MARK 6:21 - Hakcipta - Biatah Bidayuh

²¹ Sikasŭn-i Herodias dapŭd pluang-i. Anŭ inŭh di andu pinyibranak Herod, kan ayŭh kuka gawai yŭn sopŭrŭg daya adi bās darŭm pritah-i, pingibās pingibās soldadu, ka sopŭrŭg daya adi bās di Galilee.

MARK 6:21 ပူးပေါင်းရင်းမြစ်များ

TIBIRIK 27:41

Esau tiru di Jacob amai sama-i muko nggen berkat-i di ayŭh. Ayŭh nang darŭm asŭng-i, “Tipuh adi ngga muās pinyikabŭs sama ku mbŭh sindŭk; nganŭ aku re siŭ Jacob.”

TIBIRIK 40:20

Di andu pinyibranak-i taruh andu ripas anŭ raja ndai gawai ka bagan sopŭrŭg pinurung-i; ayŭh piruah so ramin jer pingidang wain-i ngga pingubak tukang ndai ruti-i ka taban ngara ka sirung jawin bara pinurung-i.

ESTHER 2:18

Komŭnŭ raja ndai gawai bās yŭn Esther ka bagan sopŭrŭg pinurung ngga bara pingubak. Ayŭh bada daya primisi di ndi tarun tana empaya ka nggen raru bagŭ pinganggen.

ESTHER 3:7

Di sawa adi simŭng duwŭh darŭm pinyipritah Raja Xerxes, darŭm sibungas buran, buran Nisan, Haman nggen ukum bada dadu dog taran (“purim”, ngara kadŭn-i) ngga natu andu ngga buran adi kana ngga pimanu pekat-i. Andu adi simŭng taruh darŭm buran simŭng duwŭh, buran Adar, inŭh andu adi-i mien.

HOSEA 7:5

Di andu raja bigawai, ngara bada raja ngga bara pinurung-i mabuk ka budo bada wain.

LUKE 3:1

Di Sawa adi simŭng-rimŭh pinyipritah Caesar Tiberius, Pontius Pilate jadi gabenor di Judea, Herod jadi raja di Galilee, ka jurud-i Philip jadi raja di tarun tana Iturea ngga Trachonitis; Lysanias jadi raja di Abilene,

PINGANDAI 25:23

Andu anŭ ndi Agrippa mandŭg, ngga Bernice, dog ngadā ngga sangŭn bās, ka mŭrŭt tarun yŭn bisara ngga bara pingibās soldadu samŭn daya adi bās darŭm kupo anŭ. Festus nggen pinganang-i, ka Paul dog taban ngga mŭrŭt.

1 PETER 4:3

Dawŭ-i angān mbŭh sadang tui-i ndai kayuh adi daya adi dŭh puan Tapa suka ndai. Pimudip ngan taŭn-i mbŭh puno ngga kayuh adi dŭh tatu, mun pinyiripong pŭrŭng, pimabuk, bigawai ndŭg ka ndai rubi kais, nok kayuh adi bisā ndŭg ka rabis so patut; ka adi raru sipŭ-i, angān nyambah tibudo.

PINANDŬNG 11:10

Bara daya di ong re gaŭn sabab pinyikabŭs ngara duwŭh ati. Ngara re bigawai ka pait buwa-tangan ka dingan ngara, sabab kayuh adi mbŭh jadi di tunduh duwŭh naan nabi anŭ adi ko mito rayat manusia.