MATTHEW 10:25 - Hakcipta - Biatah Bidayuh

²⁵ Jadi anak-murid patut munos asŭng-i amai mbŭh brimun ngga gurū-i, ka simŭnŭ gŭh urun amai mbŭh brimun ngga tuan-i. Kambŭi ubak rawang dog kadŭn Beelzebul, bara di rawang anŭ re dog kadŭn ngga dŭn adi rabis arap!

MATTHEW 10:25 ပူးပေါင်းရင်းမြစ်များ

2 RAJA 1:2

Raja Ahaziah di Israel rabu so awah di sambu istana-i di Samaria ka mbŭh bana biragan. Ayŭh pait kada pinyisung bada di bisiken ngga Baalzebub, tapa di kupo Philistine di Ekron, an puan re bua kah dŭh ayŭh.

MATTHEW 12:24

Kan bara daya Pharisee dingah ati, ngara nam, “Ayŭh pibu umot sabab raja umot, Beelzebul mbŭh nggen di Ayŭh kuasa ngga ndai simŭnŭ.”

MATTHEW 12:27

Angān nang Aku pibu umot sabab Beelzebul mbŭh nggen di Aku kuasa ngga ndai simŭnŭ. Asi meh garang, nggen di bara pinunda ngan kuasa ngga pibu umot? Anŭ adi bara pinunda ngan ndai mbŭh kiren angān sarah!

MATTHEW 9:34

Pak bara daya Pharisee nang, “Pingubak umot inŭh adi nggen di Ayŭh kuasa ngga pibu umot.”

MARK 10:39

“Kieh bisa,” ngara nam. Jesus nang di ngara, “Angān manŭn re nok so makuk adi Aku dŭh siŭn dŭh nok ka dog baptisa mun gaya Ku re dog baptisa.

MARK 3:22

Agi kada gurū Ukum-adat Jahudi adi mandŭg so Jerusalem nang, “Ayŭh dog mŭrŭt Beelzebul! Pingubak umot inŭh adi nggen di Ayŭh kuasa ngga pibu umot.”

LUKE 11:15

pak kada daya nang, “Beelzebul, adi pingubak umot, inŭh adi nggen di Ayŭh kuasa ngga pibu umot.”

LUKE 11:18

Jadi kambŭi pritah Shetan biyŭn bara tibaran adi birawan dupan adŭp-i, simuki meh ayŭh re tan tui? Angān nang Aku pibu umot sabab Beelzebul nggen di Aku kuasa ngga ndai simŭnŭ.

LUKE 11:19

Kambŭi Aku sawŭ pibu umot ngga kuasa Beelzebul, simuki meh garang bara pinunda ngan pibu umot? Bara pinunda adŭp ngan mbŭh kiren angān sarah!

JOHN 10:20

Bagŭ ngara nang, “Ayŭh dog mŭrŭt umot! Ayŭh gira! Mani angān sah dingah Ayŭh?”

JOHN 7:20

“Kaam pirumot!” bara daya nam. “Asi an siŭ Kaam?”

JOHN 8:48

Ngara siken Jesus, “Dŭh kah kieh batur kan kieh nang Kuu daya Samaria ka mbŭh dog mŭrŭt umot?”

JOHN 8:52

Ngara nang di Ayŭh, “Madin kieh puan Kuu sawŭ pirumot! Abraham mbŭh kabŭs, simŭnŭ gŭh bara nabi, pak Kuu nang daya adi dingah ajar Mu dŭh re kabŭs.