MARK 9:12 - Hakcipta - Biatah Bidayuh

¹² Jesus nam, “Elijah taŭn-i sawŭ diŭ mandŭg siŭn-i sidia sopŭrŭg kayuh yŭn-I. Pak, mani meh Surat-kudus nang Anak Manusia re kinyam bagŭ pinyusah ka dog tirawan?

MARK 9:12 ပူးပေါင်းရင်းမြစ်များ

MAZMUR 74:22

Makat meh, Tapa, ka nyibandar adŭp Mai! Ingat daya adi dŭh stabi di Kaam tawŭh Kaam ndi andu andu.

ISAIAH 49:7

Pinyikudip ngga Tapa kudus Israel nang di sianŭ adi bandar dog ngamun, adi tiru bangsa bangsa dieh ka adi urun bara pimritah: “Raja raja re kiris kuu dog pirupas ka re makat yŭn kiren stabi ngara; bara pinguasa gŭh re kiris-i, ka ngara mutu ubak ngara stabi di kuu.” Kayuh re jadi sabab TUHAN mbŭh mien urun-I; Tapa Israel, Tapa adi kudus sita janji-I.

ISAIAH 50:6

Aku nggen punok ku di ngara adi mukong aku. Aku nggen paŭp ku kan ngara ngamun aku, kan ngara nyirugut gagap ku ka nyiruja jawin ku.

ISAIAH 52:14

Bagŭ daya re gŭgŭh kan ngara kiris ayŭh, amai gayŭn-i mbŭh ruai rusak ndŭg ka dŭh mun manusia.

ZECHARIAH 11:13

TUHAN nang di aku, “Na-i di darŭm pinyirikŭn-rata Ramin TUHAN.” Jadi aku tambit 30 kiping duit pirak anŭ, adi mua kiang-i ngga ngara ngaji aku, ka na-i di darŭm pinyirikŭn-rata Ramin TUHAN.

ZECHARIAH 13:7

TUHAN Bisa-pŭrŭg nang, “Burah meh, pedang, ka nyerang pingingat-biri adi nyiraja yŭn Ku! Siŭ ayŭh, ka kaban biri-i re mingare. Aku re nyerang daya Ku

MALACHI 4:6

Ayŭh re bada sama ngga anak jadi ndi atin dinge; isa Aku dŭh mandŭg di pirabur rais ngan.”

MATTHEW 16:21

So andu anŭ meh Jesus piguru kidaan ngga tarang di bara murid-I, “Aku dŭh siŭn dŭh di ka Jerusalem ka kinyam pinyusah bās so bara nyamba bangsa Jahudi, pingubak imam, ka bara gurū Ukum-adat Jahudi. Aku re dog ukum kabŭs, pak taruh andu ripas anŭ Aku re dog pakat udip bauh.”

MATTHEW 26:24

Anak Manusia re kabŭs nimun adi dog nang darŭm Surat-kudus, pak mbŭh raru payah inŭh daya anŭ adi re jua Anak Manusia! Mbŭh kana dŭ inŭh kambŭi ayŭh pati ka bŭn dog biranak!”

MARK 10:33

“Dingah,” Ayŭh nang di ngara, “ata aŭn panu ka Jerusalem di yŭn Anak Manusia re dog nyerah ka darŭm tangan bara pingubak imam ka gurū Ukum-adat Jahudi. Ngara re nggen ukum kabŭs di Ayŭh ka komŭnŭ nyerah Ayŭh ka tangan daya adi dŭh bangsa Jahudi,

MARK 9:13

Aku kidaan di angān, Elijah mbŭh mandŭg pak daya ndai di tunduh-i nanyam suka asŭng ngara, nimun Surat-kudus ko nang pasar ayŭh.”

MARK 9:31

sabab Ayŭh mbŭh ngajar bara murid-I, nang “Anak Manusia re dog nyerah ka darŭm tangan daya adi re siŭ Ayŭh, pak taruh andu ripas anŭ, Ayŭh re makat udip bauh.”

LUKE 1:76

“Kuu nak, re dog kadŭn nabi Tapa adi Sambu Sopŭrŭg. Kuu re panu diŭ so Tuhan di sidia aran yŭn-I,

LUKE 23:11

Herod ngga bara soldadu-i napat buang ginaka di tunduh Ayŭh; komŭnŭ ngara bada Ayŭh nēn jipo-ambu adi grua ka pait Ayŭh pari ka Pilate.

LUKE 23:39

Ndi naan so daya arap anŭ adi dog masak, bakit Ayŭh: “Dŭh kah Kuu Kristus? Nyiramat adŭp Mu samŭn kieh!”

PINGANDAI 1:6

Kan bara pinyuruh mbŭh tikuruk ngga Jesus, ngara siken Ayŭh, “Tuhan, madin kah Kaam re pari Pinyipritah bangsa Israel?”

PINGANDAI 4:11

Pasar Jesus inŭh Surat-kudus nang, ‘Batuh adi angān tukang ramin taran mbŭh jadi anŭ adi siabo biguna.’