MARK 8:34 - Hakcipta - Biatah Bidayuh

³⁴ Komŭnŭ Jesus bagan bara daya samŭn bara murid-I ka adŭp-I. “Kambŭi agi so angān raan tunda Aku,” Ayŭh nang di ngara, “ayŭh dŭh siŭn dŭh an ngarah adŭp-i, gŭrŭng rigang-i, ka tunda Aku.

MARK 8:34 ပူးပေါင်းရင်းမြစ်များ

1 RAJA 14:8

Aku tambit pritah so sesang David ka nggen-i di kuu. Pak kuu dŭh mun urun Ku David, adi mbŭh sukup tŭtŭd di aku, tunda pesan Ku, ka ndai kaŭs kayuh adi nanyam ka pinyiraan Ku.

PINYIKIANG 14:24

Pak amai urun Ku Caleb biyŭn pikir-kira bŭkŭn buang mbŭh tŭtŭd di Aku, Aku re taban ayŭh ka tana anŭ adi-i ko pirasa, ka bara sesang-i re dapu tarun tana anŭ

MATTHEW 10:38

Ngara adi dŭh gŭrŭng rigang-i ka tunda Aku dŭh inŭh tibirang jadi murid Ku.

MATTHEW 16:24

Komŭnŭ Jesus nang di bara murid-I, “Kambŭi agi so angān an jadi pinunda Ku, ayŭh dŭh siŭn dŭh an ngarah adŭp-i, gŭrŭng rigang-i, ka tunda Aku.

MATTHEW 27:32

Darŭm ngara aŭn panu ruah, ngara bidapŭd ngga ndi naan daya so Cyrene dŭn Simon, ka bara soldadu takan ayŭh da gŭrŭng rigang Jesus.

MARK 10:21

Jesus tirek ayŭh ngga atin rindu ka nang, “Dŭm ndi kayuh adi kuu patut ndai. Di jua sopŭrŭg kayuh adi kuu biyŭn ka nggen duit anŭ di daya sirata, ka kuu re biyŭn rata di shorga; komŭnŭ ja tunda Aku.”

MARK 7:14

Ka Jesus bagan bara daya ka adŭp-I dinge ka nang di ngara, “Dingah pinganang Ku ati, sopŭrŭg ngan, ka mirati meh.

LUKE 13:24

“Ngga situngang tungang ngan suba mŭrŭt so tiban adi siit; sabab bagŭ daya taŭn re suba mŭrŭt so dieh pak dŭh tungang.

LUKE 14:33

Simŭnŭ gŭh,” ngga Jesus kubo pinganang-I, “angān dŭh bisa jadi murid Ku kambŭi dŭh tingge sopŭrŭg kayuh adi angān biyŭn.

LUKE 18:22

Kan Jesus dingah sakanŭ, Ayŭh nang di ayŭh, “Dŭm ndi kayuh adi patut kuu ndai. Jua sopŭrŭg kayuh adi kuu biyŭn ka nggen duit anŭ di daya sirata, ka kuu re dapŭd buat-rata di shorga; ko ndai simŭnŭ, kuu bisa tunda Aku.”

LUKE 20:45

Darŭm sopŭrŭg daya dingah Ayŭh minyu, Jesus nang di bara murid-I,

LUKE 9:23

Ka-I nang di sopŭrŭg ngara, “Kambŭi angān raan tunda Aku, angān dŭh siŭn dŭh an ngarah adŭp ngan, gŭrŭng rigang ngan barang andu, ka tunda Aku.

JOHN 10:27

Biri Ku dingah sirŭŭn Ku; Aku puan ngara, ka ngara tunda Aku.

JOHN 19:17

Jesus ruah so kupo, gŭrŭng rigang-I, ka mandŭg ka tarun adi dog kadŭn “Tarun yŭn Tikurok.” (Darŭm piminyu Hebrew, tarun anŭ dog kadŭn “Golgotha.”)

PINGANDAI 14:22

Ngara nagap bara pinunda diginŭ buang ngatat ngara da bijijŭ darŭm pinyabah. Ngara ngajar, “Ata dŭh siŭn dŭh an kinyam bagŭ pinyusah sibayuh ata kinyam Pinyipritah Tapa.”

ROME 6:6

Ka ata puan nang pimudip amba ta mbŭh dog siŭ ngga Kristus di atuh rigang, siŭn kuasa pŭrŭng adi bidosa bisa dog pirabur, isa ata dŭh tia jadi urun dosa.

ROME 8:17

Amai ata bara anak-I, ata re dapu berkat adi-I sidia yŭn daya-I, ka ata re dapu gŭh ngga Kristus kayuh adi Tapa mbŭh sidia yŭn-I; amai kambŭi ata sua dapu jera-birasa Kristus, ata gŭh re sua dapu bragah-I.

1 CORINTH 15:31

Bara dingan ku, barang andu aku siraru dŭm tadŭ re kabŭs! Sabab aku mingangŭn di angān, darŭm pimudip ta adi ndi ngga Kristus Jesus Tuhan ta, aku nang sakanŭ.

1 CORINTH 8:13

Jadi meh, kambŭi pinguman bada dingan ku bidosa, aku dŭh re tia man dagin, ramŭn ku dŭh an bada dingan ku bidosa.

1 CORINTH 9:19

Aku ati daya bebas, dŭh urun daya; pak aku bada adŭp ku jadi urun daya ramŭn ku an nyiruton bagŭ daya da jadi pinunda Kristus.

GALATIA 2:20

isa-i dŭh tia aku adi udip, pak adŭp Kristus udip darŭm aku. Pimudip ku madin inŭh so ka pinyabah ku di Anak Tapa, adi rindu aku ka adi mbŭh kabŭs yŭn ku.

GALATIA 5:24

Ka sinadan daya adi mbŭh tung Kristus Jesus mbŭh siŭ tibiat pŭrŭng ngara samŭn sopŭrŭg pinyiripong ngga pinyiraan-i.

GALATIA 6:14

Ka aku ati, kaŭs aku an mingangŭn pasar rigang Tuhan ta Jesus Kristus; amai ngga pinyikabŭs Kristus di atuh rigang, ong ati mbŭh dŭh biyŭn rati di aku, ka aku gŭh mbŭh keya ka kabŭs di kayuh ong.

PHILIPPI 3:10

Ndi adŭ kayuh adi raan ku, anŭ inŭh puan Kristus ka kinyam kuasa pinyimakat-I so kabŭs, ka sua kinyam jera birasa-I ka jadi mun Ayŭh darŭm pinyikabŭs-I,

PHILIPPI 3:7

Pak sopŭrŭg kayuh anŭ adi aku ko nyirundeng biguna, madin aku nang dŭh biguna amai Kristus.

COLOSSAE 1:24

Madin aku gaŭn sabab jera-birasa ku yŭn ngan, sabab ngga jera-birasa pŭrŭng ku aku turung nyukup jera-birasa Kristus ngga ngarun pŭrŭng-I, eklisia.

COLOSSAE 3:5

Angān patut siŭ pinyiraan ong adi nguasa angān, mun pingandai kais, pimudip adi dŭh tatu, pinyiripong ngga pinyiraan adi sarah, ka tama (amai tama inŭh nyambah tibudo).

2 THESSALONICA 3:11

Kieh nang sakanŭ sabab kieh mbŭh dingah agi kada daya di dupan ngan adi tibanga, dŭh an ndai kayuh adŭ-i an mito kraja pingandai daya bŭkŭn.

TITUS 2:12

Pinyirasi mandis-I anŭ ngajar ata da pasan pimudip adi dŭh nanyam ka pinyiraan Tapa, ka da ata dŭh nurut pinyiripong ong. Di ong ati ata patut pandai jaga adŭp ta so pinyiripong adi sarah, an jujur, ka udip nanyam ka pinyiraan Tapa,

HEBREW 13:13

Ja ata di ka yŭn-I di sapa tarun yŭn daya bibari ka sua dapu mangŭh-I.

1 PETER 4:1

Amai Kristus ko jera-birasa darŭm pŭrŭng, angān gŭh dŭh siŭn dŭh an nyibake adŭp ngan ngga pinŭtŭn adi mun jangi; sabab daya adi sangsara darŭm pŭrŭng abah-i tia bidosa.

1 PETER 4:13

Pak gaŭn meh angān amai angān mbŭh sua kinyam jera-birasa Kristus, isa angān bisa jadi rabis gaŭn kan bragah-I dog pinandŭng.

2 PETER 1:14

Aku puan aku re rikas tingge pŭrŭng ong ku ati, sak adi ko Tuhan ta Jesus Kristus nakit kidaan di aku.

1 JOHN 3:16

Simuti ata puan ani sibandar-i pinyirindu: Kristus ko nggen asŭng-I yŭn ta. Ata gŭh, patut nggen asŭng ta yŭn dingan ta!

PINANDŬNG 2:10

Dŭhnyah taru kayuh adi re bada kuu sangsara. Ingat! Siarap re taran kada so bara mu ka darŭm jer ngga suba kuu, ka kuu re susah sitian simŭng andu. Tŭtŭd meh darŭm Aku, sunggu kuu dog siŭ bait kani, ka Aku re nggen di kuu udip adi sawŭ adi tan adu adu ndu upah pimanang mu.