MARK 4:41 - Hakcipta - Biatah Bidayuh

⁴¹ Pak ngara mbŭh raru taru ka nang dupan adŭp-i, “Asi sawŭ daya ati? Ndŭg ka sabak ngga girumbang tunda pinganang-I!”

MARK 4:41 ပူးပေါင်းရင်းမြစ်များ

JOB 38:11

Aku kidaan dieh, “Ndŭg ti adŭ, ka dŭh re rabis jo so ti! Digiti girumbang mu dŭh siŭn dŭh rŭŭ.”

MAZMUR 89:7

Kaam dog stabi di udung bās bara adi kudus; ka sopŭrŭg ngara taru di Kaam.

MALACHI 2:5

“Darŭm Simanya Ku Aku bijanji nggen udip bamai ngga udip sanang di ngara, ka anŭ inŭh kayuh adi Aku nggen di ngara, isa ngara stabi ka taru di Aku. Di jaman anŭ ngara sawŭ stabi ka taru di Aku.

MATTHEW 14:32

Ngara duwŭh mŭrŭt arud, ka sabak ribut rŭŭ.

MATTHEW 8:27

Sopŭrŭg ngara mbŭh inga inga. “Manusia ani ati?” ngara nang. “Ndŭg ka sabak ribut tunda pinganang-I!”

MARK 4:40

Ka Jesus nang di bara murid-I, “Mani angān taru? Babŭ kah angān dŭh sabah di Aku?”

MARK 5:1

Jesus ngga bara murid-I mbŭh ndŭg pah mandi Danu Galilee, di tarun tana Gerasa.

MARK 5:33

Dayung anŭ rada kayuh adi mbŭh jadi di adŭp-i, rasu mandŭg buang kimŭtŭr ka taru; ayŭh sidikang di kaja-I, kidaan di Ayŭh sopŭrŭg kayuh adi mbŭh jadi di adŭp-i.

MARK 7:37

Ka sopŭrŭg daya adi dingah kayuh anŭ mbŭh sadi inga inga. “Mbŭh sukup kana pingandai-I!” ngara nang. “Daya adi bangam Ayŭh bada dapŭd dingah, ka daya adi dŭh pandai minyu Ayŭh bada dapŭd minyu!”

LUKE 4:36

Bara daya mbŭh inga inga ka nang dupan adŭp-i, “Pinganang ani meh anŭ? Ngga kuasa ka pinyibisā Ayŭh mritah bara roh arap anŭ da ruah, ka ngara sawŭ ruah!”

LUKE 8:25

Ka-I nang di murid murid-I, “Mani angān dŭh sabah di Aku?” Pak ngara mbŭh inga inga buang taru, ka nang sanuh di sanuh, “Asi daya ati? Ayŭh mritah sabak ribut ngga girumbang, ka-i tunda pinganang-I!”

HEBREW 12:28

Ata patut nggen trima kaseh, sabab ata kambat pritah adi dŭh tungang dog ngugoh. Ja ata nggen trima kaseh ka nyambah Tapa ngga gaya adi pimunos asŭng-I, darŭm stabi ngga taru;

PINANDŬNG 15:4

Asi daya re dŭh taru Kaam, Tuhan? Asi daya re abah kibās adŭn Mai? Kaam sadi adŭ kudus. Sopŭrŭg bangsa re mandŭg nyambah Kaam, sabab pingandai tŭnggŭn Mai dog kiris sopŭrŭg daya.”

1 SAMUEL 12:24

Dingah pinganang TUHAN ka tŭtŭd bituan di Ayŭh ngga siabo atin ngan. Ingat kayuh bās adi Ayŭh mbŭh ndai yŭn ngan.