MARK 5:2 - Hakcipta - Biatah Bidayuh

² Kan Jesus mbŭh ruah so arud, Ayŭh dog tudu ndi naan daya adi ruah so tarun tana kubur. Daya anŭ mbŭh dog mŭrŭt roh arap,

MARK 5:2 ပူးပေါင်းရင်းမြစ်များ

ISAIAH 65:4

Singarŭm ngara di ka tāng bait kubur an bisiken ngga roh daya adi mbŭh kabŭs. Ngara man dagin ayo ka nok ju dagin adi ko dog jugan ndu sadis adat karŭm.

MARK 1:23

Nganŭ gŭh ndi naan daya adi dog mŭrŭt roh arap mŭrŭt ramin simayang-Jahudi ka nyirais nang,

MARK 1:26

Roh arap anŭ bana ngagar daya anŭ buang nyirais, ka ruah so ayŭh.

MARK 3:30

Jesus nang sakanŭ amai agi kada daya nang, “Ayŭh dog mŭrŭt roh arap.”)

MARK 3:9

Bara daya mbŭh raru bagŭ, ka Jesus bada bara murid-I sidia arud yŭn-I, isa daya dŭh nyikidŭn Ayŭh.

MARK 4:1

Jesus piguru ngajar dinge di bŭngŭn Danu Galilee. Bara daya adi tikuruk maning Ayŭh mbŭh raru bagŭ ndŭg ka Ayŭh mindah ka guru darŭm arud. Arud anŭ di piin, ka bara daya mijog di tabing sindŭk piin.

MARK 4:36

Jadi ngara tingge bara daya; bara murid-I mŭrŭt arud di yŭn Jesus taŭn mbŭh guru, ka matak ayō Ayŭh. Arud arud adi bŭkŭn agi gŭh diginŭ.

MARK 5:21

Jesus mutas pari ka pah mandi rawŭt anŭ. Diginŭ di bŭngŭn rawŭt bara daya bagŭ tikuruk maning Ayŭh.

MARK 5:3

ka rŭŭ di arong kubur. Mating daya tungang muak ayŭh tia, ngga parik basi dŭh gŭh.

MARK 5:8

Ayŭh nang sakanŭ sabab Jesus nang, “Roh arap, ruah so daya ati!”)

MARK 7:25

Ndi naan dayung adi biyŭn ndi anak dayung-i adi dog mŭrŭt roh arap, dingah pasar Jesus ka rasu mandŭg tudu Ayŭh ka sidikang di kaja-I.

LUKE 8:27

Darŭm Jesus ruah so arud di ka deyŭh, Ayŭh bidapŭd ngga ndi naan daya so kupo, adi dog mŭrŭt bara umot. Mbŭh tui daya anŭ bŭn nēn piraka ka abah-i rŭŭ di ramin, adŭ-i di arong kubur.

LUKE 9:42

Darŭm anak anŭ tudu Jesus, umot anŭ pitumbang ayŭh ka tana ka nyisŭt ayŭh. Jesus mritah roh arap anŭ da bu, pibua anak anŭ, ka nggen ayŭh pari ka sama-i.