MATTHEW 11:11 - Hakcipta - Biatah Bidayuh

¹¹ Puan meh! Gi-mating daya darŭm ong ati re rabis bās so John Pembaptisa. Pak sianŭ adi siabo sŭ di dupan ngara adi kinyam Pinyipritah Tapa agi bās dŭ so John.

MATTHEW 11:11 ပူးပေါင်းရင်းမြစ်များ

JOB 14:1

Ata dog biranak ramah ka dŭh bigaya. Sopŭrŭg kinyam pimudip purok ka adi susah.

JOB 14:4

Mating kayuh bisig bisa mandŭg so tadŭ kayuh kais mun manusia.

JOB 15:14

Dapŭd kah manusia jadi sawŭ bisig? Dapŭd kah manusia bamai ngga Tapa?

JOB 25:4

Agi kah daya tŭnggŭn puan kah bisig di batŭh Tapa?

MAZMUR 51:5

Aku ati arap so andu aku dog biranak; so aku di darŭm tain, aku mbŭh bidosa.

ISAIAH 30:26

Buran re jawa mun batŭh andu, ka batŭh andu re pikuju kari jawa so adi mbŭh, mun jawa ju andu dog nyekar ndi sidah. Sopŭrŭg kayuh anŭ re jadi kan TUHAN marut ka pibua tawan adi-I mbŭh ndai di daya-I.

ZECHARIAH 12:8

Di tika anŭ TUHAN re grindung ngara adi rŭŭ di Jerusalem, ka ngara adi siabo ramah di dupan ngara re jadi bake mun David gŭh. Sesang sesang David re nguru ngara mun adi dog nguru malaikat TUHAN, ka mun adi dog nguru adŭp Tapa.

MATTHEW 11:10

Amai pasar John inŭh Surat-kudus nang: ‘Tapa nang, Aku re pait pinyisung Ku diŭ so Kuu da sidia aran yŭn Mu.’

MATTHEW 11:12

So andu John nyuse ajar-i ndŭg andu ati Pinyipritah Tapa mbŭh dog nyerang, ka daya ganas suba an nguasa-i ngga gaya adi kasar.

MATTHEW 3:1

Di tika anŭ John Pembaptisa di ka tarun tana-pajam Judea ka piguru ngajar.

MATTHEW 3:11

Aku baptisa angān ngga piin ngga kiren angān mbŭh dŭh tia bidosa, pak sianŭ adi mandŭg sundis so aku re baptisa angān ngga Roh Kudus ka apui. Ayŭh agi bās dŭ so aku; ka aku dŭh sadang kana re sirabi ka tukang taban kasut-I.

MATTHEW 5:19

Jadi meh, asi asi adi nyibireu sirabi ka Pinyipesan adi siabo kurang biguna ka ngajar daya bŭkŭn da ndai simŭnŭ, re jadi siabo kurang biguna di dupan ngara adi kinyam Pinyipritah Tapa. Pak ngara adi sita Ukum-adat ka ngajar daya bŭkŭn da ndai simŭnŭ, re jadi bās di dupan ngara adi kinyam Pinyipritah Tapa.

LUKE 1:15

Ayŭh re jadi daya adi bās di batŭh Tuhan. Ayŭh dŭh siŭn nok wain bait tadŭ kayuh nok adi bisā. So tika-i dog biranak ayŭh re brisi ngga Roh Kudus,

LUKE 7:28

Aku kidaan di angān, di ong ati mating daya adi rabis bās so John Pembaptisa. Pak ayŭh adi siabo sŭ di dupan ngara adi kinyam Pinyipritah Tapa agi bās dŭ so John.”

LUKE 9:48

ka nang di ngara, “Asi asi adi kambat anak ati ngga adŭn Ku, kambat Aku; ka asi asi adi kambat Aku, kambat Ayŭh adi bada Aku mandŭg. Amai sianŭ adi siabo sŭ dupan sopŭrŭg ngan inŭh adi siabo bās.”

JOHN 1:15

John mbŭh minyu pasar Ayŭh. Ayŭh nang, “Ayŭh inŭh sianŭ adi nang ku kan aku nang, ‘Ayŭh mandŭg sundis so aku, pak Ayŭh agi bās dŭ so aku, sabab Ayŭh taŭn mbŭh agi diŭ so aku dog biranak.’ ”

JOHN 1:27

Sunggu Ayŭh mandŭg sundis so aku, aku dŭh sukup kana re kuka bŭŭng kasut-I.”

JOHN 10:41

Bagŭ daya mandŭg tudu Ayŭh. “John bŭn ndai pingandai-nginga,” ngara nang, “pak sopŭrŭg kayuh adi-i nang pasar daya ati agi sawŭ.”

JOHN 3:30

Ayŭh dŭh siŭn dŭh jadi rabis biguna darŭm aku jadi kurang biguna.”

JOHN 5:35

John mbŭh keya ka prita, sakŭt buang nyekar, ka angān ko ndi sidah sua angan jawa-i.

JOHN 7:39

Jesus nang sakanŭ pasar Roh Kudus, adi ngara adi sabah di Ayŭh re kambat. Di Tipuh anŭ, Roh Kudus gibayuh dog nggen, sabab Jesus gibayuh dog paad ka darŭm bragah.

1 CORINTH 15:9

Amai aku ati adi mbŭh siabo kurang biguna di dupan bara pinyuruh; dŭh gŭh aku patut dog kadŭn pinyuruh, sabab aku ko kisiis eklisia Tapa.

1 CORINTH 6:4

Kambŭi kayuh adi mun anŭ timbur, angān re taban-i da dog ngatur daya adi dŭh dog stabi daya eklisia kah?

EPHESUS 2:3

Sibandar-i sopŭrŭg ata mbŭh mun ngara, udip nunda ka tibiat ta manusia, ndai barang masam kayuh nanyam ka pinyiraan pŭrŭng ngga pikir-kira ta. Nunda tibiat ong ta ati, mun barang naan daya bŭkŭn gŭh, ata mbŭh taŭn re kinyam baji Tapa.

EPHESUS 3:8

Aku agi siabo sŭ so sianŭ adi sŭ dupan bara daya adi Tapa mbŭh mien; pak Tapa mbŭh raru kana an bada aku taban ka daya adi dŭh bangsa Jahudi Agah Kana pasar berkat Kristus adi raru tŭrŭp-i,

2 TIMOTHY 1:10

pak madin pinyirasi mandis-I mbŭh dog pinandŭng di ata so ka pimandŭg Pinyikudip ta, Kristus Jesus. Ayŭh mbŭh kinating kuasa pinyikabŭs ka mbŭh pinandŭng so Agah Kana anŭ pimudip adi tan adu adu.

HEBREW 11:40

sabab Tapa mbŭh natu kayuh adi kana dŭ yŭn ta. Tujuan-I inŭh, ngara bisa jadi sukup kana adŭ-i darŭm biayo ngga ata.

1 PETER 1:10

Pasar pinyiramat ati inŭh bara nabi ko nakit jiroh ka bisiken, ka minyu-binabi pasar pinganggen adi Tapa re nggen di angān.

1 SAMUEL 2:30

Aku, adi TUHAN Tapa Israel, muko bijanji jah nang rawang mu ngga manak mu re adu adu jadi imam yŭn Ku. Pak madin Aku nang Aku dŭh tia raan-i simŭnŭ! Aku re stabi di sinadan daya adi stabi di Aku, ka ngara adi ngamun Aku re dog ngamun.