MARK 5:7 - Hakcipta - Biatah Bidayuh

⁷ buang nyirais ngga sirŭŭn bana nang, “Jesus, Anak Tapa adi Sambu Sopŭrŭg! Ani re Mai ndai di aku? Ngga adŭn Tapa, aku mite Kaam, dŭhnyah ngukum aku!” (

MARK 5:7 ပူးပေါင်းရင်းမြစ်များ

TIBIRIK 3:15

Aku re bada kuu ngga dayung anŭ tiru di dingan ngan; bara sesang-i ngga tung jamu re jadi pinganyu. Anak sukuh-i re mŭmŭs ubak mu ka kuu re kuut tiga ngara.”

1 RAJA 22:16

Pak Ahab nam, “Kan kuu minyu ngga aku ngga adŭn TUHAN, kidaan nŭh kayuh adi sawŭ! Pikudu kari aku kidaan di kuu?”

HOSEA 14:8

Daya Israel re dŭh tia nyambah tibudo; Aku re nam dua ngara ka kingat ngara; mun tŭngŭn kayuh barŭm Aku re nyayung ngara; Aku inŭh adi so sopŭrŭg berkat mandŭg ka ngara.”

MATTHEW 16:16

Simon Peter nam, “Kaam inŭh Kristus, Anak Tapa adi udip.”

MATTHEW 26:63

Pak Jesus pirŭŭ adŭp-I. Imam Bās minyu di Ayŭh dinge, “Ngga adŭn Tapa adi udip aku bada Kuu bipayu: kidaan di kieh kambŭi Kuu ati Kristus, Anak Tapa.”

MATTHEW 4:3

Komŭnŭ Siarap mandŭg tudu Ayŭh ka nang, “Kambŭi Kaam Anak Tapa, mritah batuh batuh ati da jadi ruti.”

MATTHEW 8:29

Ngara rasu nyirais, “Ani re Mai ndai di tunduh kieh, Kaam adi Anak Tapa? Kaam mandŭg an ngukum kieh diŭ so tipuh-i kah?”

MARK 1:24

“Re Mai simuki ngga kieh, Jesus so Nazareth? Kaam agi digiti an pirabur kieh kah? Aku puan asi Kaam; Kaam inŭh pinyisung Tapa adi kudus!”

MARK 14:61

Pak Jesus pirŭŭ adŭp-I, dŭh an nang ani ani. Imam Bās siken Ayŭh dinge, “Kuu Kristus kah, Anak Tapa adi biberkat?”

MARK 3:11

Ka tiap kari daya adi dog mŭrŭt roh arap kiris Ayŭh, ngara sidikang di kaja Jesus ka nyirais nang, “Kaam Anak Tapa!”

MARK 5:6

Ayŭh agi mua juan-i kan ayŭh kiris Jesus; Jadi ayŭh bikaduh tudu Jesus ka sidikang nura Ayŭh,

MARK 5:8

Ayŭh nang sakanŭ sabab Jesus nang, “Roh arap, ruah so daya ati!”)

LUKE 1:32

Ayŭh re jadi bās ka dog kadŭn Anak Tapa adi Sambu Sopŭrŭg. Tuhan Tapa re bada Ayŭh jadi raja, nimun David adi babuk-I,

LUKE 4:34

“Re Mai simuki ngga kieh, Jesus so Nazareth? Kaam mandŭg an pirabur kieh kah? Aku puan asi Kaam. Kaam inŭh pinyisung Tapa adi kudus!”

LUKE 6:35

Dŭh-i simŭnŭ! Rindu pinganyu ngan ka ndai kana di ngara; nginjam buang dŭhsah kira gati. Simŭnŭ, angān re biyŭn upah bās, buang re jadi anak Tapa adi Sambu Sopŭrŭg. Amai Ayŭh kana ngga daya adi dŭh rada budi, samŭn ngara adi ginaka.

LUKE 8:28

Kan ayŭh kiris Jesus, ayŭh nyirais buang sidikang di kaja Jesus, ka nang ngga sirŭŭn bana, “Jesus, Anak Tapa adi Sambu Sopŭrŭg! Re Mai simuki ngga aku? Aku mite Kaam dŭhnyah pijera aku!”

JOHN 20:31

Pak sopŭrŭg ati dog nuris siŭn angān bisa sabah Jesus ati sawŭ Kristus, Anak Tapa, ka so ka pinyabah ngan angān bisa dapŭd udip adi sawŭ.

PINGANDAI 16:17

Ayŭh tunda Paul ngga kieh, buang nyirais nang, “Bara daya ati inŭh urun Tapa adi Sambu Sopŭrŭg! Ngara mandŭg di kidaan di angān munki angān bisa dog nyiramat!”

PINGANDAI 19:13

Kada daya Jahudi adi agi panu bijaruh ka barang yŭn agi gŭh suba pakai adŭn Jesus ngga pibu roh arap. Ngara nang di roh roh arap anŭ, “Ngga adŭn Jesus adi Paul nyuse, aku pibu angān.”

PINGANDAI 8:36

Darŭm ngara panu, ngara ndŭg ndi tarun adi yŭn agi piin ka daya anŭ nang, “Tingga, agi piin digiti! Ani re bisa bitan aku so dog baptisa?”

ROME 16:20

Ka Tapa, adi atak damai, re rikas pirandŭk Shetan di ribo kaja ngan. Pinyirasi-mandis Tuhan ta Jesus, agi ngga angān.

HEBREW 2:14

Amai sabab ngara adi Ayŭh kadŭn anak taŭn-i daya adi biyŭn isin ngga deya, adŭp Jesus mbŭh jadi mun ngara ka udip di ong mun manusia. Ayŭh ndai simŭnŭ isa so pinyikabŭs-I Ayŭh bisa ngarah Siarap, adi biyŭn kuasa di tunduh pinyikabŭs;

HEBREW 7:1

Melchizedek inŭh raja Salem ka imam Tapa adi Sambu Sopŭrŭg kayuh. Darŭm Abraham mari biperang, ripas ko ngarah pat naan raja, Melchizedek bidapŭd ngga ayŭh ka nyiberkat ayŭh,

JAMES 2:19

Sabah mu kah Tapa agi ndi adŭ? Bara umot sabah gŭh buang kimŭtŭr taru.

2 PETER 2:4

Tapa dŭh tandah tadŭ tadŭ malaikat adi bidosa, pak taran ngara ka darŭm neraka, di yŭn ngara dog muak darŭm karŭm, kajŭn Andu Bisara.

1 JOHN 3:8

Daya adi babŭ bidosa taŭn-i dog dapu Siarap, sabab Siarap taŭn mbŭh bidosa so sibungas-i. Anak Tapa ko nandŭng sitagar kayuh ati, di pirabur kayuh adi Siarap ko ndai.

JUDE 1:6

Ingat bara malaikat adi dŭh bijijŭ darŭm kuasa ngara, ndŭg ka tagan yŭn pinyirŭŭ ngara: ngara dog muak darŭm karŭm di rasan ong ngga parik basi ruro, di yŭn Tapa kurung ngara yŭn dog nunggu di Andu Bisara.

PINANDŬNG 12:12

Jadi gaŭn meh, angān shorga, samŭn sopŭrŭg adi rŭŭ dieh! Pak munki masam payah-i ong ngga rawŭt! Amai Siarap mbŭh mandŭg ka kuu ngga baji-i, sabab ayŭh puan tipuh-i mbŭh purok.”