MARK 6:11 - Hakcipta - Biatah Bidayuh

¹¹ Kambŭi angān mandŭg ka kupo di yŭn daya dŭh trima angān puan kah abah dingah pinganang ngan, bu so nŭ ka gutog dabu so kaja ngan. Anŭ jadi pinyibakan di ngara!”

MARK 6:11 ပူးပေါင်းရင်းမြစ်များ

NEHEMIAH 5:13

Komŭnŭ aku tambit bŭŭng kupong so kupong ku ka nang buang aku ngambar-i, “Simuti inŭh Tapa ngga tadŭ tadŭ so angān adi dŭh ingat janji-i. Tapa re sirapas ramin ngan ka sopŭrŭg kayuh adi angān biyŭn, ka re bada angān dŭh biyŭn ani ani.” Barang naan daya adi agi diginŭ nang, “Amen!” ka muji TUHAN. Ka bara pinguru gŭh ndai nimun adi mbŭh ngara janji.

MATTHEW 12:36

“Ingat nŭh, di Andu Bisara barang naan daya re dapu tanggong di sopŭrŭg pinganang adi dŭh biguna adi-i ko piruah.

MARK 6:10

Ayŭh nang gŭh di ngara, “Di tadŭ yŭn ngan dog trima, rŭŭ di ramin anŭ ndŭg ka angān bu so kupo anŭ.

LUKE 9:5

Di tadŭ yŭn ngan dŭh dog kambat daya, bu so kupo anŭ ka gutog dabu so kaja ngan ndu pinyibakan di ngara.”

PINGANDAI 18:6

Kan ngara natang ayŭh buang nang kayuh arap pasar ayŭh, ayŭh ngambar kadi dabu so piraka-i ngga matah ka nang di ngara, “Kambŭi angān manyap, adŭp ngan tanggong adŭp ngan! Aku dŭh re tanggong. So madin aku re di ka daya adi dŭh bangsa Jahudi.”

ROME 2:16

Jadi meh, nanyam ka Agah Kana adi aku nyuse, simŭnŭ inŭh-i re di Andu Tapa darŭm Jesus Kristus ngayag pikir-kira manusia adi bisukan.

ROME 2:5

Pak atin ngan karas buang baking, ngapŭi angān mbŭh ndai ukum ngan rabis bat-i di Andu baji Tapa ngga ukum-i adi tŭnggŭn dog pinandŭng.

2 PETER 2:6

Tapa mbŭh nunggu kupo Sodom ngga kupo Gomorrah, pirabur-i ngga apui, ka bada-i jadi suto kayuh adi re jadi di sinadan daya adi dŭh stabi di Tapa.

2 PETER 2:9

Ngapŭi Tuhan puan munki Ayŭh re nyiramat daya adi nurut pinyiraan Tapa so pisuba ngara ka munki re nguruk bara adi ginaka di ribo ukum yŭn Andu Bisara,

2 PETER 3:7

Pak rangit ngga ong adi agi madin babŭ dog digŭng pinganang Tapa anŭ gŭh, siŭn-i dog pirabur ngga apui. Rangit ngga ong babŭ yŭn andu adi ngga daya adi dŭh stabi di Tapa dog ukum ka dog pirabur.

1 JOHN 4:17

Pinyirindu dog bada sukup batur darŭm ata, siŭn ata birani di Andu Bisara te. Ata re birani, sabab pimudip ta di ong agi brimun ngga tung Kristus.

JUDE 1:7

Ingat ngan Sodom ngga Gomorrah, ka kupo kupo adi maning-i; pingandai daya-i brimun ngga pingandai bara malaikat anŭ, adi mbŭh sungak darŭm pingandai kais. Ngara mbŭh kinyam ukum darŭm apui neraka, adi jadi pinyibakan yŭn sopŭrŭg daya.