MATTHEW 10:22 - Hakcipta - Biatah Bidayuh

²² Barang naan daya re tiru di angān sabab angān murid Ku. Pak asi asi adi bijijŭ ndŭg sikasŭn-i re dog nyiramat.

MATTHEW 10:22 ပူးပေါင်းရင်းမြစ်များ

PITAS 29:27

Daya tŭnggŭn tiru di daya ginaka, ka daya ginaka tiru di daya tŭnggŭn.

MATTHEW 10:39

Ngara adi suba an nyiramat asŭng-i re kinanyap-i; pak ngara adi kinanyap asŭng-i amai Aku re dapŭd udip adi sawŭ adi tan adu adu.

MATTHEW 24:13

Pak asi asi adi bijijŭ ndŭg sikasŭn-i re dog nyiramat.

MATTHEW 24:9

“Komŭnŭ angān re dog nakap ka dog nyerah yŭn dog kijera ka dog nggen ukum kabŭs. Barang naan daya re tiru di angān sabab Aku.

MATTHEW 5:11

“Sanang inŭh angān kan daya pimangŭh angān, kisiis angān ka napŭ angān sabab angān pinunda Ku.

MARK 13:13

Sopŭrŭg daya re tiru di angān sabab Aku. Pak asi asi adi bijijŭ ndŭg sikasŭn-i re dog nyiramat.

LUKE 21:17

Sopŭrŭg daya re tiru di angān sabab Aku.

LUKE 21:19

Bada atin ngan tagap, ka angān re siramat.

LUKE 6:22

“Sanang inŭh angān kan daya tiru di angān, tirawan angān, pimangŭh angān, ka kinarap angān, sitagar Anak Manusia!

LUKE 8:15

Bine adi rabu di tana adi mandis, rati-i ngara adi dingah agah anŭ ka nyikŭn-i darŭm atin adi kana ka nundok; ngara bijijŭ ndŭg ka ngara buān buwa.”

JOHN 17:14

Aku mbŭh nggen pinganang Mai di ngara, ka ong tiru di ngara, sabab ngara dŭh tung ong, nimun Aku dŭh tung ong.

JOHN 7:7

Ong dŭh bisa tiru di angān, pak-i tiru di Aku, sabab Aku siraru nyarah pingandai arap-i.

PINGANDAI 9:16

Ka Aku re kiren di ayŭh munki masam ayŭh re jera sabab adŭn Ku.”

ROME 2:7

Agi kada daya piguruh adŭp-i ndai kana, ka jiroh bragah, stabi, ka pimudip adi dŭh puan pinyikabŭs; di ngara Tapa re nggen udip adi sawŭ adi tan adu adu.

2 CORINTH 4:11

Sitŭkŭd kieh udip kieh siraru dŭm tadŭ re kabŭs amai Jesus, siŭn pimudip-I bisa dog kiris di pŭrŭng ami.

GALATIA 6:9

Ka dŭhnyah meh ata kawŭk ndai pingandai kana; amai kambŭi ata dŭh jimŭ, andu-i re mandŭg kan ata re kambat upah-i.

HEBREW 3:14

Amai sopŭrŭg ata samah nyiraja ngga Kristus kambŭi ata bidigŭng tagap di atin-sabah ta anŭ adi ata mbŭh biyŭn so sibungas ndŭg sikasŭn-i.

HEBREW 6:11

Pinyiraan bās ami inŭh angān adu adu graŭh ndŭg sikasŭn-i, isa kayuh adi angān harap re sawŭ jadi.

JAMES 1:12

Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

1 JOHN 3:13

Jadi dŭhnyah meh gŭgŭh, bara dingan ku, kambŭi daya di ong tiru di angān.

PINANDŬNG 2:10

Dŭhnyah taru kayuh adi re bada kuu sangsara. Ingat! Siarap re taran kada so bara mu ka darŭm jer ngga suba kuu, ka kuu re susah sitian simŭng andu. Tŭtŭd meh darŭm Aku, sunggu kuu dog siŭ bait kani, ka Aku re nggen di kuu udip adi sawŭ adi tan adu adu ndu upah pimanang mu.

PINANDŬNG 2:17

“Ayŭh adi biyŭn kajit, dingah meh garang kayuh adi Roh Kudus nang di barang eklisia! “Di ngara adi mbŭh manang Aku re nggen kada manna adi bisukan. Aku re nggen gŭh di barang naan ngara batuh buda di yŭn agi dog nuris dŭn bauh adi mating daya puan adŭ-i sianŭ adi kambat-i.

PINANDŬNG 2:26

Nuju ngara adi mbŭh manang, adi bijijŭ ndŭg sikasŭn-i ndai kayuh adi Aku raan, Aku re nggen kuasa anŭ adi Aku mbŭh kambat so Sama Ku: Aku re nggen di ngara kuasa di tunduh barang bangsa, da mritah-i ngga sikud basi ka da mape pirandŭk-i mun tipayan tana. Aku gŭh re nggen di ngara bitang isan isan.

PINANDŬNG 2:3

Kuu tŭtŭd, kuu mbŭh sangsara sabab Aku, pak kuu dŭh jimŭ.

PINANDŬNG 2:7

“Ayŭh adi biyŭn kajit, dingah meh garang kayuh adi Roh Kudus nang di barang eklisia! “Di ngara adi mbŭh manang Aku re nggen hak da man buwa so tŭngŭn kayuh adi nggen udip, adi timbu di teya Tapa.

PINANDŬNG 3:21

Di ngara adi mbŭh manang Aku re nggen hak da guru ngapid Aku di takta Ku, nimun Aku mbŭh manang ka madin mbŭh guru ngapid Sama Ku di takta-I.