MARK 5:23 - Hakcipta - Biatah Bidayuh

²³ buang bandar mite Ayŭh, “Anak dayung ku agi bana birandam. Ja di na tangan Mai di tunduh-i, isa ayŭh bua ka dŭh kabŭs!”

MARK 5:23 ပူးပေါင်းရင်းမြစ်များ

2 RAJA 5:11

Pak Naaman bu buang tuas, nang, “Aku pikir ayŭh re piji ka mandŭg ka yŭn ku, bidua ka TUHAN adi Tapa-i, pakat tangan-i di tunduh yŭn adi mandam, ka pibua aku!

MAZMUR 107:19

Komŭnŭ darŭm susah ngara bagan TUHAN, ka Ayŭh nyiramat ngara so pinyusah ngara.

MAZMUR 50:15

Bagan Aku kan pinyusah mandŭg ka angān; Aku re nyiramat angān, ka angān re kibās Aku.”

MATTHEW 8:3

Jesus ton tangan-I ka tama ayŭh. “Aku raan,” Ayŭh nam. “Bisig meh!” Jam anŭ gŭh daya anŭ bua so andam-i.

MARK 16:18

Kambŭi ngara tama jippŭh puan kah nok rasun, ngara dŭh re mani mani; ngara re na tangan-i di tunduh daya adi birandam, ka ngara re bua.”

MARK 5:24

Jesus rasu panu tunda ayŭh. Daya raru bagŭ tunda Ayŭh ndŭg ka mbŭh nyikidŭn Ayŭh so barang parad.

MARK 6:13

Ngara pibu bagŭ umot, ka susen inyo kanā di bagŭ daya adi birandam ka pibua ngara.

MARK 7:32

Kada daya taban ndi naan daya adi bangam buang dŭh pandai minyu ka yŭn-I; ngara mite Jesus na tangan-I di tunduh ayŭh.

MARK 8:23

Jesus tambit tangan daya karak anŭ ka taban ayŭh ruah so kupo. Ripas-I nyiruja di batŭh daya anŭ, Jesus na tangan-I di tunduh ayŭh ka siken, “Tungang kuu kiris tarun?”

LUKE 13:13

Ayŭh na tangan-I di tunduh dayung anŭ, ka nganŭ gŭh ayŭh mijog tŭnggŭn, ka rasu muji Tapa.

LUKE 4:38

Ruah so ramin simayang-Jahudi anŭ, Jesus di ka ramin Simon. Dinŭh Simon mbŭh bana sungoh, ka ngara minyu di Jesus pasar ayŭh.

LUKE 4:40

Ripas batŭh andu mbŭh simŭdŭp, sopŭrŭg adi biyŭn dingan adi birandam naman bagŭ masam andam taban dingan-i anŭ adi birandam ka yŭn Jesus; Ayŭh na tangan-I di tunduh barang naan ngara ka pibua sopŭrŭg ngara.

LUKE 7:12

Kan Ayŭh mbŭh ndŭg tiban kupo, bara daya bagŭ aŭn panu ruah re di ngubur daya kabŭs. Daya adi kabŭs anŭ inŭh anak tambŭ ndi naan dayung uban; bara daya so kupo samah panu ngga dayung uban anŭ.

JOHN 11:3

Dayung adi duwŭh madis ati pait pinganang ka Jesus: “Tuhan, dingan Mai Lazarus, birandam.”

PINGANDAI 28:8

Sama Publius guring, sungoh buang naman taki bideya. Paul mŭrŭt birit-i, bidua, na tangan-i di tunduh ayŭh, ka pibua ayŭh.

PINGANDAI 6:6

Bara murid taban ngara anŭ ka bara pinyuruh. Bara pinyuruh bidua ka na tangan di tunduh ngara.

PINGANDAI 8:17

Ka Peter ngga John na tangan ngara di tunduh ngara, ka ngara kambat Roh Kudus.

PINGANDAI 9:12

ka keya ka darŭm pŭmŭh ayŭh kiris ndi naan daya dŭn Ananias mandŭg ka na tangan-i di tunduh ayŭh isa ayŭh dapŭd kiris dinge.”

PINGANDAI 9:17

Jadi Ananias panu, ka di mŭrŭt ramin anŭ adi yŭn Saul, ka na tangan-i di tunduh ayŭh. “Dingan ku Saul,” ayŭh nang, “Tuhan mbŭh pait aku, Jesus adi ko kiren adŭp-I di kuu di aran darŭm kuu mandŭg kamati, bada aku mandŭg tudu kuu isa kuu dapŭd kiris dinge ka isa kuu brisi ngga Roh Kudus.”