18:7

Mbŭh raru payah inŭh ong ati amai agi dieh kayuh adi bada daya bidosa! Kayuh ati taŭn re siraru agi, pak mbŭh raru payah-i di sianŭ adi nimbur-i!

MATTHEW 26:24

Anak Manusia re kabŭs nimun adi dog nang darŭm Surat-kudus, pak mbŭh raru payah inŭh daya anŭ adi re jua Anak Manusia! Mbŭh kana dŭ inŭh kambŭi ayŭh pati ka bŭn dog biranak!”

MARK 3:8

so Jerusalem, so tarun tana Idumea, so tarun tana Jordan tura ka timor, ka so abong tarun tana maning kupo kupo Tyre ngga Sidon. Sopŭrŭg ngara anŭ mandŭg ka yŭn Jesus sabab ngara mbŭh dingah kayuh adi-I ndai.

MARK 6:45

Jesus rasu bada bara murid-I mŭrŭt arud ka matak diŭ so adŭp-I ka Bethsaida, di pah mandi rawŭt anŭ, atan adŭp-I bada bara daya anŭ maad.

MARK 7:24

Jadi Jesus bu so nŭ ka matak ka tarun tana dŭh jo so kupo Tyre. Ayŭh mŭrŭt ndi ramin, ka abah-I bada daya puan adŭp-I agi diginŭ, pak dŭh-I tungang bisukan.

MARK 7:31

Komŭnŭ Jesus bu so tarun tana maning Tyre, pijuu pimanu-I tambus Sidon ka nuju Danu Galilee, panu so ka tarun tana Kupo-Simŭng.

MARK 8:22

Ngara ndŭg Bethsaida, di yŭn agi kada daya taban ndi naan daya karak ka yŭn Jesus ka mite Ayŭh tama ayŭh.

LUKE 4:26

Pak Elijah dŭh dog pait ka tadŭ daya di Israel. Ayŭh dog pait ka ndi naan dayung uban adi rŭŭ di Zarephath di tarun tana Sidon.

LUKE 6:17

Kan Jesus mbŭh mūn so sandah anŭ ngga bara pinyuruh, Ayŭh mijog di tarun adi rata ngga bara bara murid-I. Bara daya bagŭ mbŭh agi diginŭ so ndi tarun tana Judea ka so Jerusalem ka so Tyre ngga Sidon kupo adi di tabing rawŭt.

LUKE 9:10

Bara pinyuruh mari ka kidaan di Jesus sopŭrŭg kayuh adi ngara ko ndai. Ayŭh taban ngara ngga matak, sadi adŭp-I ngga ngara, ka kupo Bethsaida.

JOHN 1:44

Philip daya so Bethsaida, kupo Andrew ngga Peter.)

JOHN 12:21

Ngara tudu Philip (ayŭh adi so Bethsaida di Galilee) ka nang, “Tuan, kieh an bidapŭd ngga Jesus.”

PINGANDAI 12:20

Herod mbŭh raru baji di daya Tyre ka Sidon, jadi ngara di ngga ndi tibaran tudu ayŭh. Sibungas-i ngara mujuk Blastus, adi tukang kingat kayuh di istana, mite turung so ayŭh. Komŭnŭ ngara di ka Herod ka mite bidamai ngga ayŭh, sabab rais ngara bisangan di pinguman adi mandŭg so rais-i.

PINGANDAI 27:3

Andu anŭ ndi kieh ndŭg Sidon. Julius kana ngga Paul; ayŭh tandah Paul bidapŭd ngga bara dingan-i, siŭn-i dog nggen kayuh adi-i biguna.

JUDE 1:11

Payah inŭh ngara! Ngara mbŭh tunda gaya Cain. Sitagar duit ngara mbŭh ndai sarah, mun sarah adi Balaam ko ndai. Ngara binasa amai rawan pritah, mun Korah.

PINANDŬNG 11:3

Aku re pait duwŭh naan saksi ku adi nēn piraka guni; ngara re piagah agah so Tapa sitŭkŭd 1,260 andu anŭ.”

PINANDŬNG 6:12

Ka aku kiris Anak Biri kuka patis adi numbor nŭm. Tana agi rasu bana bigugoh, batŭh andu jadi singŭt mun banang singŭt, buran marui bireh mun deya.